Kɔgya 72:12 - Katɔti Ɔku Kedee

¹² Ɔsika uudie bekyuli bani ƒui mɔɔyaki lɛla lɛdi na bana lɛbibo kemmo ku bani nse kpɛtɛ kpɛtɛ ku bani neeebo bebunkune.

Kɔgya 72:12 ပူးပေါင်းရင်းမြစ်များ

Samuel 2 14:16

Na lɛ́ƒɔ lɛ́di ka adubudie-mi alɛku ukyuli ɔni mɔɔwia ka ɔdu ami ku mina ubi na bɔyii udu na Israel kaba ƒui akɔ.

Hiob 29:12

Na baabla ɔmɛni ɔsika muudie bawabane ku bekpinebi bani muuwulo kɔnyana ka baawia kebunku na beeebo katamikukɔ kadi ɔsu.

Hiob 36:15

Ulu ɔni lɛlɔ na Katɔti uuti taalɔ ukyuli ka ɔsiaku-nwu kama ndi uwi ɔni na ala ényimi-nwu na ɔgbankpi ku ala bamba eekpóku-nwu!

Kɔgya 10:17

O Unwoti, bekyuli bani muuboku lɛlɔ kalɔ na beevele-ɔ bana kayi lɛyɔla ni, eenú-ma bɔkpali na aakya-ma kayi ogya, na eenú-ma lɛdi lɛnɔ si baakpali-ɔ.

Kɔgya 102:17

Na ɔdubunu bawabane ƒui bɔkpali na ɔbla ala ani beevele-nwu ute-ma.

Kɔgya 102:20

Na únu bekyuli bani na bákya ɔtɔ budumo ku bani na bádu-ma kukpi kɔtɔ ƒui kalɛ na udie-ma.

Kɔgya 55:17

Ɔtanta ku ɔƒiiwi ku usien ƒui ndubɔkpali Katɔti, na liwulo lɛkya-nwu na ala ani muukpóku-mi ɔsu. Na ɔdubunu ute-mi.

Kɔgya 72:4

Na unye kpakplaa ute bawabane na ubunku bani mɔɔyaki ala na ɔyila bani mɔɔnya bekyuli taakya ulikplu kemmo udu!

Agba 29:7

Bekyuli babuni baasia anu ka babla ala ulu lɛlɔ siin bete bawabane, nsu bekyuli bekpidi baaadaku ɔmmɔ.

Etemila 4:1

Lɛ́nu lɛla bamba lɛnɔ lɛ́ka lɛ́mana na lɛ́nu ulikplu ku kalala kani udu na bekyuli baabla bekyuli na kalɔ lɛlɔ. Na keku buwulo sɔɔn kani nda, nsu kɔnu ɔsiane ɔdi uuubo. Na bani mɔɔbla udu ɔmɛni lɛnɔ bebo ɔkplu geen.

Yesaia 41:17

“Uwi ɔni na bawabane ku bani na bese kpɛtɛ kpɛtɛ beekpi utukwɛ na balakɛ ntu na bani ni, ami Unwoti Israel Katɔti ndubo na mbedie-ma na naaayiƒala-ma kudii.

Luka 4:18

“Katɔti Kɔyu kɔ́ƒɔ-mi lɛlɔ kemmo ƒui, ɔsika Katɔti náƒuna-mi ɔnii nti litemi buni lɛmɛni mboku bawabane. Na ɔ́tala-mi ɔnii nkɔ lɛsa nte bekyuli bani na béƒie kalɛ na bakɛ bɔnwuna. Na bani na anumi ábwɛ-ma ni, bataanu. Na bekyuli bani na baanya taakya ku lɛbibo ni, bakɛ bɔnwuna.

Luka 7:22

Amu na údie kenye na ɔ́su Yohane batalane ɔnini, “Bɛsɔ binwini na bitásu Yohane ala ani na bɛ́nu na bínu bɛnii banumbwɛne baanu, bani na báƒɛ bewi kalɔ beesié, ɔlɛgyie beƒine lɛlɛ lɛ́ba-ma, batutine beenú, bekpine baata teelie ngba, na mɔɔsu bawabane Katɔti litemi buni.

Korintoƒuɔ 2 8:9

Ɔsika bɛgyi kalɛ na Blɔti Yesu Kristo lɛƒɔndia lise. Na ina ka ɔdi Katɔ Ɔga Ubi muedi ni, ɔ́nyonu lɛla biala na bina bɔdia ɔsu kalɛ na ɔkɛ nwuna lɛwaba kemmo na amii bínwini Katɔ Ɔga Ɔma ala bakɛne.

Hebriƒuɔ 7:25

Anwuɔsu ni, ukyuli biala ɔni muubo Katɔti kudɔ ɔkɛnku-nwu lɛlɔ ni, Yesu ɔmmɔ ɔɔkana na ɔɔƒɔ́-ma ngba uwi ƒui ɔsika ɔdubo buteevele teete-ma na Katɔti kudɔ.

Samuel 1 22:2

Bekyuli bamba lɛnɔ bébebunku-ma. Na bana badi ndi bekyuli bani na baanya taakya ku bayune ku bani nánu ka bana keliela kalátɛ-ma ƒui bébo bábasiaku Dawid ku anwu badi. Na Dawid únwini bana ɔtɔnkune ɔni na bana ƒui bumomo bɔbla aani nkyuli eti maane.