Kɔgya 71:5 - Katɔti Ɔku Kedee

⁵ Ɔsika ɔ́si mina lɛnamu uwi ƒui ni, Unwoti, ƒula lɛlɔ na mina anu asia na líti mina ala ƒui lɛ́kya-a enu kemmo.

Kɔgya 71:5 ပူးပေါင်းရင်းမြစ်များ

Baga 1 18:12

Nsu lɛɛɛgyi kesii kani na Unwoti Kɔyu kɔdubuti-ɔ kusienku si lɛ́tɔlɔ-ɔ kudɔ mɛni. Na si lísie ńtásu Ahab na úbo na útanu-ɔ ni, ɔdubo-mi bɔdu. Nsu ami ƒula kabla ɔblane líse kalɔ mɔɔkpá Unwoti mina lɛkloƒu uwi.

Ala Alɛdi 2 34:3

Yosia úse kalɔ ku Katɔti bɔkpa uwi ɔni kani na ɔ́ƒɔ akwa leevu-aku aani nwuna nana Dawid kalɛ. Na akwa ene kama ni, ɔ́lɛ ugyii ka ɔ́yila kadi bamba baƒiɔ ku aƒiodu ani ƒui na akya Yuda ku Yerusalem ku lɛƒiɔgyii lɛni na bálɛ béte Asera baƒiɔ beledi ka bataakpa.

Kɔgya 119:166

Unwoti, mina anu asia ka aƒɔ-mi, na mɔɔdi ƒula etemila lɛlɔ.

Kɔgya 119:81

Nnye mɔɔnu ulu taanɔ kpakplaa ka ebo abaƒɔ-mi, nsu mina anu asia ƒula litemi lɛlɔ.

Kɔgya 13:5

Nsu ƒula lɛlɔ kani na mina anu asia, ɔsika ƒula bɔyɔ buuubo kawɔlɔkɔ. Na mina kayi lɛnɔ kákɛ lɛlɔyɔ ka áƒɔ-mi ɔsu.

Kɔgya 39:7

“Unwoti, bi lɛnɔ na nsɔ nsia anu ɔƒɛni? Ƒula lɛlɔ kani na mina anu asia.

Kɔgya 42:11

Bi ɔsu na naaakɛ́ bɔnwuna na mina lɛlɔ ƒui kemmo na enu-mi lɛni? Ndubuti mina anu lɛsia Katɔti lɛlɔ na lɛsɔ limwi-nwu, ɔsika anwu ndi mina Ɔƒɔne ku mina Katɔti.

Kɔgya 71:17

O Katɔti, awɔ mɔɔtina-mi ala ɔ́si lɛnamu uwi ƒui. Na ńtada ƒula akɔla ala budie taatina kudu bubo ńtaya.

Etemila 12:1

Taakali ƒula udiene lɛlɔ taanu uwi biala na ƒula lɛkloƒu uwi! Ɔsika uwi ɔdubo ɔni na kayawi ala adubukpi-ɔ ɔkwɛ na etila ani nsia-a lɛlɔ ɔsu.

Yeremia 14:8

Awɔ kani ndi bula lɛnunsia na awɔ kani ndubɔkana na aƒɔ-bu ngba ɔƒɛni. Ébunku-bu uwi ɔdi na uwi bamba áda-bu ése.

Yeremia 17:13

Ese aani libiɔ lɛni mɔɔyu na eete Israelƒuɔ ngba na bebo lɛnunsia na ƒula lɛlɔ. Nsu si bekyuli bammɔ béni lɛla lɛni na ásu-mi ni, adubo-ma bɔkpala bɔtɔlɔ aani lɛla lɛni na bénweni básia ɔtumu akɔ.

Yeremia 17:17

Mina kayi ƒui kasia-a lɛlɔ ka adubudie-mi na ɔgbankpi uwi. Anwuɔsu sɔ takya-mi bɔyia.

Yeremia 17:7

“Na bani néti bana anu básia-mi lɛlɔ ni, ndubute-ma kusɛ kusɛ.

Yeremia 50:7

Ndi bebuo kadikɔ kabuni nte-mii kani na bina bati kuuku básia anu. Nsu bíni-mi, anwuɔsu bina bekisine lɛnɔ bákɛ-mii béƒie aani kalɛ na baaduli ebuo teebweli na bana kayi kátadu-ma kɔtɔ kɔdi.

Luka 2:40

Ubi ɔmmɔ ɔ́lɛ lili na ɔ́kɛ lɛlɔ ɔkplu, na ɔ́da anu geen. Na nwuna lɛlɔ lɛ́da Katɔti kubiti.

Romaƒuɔ 15:13

Muuvele nnii Katɔti ɔni ndi bula lɛnunsia ɔya na lɛlɔyɔ lɛƒɔ-mii lɛlɔ kemmo ƒui, na bɛkɛ keyi buɛɛ aani kalɛ na bíti bina lɛlɔ bɛ́sia-nwu lɛlɔ kenye, kalɛ na Katɔti Kɔyu ɔyikun ɔya na bina lɛnunsia lɛƒɔ-mii lɛlɔ kemmo ƒui.

Timoteo 2 3:15

Ka ɔ́si-ɔ lɛnamu uwi ni, áti Bunweni Kedee Ɔku kemmo etemila ani náya-a na áda anu na ebo ngba bɔƒɔ etemila ɔkɛ Kristo bɔƒɔtaadi lɛlɔ.

Samuel 1 16:13

Amu na Samuel úwilimi nnɔmii bɔmmɔ úwi Dawid lili na nwuna banwani anumi. Na uwi ɔmmɔ kemmo kani na Katɔti Kɔyu kúbo na kɔ́ƒɔ Dawid lɛlɔ kemmo ƒui ku ɔyikun. Na Samuel lɛnɔ únwini úsie Rama.