Kɔgya 71:16 - Katɔti Ɔku Kedee

¹⁶ Unwoti Katɔti, ndubumwi-ɔ na ƒula ablala enengudi ɔsu. Na lɛsu bekyuli kalɛ na aabla-bu lɛƒɔndia lɛni udu nsɔ neeebo kesii bamba.

Kɔgya 71:16 ပူးပေါင်းရင်းမြစ်များ

Kɔgya 106:2

Ukyuli ɔdi ulakana na wedie kenye na Unwoti ala enengudi ani na ɔ́bla lɛlɔ. Na ɔdi lɛnɔ ulakana na wemwi-nwu lɛnɔ na wedu wawɔlɔ.

Kɔgya 29:11

Unwoti Katɔti uute nwuna kadi bekyuli ɔyikun. Na uute-ma kusɛ kusɛ na keyi kaayɔ́ku-ma.

Kɔgya 51:14

O Katɔti, die-mi na ubugya kalɔ buwi lɛtuni kemmo. Na ndubɔsu kalɛ na aaƒɔ́ bekyuli ngba.

Kɔgya 71:15

Ndubɔka lɛsu bekyuli mina ngba emeyi kemmo ƒui kalɛ na aabla ala siin na aaƒɔ́ bekyuli na lɛƒɔndia lɛmmɔ liiibo lɛkala.

Kɔgya 71:19

Na banu bati kalɛ na ébomo na ese siin aani kalɛ na baanu ka kayaa kébomo kalɛ. Ábla ala ebendi, na ɔdi ɔsɔ uuubo ƒula kalɛ.

Kɔgya 71:2

Ka ese siin ɔsu ni, die-mi na enu-mi buvele na aƒɔ-mi.

Kɔgya 71:24

Na ndubɔsu uwi ndi uwi kalɛ na ese siin na édie-mi ku ƒula ɔyikun. Ɔsika bekyuli bani ƒui nákali ka babla-mi kalala ni, éboku-ma kalɔ na kɔƒa kúkpo-ma.

Yesaia 26:13

O Unwoti bula Katɔti, benwoti bamba báadi-bu lɛlɔ na ƒula kama nsu awɔ ƒula lɛnyi kani na buudie kenye teemwi.

Yesaia 40:31

Nsu bani néti bana anu básia Unwoti lɛlɔ ni, bana ɔyikun ɔdubɔsɔ ɔbla ɔwɔdi. Na bana ɔyikun ɔdubuse aani kalɛ na kɔdigbo aasɛ uuveyi taavi kayaa. Na badubo usi bukeli na balanɔ bukeli. Na badubusie lɛgba na lɛgba lilakpulu-ma.

Yesaia 63:7

Ndubɔsu lɛƒɔndia ala ani na Unwoti ɔ́bla, ɔsika ala ammɔ ámanku ka bemwi-nwu! Unwoti ɔ́nu nwuna kadi bekyuli Israelƒuɔ kɔnyana na ɔɔbla-ma lɛƒɔndia uwi ndi uwi na ɔɔtina kalɛ na ɔdia.

Sakaria 10:12

Ndubo mina bekyuli ɔyikun bɔkya na ukyuli ɔni udu na ndi ɔsu, na lɛya na basiaku-mi. Ami Unwoti násu!”

Mateo 6:33

Mmomu anumi egyie-mii na Katɔ Ɔga ala lɛlɔ na kalɛ na bɛbla lɛlɔ siin utulo. Na Katɔti wabla ala abambadi ƒui lɛnɔ wete-mii.

Romaƒuɔ 1:17

Na litemi buni lɛmɛni muudie ulu siin ɔni mɔɔyɔ́ Katɔti kaƒɔ taatina. Na ulu siin ɔmɛni ɔkɛnku bɔƒɔtaadi lɛlɔ ɔ́si kalɔ kesekɔ útédu kawɔlɔkɔ. Na lɛni na bénweni na Bunweni Kedee Ɔku kemmo banini, “Bani mɔɔsiaku-mi kama siin ni, badubulie ngba na bana bɔƒɔtaadi kemmo.”

Romaƒuɔ 10:3

Ɔsika baaagyi ulu ɔni lɛlɔ na Katɔti ɔɔyɔ́ ka ukyuli ɔsia na ɔbla siin na nwuna anumi. Mmomu ama alati báwia ulu bamba béte lɛlɔ. Ɔmɛni ɔsu béteboku lɛlɔ kalɔ bétete Katɔti kalɛ na ɔtina-ma ulu ɔni lɛlɔ na basia na ɔbla-ma siin.

Romaƒuɔ 3:21

Nsu ulu ɔni lɛlɔ na Katɔti údie ɔ́tina ka bekyuli baasia taabla siin ni, ɔɔɔkɛnku ɔda bubo lɛlɔ. Na ɔda bubo bɔmmɔ ku kenye bediene bédie ɔmɛni bátina nwaa.

Eƒesoƒuɔ 3:16

Muuvele Katɔti na nwuna lɛƒɔndia bukeye pii kemmo nnii ɔkya-mii ɔkplu na nwuna Kɔyu kute-mii ɔyikun na bina kayi kemmo.

Eƒesoƒuɔ 6:10

Na kawɔlɔkɔ ni, bɛya na Katɔti ɔyikun ɔkya-mii ɔkplu.

Lɛkpa Ulu 33:25

Na beti abuala ani mbo ɔkplu geen bagyumana bina lɛma kɔyakun. Na ɔyikun ɔkya bina bekyuli akɔ.

Ƒilipiƒuɔ 3:9

Na mɔɔwia ka liti mina lɛlɔ ƒui lite-nwu. Ɔmɛni ɔdubɔtina ka mina siin bɔbla útasi ami ɔlati kudɔ aani bɔni udu na bekyuli baakali ka baakɛ́ ɔkɛnku ɔda bubo lɛlɔ bɔdi kemmo, mmomu bɔkɛnku Kristo bɔƒɔtaadi kemmo. Na siin bɔbla bɔmɛni nási Katɔti kudɔ na bɔdanku bɔƒɔtaadi.

Ƒilipiƒuɔ 4:13

Mɔɔkana na mɔɔbla lɛla biala ɔkɛnku Kristo ɔyikun ɔni na úte-mi ɔsu.

Tesalonikaƒuɔ 2 1:6

Katɔti ɔdubɔtɛ litemi na ulu lɛlɔ. Na ɔdubɔni bani muukpóku-mii ƒui kɔtu.

Timoteo 2 2:1

Na awɔ, mina ubi, kya ɔkplu na bula unwi bɔbla ku Kristo na nwuna lɛƒɔndia lɛni na ubo ute-bu kemmo.