12 O Katɔti, tagyunku-mi, mmomu yile-mi bubebunku.
O Unwoti, bi ɔsu na ágyunku-bu lɛni, na si uwi ɔni na ala eekpóku-bu ni, na eeti ƒula lɛlɔ taabɛla-bu?
Unwoti, nu-mi bɔkpali. Mina lɛnunsia lɛ́sa. Na téti lɛlɔ tabɛla-mi, si ɔɔɔdi lɛni ni, ndubo bukpi aani bamanvine bani ntɔ kalɛ.
Anwuɔsu tagyunku-mi, ɔsika ɔgbankpi ɔdubo-mi lɛlɔ na ɔdi uuubo na ubunku-mi.
O mina Unwoti, awɔ mɔɔkya-mi ɔyikun. Tagyunku-mi bo na ebebunku-mi.
O Unwoti, ala amɛni ƒui adi biala átabɛ-ɔ. Anwuɔsu buvele tagyunku-mi na asɔ elie kpoo ataanu.
O Unwoti Katɔti, ya na kaƒɔ kayɔ-ɔ na edie-mi. O Unwoti, yile bubo na ekpo ete-mi.
Ni de-mi, na aƒɔ ete-mi na lɛkɛ bɔnwuna lɛsiku mina bekisine enu kemmo!
Na ami amu ni, ɔwabane na ndi na mɔɔyáki ala pii. Anwuɔsu yile-mi kudɔ bubo, O Katɔti! Awɔ muubunku-mi na aaƒɔ́-mi. Unwoti, tetu uwi!
