Kɔgya 7:9 - Katɔti Ɔku Kedee

⁹ Awɔ ndi Unwoti Katɔti ɔni nse siin na agyi bula lili kemmo kakali ku bula kayi kemmo ayɔla ƒui. Nye tile alaekpidi bablane ala bɔbla ulu! Na ada bekyuli bani nsiaku-ɔ kama siin na benye kpakplaa.

Kɔgya 7:9 ပူးပေါင်းရင်းမြစ်များ

Ala Kalɔ Buse 20:5

Ɔɔɔdi Abraham ɔlati násu-mi ɔnini, ‘Mina ɔnwani ulekubi na ɔdi’? Lɛla lɛni na lɛ́bla ni, mina kayi kaladu-mi kɔtɔ. Na aanu-mi enu na katɔ.”

Baga 1 8:32

na enu asiku katɔ na atɛ litemi lɛmmɔ. Na ɔni na ádu kɔtɔ ni, na ani-nwu kɔtu kalɛ na ɔ́manku. Na edie ɔni nátaƒiɔ ubo atina na ukeye.

Ala Alɛdi 1 28:9

“Mina ubi Salomo, mɔɔsu-ɔ kpakplaa ka kya Unwoti lili kalɔ uwi biala na asiaku-nwu kama siin na adi nwuna litemi lɛlɔ ku ƒula kayi ku kasusu ƒui aani kalɛ na lɛ́bla. Ɔgyi ƒula lili kemmo kasusu ku kakali biala na ada aabla ala. Anwuɔsu si énwini ésie-nwu kudɔ ku kayi ƒui ni, ɔdubunu ƒula buvele. Nsu si énwini kama ákya-nwu ni, anwu lɛnɔ ɔdubuni-ɔ uwi ƒui.

Kɔgya 10:15

Balalane ku ekpidi lidu bamba bablane ni, yila bana ɔyikun. Na ani-ma kɔtu na alaekpidi ani na bábla kenye úti útédu ka báda-nya bɔbla báya.

Kɔgya 10:18

Na bekpinebi ku bani na baanya taakya ni, adubɔtɛ bana litemi ete-ma na badi ubo kalɛ na likpidi bablane basɔ balákɛ ɔyikun ɔdi na bataabla-ma kalala na bataayila-ma lɛnɔ.

Kɔgya 11:5

Unwoti ɔɔkɔ́ku bekyuli bani nsiaku-nwu kama siin taanu bana ablala kemmo. Na uukisi bakantankpine ku bani mɔɔta teenye nwuna ɔda bubo lɛlɔ.

Kɔgya 139:1

Unwoti, éduo-mi kayi ku lɛlɔ kemmo ánu ƒui na agyi kalɛ na nse.

Kɔgya 17:3

Agyi kalɛ mina kayi kemmo kese sɛɛn. Ɔsika ébo-mi kudɔ usien na ákɔku-mi lɛlɔ kemmo ƒui ánu ka ntabla likpidi. Na lɛ́lɛ ugyii ka lɛɛɛdubo mina kenye bubimi bɔsu lɛla likpidi lɛdi.

Kɔgya 18:21

Mɔɔdi Unwoti ɔda bubo lɛlɔ. Na ńtedeyi ńtalɛ nwuna ulu lɛlɔ na lɛ́ƒiɔ-nwu.

Kɔgya 26:2

Unwoti, duo-mi kayi ku kasusu kemmo nu, na akɔku-mi anu kalɛ na nse.

Kɔgya 35:23

Mina Unwoti Katɔti, buvele ta na ekpo aƒɔ-mi.

Kɔgya 37:23

Ukyuli ɔni mɔɔbla Unwoti Katɔti lɛyɔla ni, Unwoti ɔɔtina-nwu nwuna kanyakɔ na nwuna ablala ƒui aayɔ́-nwu kaƒɔ.

Kɔgya 40:2

Ɔ́nu-mi na lɛba ubu bonwu ɔni kemmo na ami lɛti nkya. Na údie-mi úbenyene lɛtakpɛ lɛlɔ kesii kani na lɛɛɛdubo bɔgbanta. Na lɛ́kɛ bɔnwuna.

Kɔgya 43:1

Unwoti Katɔti, tɛ ami ku kadi kani bekyuli naaagyi-ɔ mɛni ntɛ litemi na ete-mi ubo. Na edie-mi alɛku ɔkɔ banyine ku balalane bamɛni akɔ.

Kɔgya 44:21

awɔ Katɔti adubɔnu ati. Ɔsika agyi abɛla ani nkya bekyuli kayi kemmo.

Kɔgya 58:6

O Katɔti, mina bekisine bese aani bagyata bani na bana anumi égyie anwuɔsu na muuvele-ɔ nnii ƒɛ-ma anyi.

Kɔgya 9:9

Unwoti ɔdi katamikukɔ ute bekyuli bani lɛlɔ na bekyuli bamba baadi kpakplaa. Na anwu ndi kama kekpokɔ ute bani na ala eekpóku.

Kɔgya 96:10

Na bɛsu na kadi ƒui bekyuli akɔ bɛnini, “Unwoti Katɔti mɔɔdi lɛga.” Na kalɔ kemodi kammɔ kenye kana lɛgba lɛlɔ kpi na kalákunku kudii. Ɔdubɔtɛku bekyuli ƒui litemi na ulu siin lɛlɔ.

Kɔgya 96:13

Bidie lɛnu na bibo kudu na Unwoti ɔni ndubo anumi. Ɔsika ɔdubo ubatɛku kayawi bekyuli litemi na ulu siin lɛlɔ. Na ɔdubɔsia nwuna litemi geen lɛmmɔ lɛlɔ ɔtɛ litemi lɛmmɔ.

Kɔgya 98:9

Bidie lɛnu na bibo kudu na Unwoti ɔni ndubo anumi. Ɔsika ɔdubo ubatɛku kayawi bekyuli litemi na ulu siin lɛlɔ. Na ɔdubɔsia nwuna litemi geen lɛlɔ ɔtɛ litemi lɛmmɔ.

Yeremia 11:20

Lɛ́kpali Unwoti na lívele-nwu nnini, “Unwoti Ɔyikune Ƒui, lɛla lɛni na ndia na aabla uwi ndi uwi na agyi ukyuli biala kasusu lɛnɔ. Anwuɔsu bunku-mi na edie bekyuli bamɛni kasi.”

Yeremia 17:10

Nsu ngyi bina ablala ku kasusu ƒui, na ndubo bɔnu ka bɛ́kɛ lɛla lɛni na lɛ́manku-mii.

Yeremia 20:12

Unwoti awɔ mɔɔkɔ́ku bekyuli bani mɔɔbla lɛbuni ƒui taanu na agyi ukyuli biala kayi ku kasusu kemmo ƒui. Lɛ́su-ɔ ala ani muukpóku-mi. Anwuɔsu ya na lɛnu kalɛ na adubudie mina bekisine kasi.

Daniel 11:45

Na ɔmmɔ kama ni, ɔdubɔbla keliekɔ na Ɛpu Ubendi ku Sion Kɔbi ntɛ. Nsu kawɔlɔkɔ ni, badubo-nwu udu bɔyila na ukyuli biala ulakana-nwu bɔƒɔ.”

Batalane Kabla 12:23

Kɔnakunwi ni, Katɔti ɔtu ɔdi úbo Herode ɔ́ƒiɛmi kalɔ, ɔsika anwu úteti bumwi útete Katɔti. Na beklubi béyi-nwu lɛlɔ kemmo ƒui, na úkpi.

Romaƒuɔ 16:25

Na ɔƒaani ni, bɛya bumwi Katɔti. Anwu ndubɔkana na ɔda-mii na binye kpakplaa aani kalɛ na mɔɔsu na litemi buni lɛni kudu na muubó kemmo ɔkɛnku Yesu Kristo lɛlɔ. Litemi buni lɛmɛni nkɛnku ala abɛdi ani na Katɔti údie keyi na ábɛ-bu na akwa pii ani návi kemmo.

Tesalonikaƒuɔ 1 3:13

Ɔmɛni ndubɔya na Unwoti Katɔti ɔkya-mii ɔkplu na uveli-mii lɛlɔ ekpidi ƒui na ɔbla-mii kedee na nwuna anumi ute limeyi lɛni na Blɔti Yesu Kristo wasɔ webo kayawi kamɛni ku nwuna badi kedee.

Petro 1 5:10

Na si bíbo abi ammɔ uwi klukui ɔdi kama ni, Katɔti ɔni kaƒɔ ndia geen na ɔ́lɔ-mii ɔnii bibelie ngba ƒui na nwuna bukeye kemmo ɔkɛ Blɔti Yesu Kristo ɔsu ni, ɔsɔ ɔdubɔbla-mii kedee, na ute-mii ɔyikun, na bɛsɔ binye kpakplaa.

Yuda 1:1

Ami Yuda ɔni ndi Yesu Kristo kabla ɔblane na ndi Yakobo ɔnwani ni, muunweni ɔku ɔmɛni lite amii bani nénu Katɔti bɔlɔ. Na ka bɛ́siaku-nwu ɔsu ni, ɔɔyɔ́-mii. Na Blɔti Yesu Kristo lɛnɔ ɔɔgyumana-mii geen.

Budie Taatina 2:23

Lɛnɔ ni, ndubo uleku ɔmɛni basɔnɔbi ƒui bɔdu. Na mmɔ ni, baƒɔtaadine lɛkpa lɛmmɔ ƒui badubɔti ka ami ndi ukyuli ɔni ngyi ukyuli biala kayi ku lili kemmo. Ndubo bina akɔ ɔdi biala kayu bɔƒɔ na lɛla lɛni na ɔ́bla kenye.

Samuel 1 16:7

Nsu Unwoti ɔ́su Samuel ɔnini, “Tanu kalɛ na ɔ́kuku na ɔɔdia bɔnu kani, ɔsika ńtaƒuna-nwu. Na ɔɔɔdi ala ani na ukyuli ɔɔnu na ukyuli lɛlɔ na ami Unwoti mɔɔnu taaƒuna-nwu. Ɔlɔna ala kani na amii bɛɛnu. Nsu ami mɔɔnu nwuna kayi kemmo.”

Samuel 1 2:9

Ɔdubɔgyumana nwuna bekyuli kedee ƒui na bana kɔvinkɔ. Nsu balalane ni, badubo bɔyi bɔkya lɛdisa kemmo na bayii ku udu. Ukyuli ulélie ngba ɔkɛnku anwu ɔlati ɔyikun lɛlɔ.