Kɔgya 7:16 - Katɔti Ɔku Kedee

¹⁶ Ɔmmɔ ɔsu ni, ama alati bana ekpidi ndubo-ma kɔtu bɔni. Na bana likyulikpi kasusu keenwíni teebo-ma lɛlɔ.

Kɔgya 7:16 ပူးပေါင်းရင်းမြစ်များ

Baga 1 2:32

Na Unwoti ɔdubɔya na ɔ́ƒɔ ubugya ɔni na úwi kalɔ mmɔ kayu. Ɔsika útasu mina ɔti Dawid útese asa na úteti nwuna kewii ɔ́du Ner ubidi Abner ɔni ndi Israelƒuɔ ukpone ɔtɔnkune ku Yeter ubidi Amasa ɔni lɛnɔ ndi Yudaƒuɔ ukpone ɔtɔnkune. Na bekpone bamɛni báƒɔ kuye betulo Yoab ɔni nádu-ma mmɔ ɔlati.

Baga 1 21:19

Na asu-nwu anini, ‘Lɛni na Unwoti ɔɔsu. Ɔɔɔdi bɔdu na ádu ukyuli na ékpeli nwuna kadikɔ aaƒɔ́?’ Ɔmmɔ kama na asu-nwu anii, ‘Lɛni na Unwoti ɔɔsu. Kesii kani na bakpɛwe báyalɛ Nabot ubugya ni, mmɔ kani badubo awɔ lɛnɔ ƒula ɔdi geen bɔyalɛ!’ ”

Ester 7:10

Mmɔ kani na ɔga ɔmmɔ údie lɛdi úte-ma ɔnini, “Bɛgyunku-nwu na bitákya-nwu ɔbuli limɔ bɛƒala mmɔ!” Anwuɔsu béti-nwu na bátaƒala-nwu na anwu ɔlati ugyii lɛlɔ. Na ɔga ɔmmɔ kɔnyi kɔ́yɔ-nwu na kaƒɔ lɛnɔ kába-nwu.

Ester 9:25

Nsu uwi ɔni na Yudaƒuɔ lɛlɔ kelisa kekpidi kamɛni litemi líbeduo Ɔga Ahasweros kɔtu kemmo ɔkɛnku Beleku Ɔga Ester lɛlɔ ni, ɔ́ya na bénweni ɔku bamba bébile Haman lɛla lɛni na únyimi kemmo, na likpidi lɛmmɔ línwini líbo Haman ku nwuna bebi lɛlɔ mmomu ɔni na bákya-ma ɔbuli limɔ anwu ku nwuna bebi na báƒala-ma.

Hiob 4:8

Ami lɛ́ɛnu dii, kalɛ na bekyuli bani muunye likyulikpi ala bɔbla lɛlɔ aani kalɛ na ɔtumane uugúlu kalɔ taava edula ni, beedé bana likpidi ebi ani na báva.

Kɔgya 141:10

Na aya na balalane banu beduo ama alati bana kɔkpagyuɛ kɔmmɔ kemmo uwi ɔni na áya-mi na lɛ́lɛ sɛɛn na bana enu kemmo.

Kɔgya 35:8

Ya na ɔgbankpi uyu-ma ɔtu ɔni na baaagyi beeese. Na aya na kɔkpagyuɛ kɔni na bákywɛ-mi kudie-ma. Na banu beduo libu lɛni na ama alati béku bése-mi kemmo na bayii udu na mmɔ.

Kɔgya 36:12

Aanu kesii kani na alaekpidi bablane bébuli batɛ ɔni na basɔ balakana bɔta!

Kɔgya 36:4

Balásia lɛbuni bɔbla ulu biala lɛlɔ. Na si batɛ bana atɛla lɛlɔ muedi likpidi lɛlɔ kasusu kani na baatɛ teeti. Anwuɔsu lɛnɔ na béni ka bada bana alaekpidi bɔbla baya.

Kɔgya 57:7

Mina kayi kélie-mi kalɔ na awɔ ɔsu, O Katɔti, na ndubudie kɔgya ku lɛdi mini mini limwi-ɔ.

Kɔgya 9:16

Unwoti, bekyuli ƒui bagyi-ɔ ka aabla ala ulu geen ɔmmɔ lɛlɔ. Nsu balalane ni, bana ablala eenwíni kakpagyuɛ teedie-ma.

Agba 1:19

Bekyuli bani ƒui na anumi eegyie-ma na lɛkɛ likpidi lɛlɔ ni, lɛni na bana kawɔlɔkɔ kaabla.

Agba 26:27

Si ákywɛ ƒula ɔkpana kakpagyuɛ ni, awɔ ɔlati ndubo-ka kemmo bɔnu buduo. Na si éminime lɛtakpɛ bonwu lɛdi anii litásia bekyuli lɛlɔ ni, lɛdubɔsɔ linwini libasia-a.

Etemila 10:8

Bekyuli bani muukú libu teese bana bakpana ni, ama alati mɔɔnú-ni kemmo. Lɛni kani na bekyuli bani mɔɔbwɛ kɔwodu taawia kasiakɔ ni, balakpi mɔɔdu-ma.

Samuel 1 23:9

Uwi ɔni na Dawid únu ka Saul ɔɔwia ulu ɔni na ubo ubeƒie-nwu ni, ɔ́su Ɔkpane Abiatar ɔnini, “Ti ƒula bɔkpa awu ɔmmɔ boku.”

Samuel 1 26:10

Na ɔ́su-nwu ɔnini, “Unwoti ɔni nli ngba mɛni ɔlati ndubo-nwu bɔdu na kekpokɔ iye anwu ɔlati ndubo bukpi nwuna kukpi.

Samuel 1 28:19

Unwoti ɔdubɔya na Ƒilistiƒuɔ badi awɔ ku Israelƒuɔ bekpone ƒui lɛlɔ. Na ɔdubuti bina kalɔ ute-ma. Na kɔnaadi lɛti pɛ awɔ ku ƒula badi bɛdubo bibeduo-mi kudɔ na kekpine mɛni.”