Kɔgya 69:4 - Katɔti Ɔku Kedee

⁴ Na mina bekisine bani muukisi-mi keeke bemomo betulo mina lili linwini. Na bani mɔɔwia-mi ngba bayila lɛnɔ bebo ɔkplu, na ɔkɔ ala sɔɔn na baasu taasiku-mi lɛlɔ. Na béƒie-mi ala ani na ɔɔɔdi buyu na líyu-nya baƒɔ-mi kudɔ.

Kɔgya 69:4 ပူးပေါင်းရင်းမြစ်များ

Kɔgya 35:19

Unwoti Katɔti, taya na bekyuli bani muukisi-mi keeke mɛni bakɛ ebiti na mina lɛbibo ɔsu. Na taya na bataamana bana anumi taakya-mi ka bákɛ lɛla lɛni na baawia ɔsu. Nsu ɔɔɔdi lɛla lɛdi na lɛ́bla-ma.

Kɔgya 40:12

Ɔsika ɔgbankpi lidu lidu pii ku mina alaekpidi áka ámana-mi na nsɔ naaanu kesii kani na lɛsia. Emomo etulo mina lili linwini ɔmmɔ ɔsu na enu áƒɛ-mi ƒui.

Kɔgya 59:3

Ɔsika ni, Ati, bábɛ belie-mi ulu lɛlɔ ka badu-mi. Na bayikune bála lɛlɔ básala baawia-mi ngba bebile. Nsu ntabla-ma lɛla likpidi lɛdi.

Kɔgya 6:7

Ɔkplu kemmo na mɔɔkana bɔnu, ɔsika mina anumi éƒu kede kede. Na mina bekisine keku kani na baakya-mi ɔsu.

Yohane 15:25

Na ala amɛni ƒui ni, ɔlɛka ebo-nwu kemmo lɛni kalɛ kani na bénweni bése na Bunweni Kedee Ɔku kemmo banini, ‘Beekisi-mi keeke.’

Korintoƒuɔ 2 5:21

Kristo útabla likpidi lɛdi. Nsu bula alaekpidi lili ɔsu na Katɔti úti-nwu ɔ́bla alaekpidi ɔblane. Na ɔmɛni maya na abu bani mablaku-nwu unwi ni, bɔbla siin na Katɔti anumi.

Petro 1 2:22

“Anwu útabla likpidi lɛdi, na útanyi ɔkɔ ɔdi lɛnɔ kudii.”

Petro 1 2:24

Kristo ɔlati náƒɔ bula ekpidi lɛbibo ɔ́sia lɛlɔ útédu ka bákana-nwu bámana ugyii lɛlɔ na bádu-nwu. Ɔ́bla ɔmɛni kalɛ na bɔlɛ likpidi kemmo kalɛ na likpidi lɛsɔ liladi-bu lɛlɔ. Na bulie ngba na butaabla ala ani mɔɔyɔ́ Katɔti kaƒɔ. Abi ani na Kristo úbo na bula lili mɛni náya na abu bɔ́yu ɔkplu na kɔyu kemmo.

Petro 1 3:18

Ɔsika Kristo ɔni nse siin ni, úkpi na bekyuli bani neeese siin lili. Na kunwi kɔni kani na úkpi mmɔ ni, ɔ́ƒɔ ala ekpidi ƒui kayu na ɔ́klibi abu ku Katɔti ntɛ. Bekyuli bádu Kristo. Nsu ɔkɛnku Katɔti Kɔyu lɛlɔ ni, Katɔti ɔ́sɔku-nwu úboku ngba.