Amu na Katɔti údie lɛdi ɔnini, “Kɔbɛ ku kɔkpaku ku ketu kemmo bebuo benengudi lidu lidu bɛƒɔ ntu bɔmmɔ kemmo ƒui. Na lɛla biala lɛni mbo avwi lɛnɔ liteeveyi taavi kayaa.”
Bɛsu katɔ ku kalɔ bɛnii beteedie lɛnu na bataatɔ ku ebiti. Na bibo ɔda bite abi ammɔ lɛnɔ ƒui bɛnii ama lɛnɔ bebunku na beteedie lɛnu. Ɔsika Unwoti bekyuli bébo abi nsu ɔƒɛni amu ɔ́nu-ma kɔnyana na ɔ́yala-ma kɔƒɔ.
Na bɛdubɔkɛ ebiti na bɛdi limeyi na binwini bisie ɔma ku keyi buɛɛ. Na bina lɛlɔyɔ lɛdubɔya na ɔbla aani abi ku abinkpo ammɔ muudie ɔnu si bɛɛví, na ɔbla aani enukpɛ na egyii ammɔ aagyá.