Kɔgya 69:3 - Katɔti Ɔku Kedee

³ Lɛ́ɛkpali lɛ́nɔ na ɔkwɛ ɔ́kwii-mi. Na anumi aanwú-mi ɔni na líinye mɔɔnu-ɔ anumi taanɔ.

Kɔgya 69:3 ပူးပေါင်းရင်းမြစ်များ

Hiob 11:20

Nsu balalane ama badubɔnu ulu banɔ, na balákɛ kebunku ku kekelikɔ kadi. Na lɛla linwi lɛni kani na badubɔsia anu ndi ka kukpi kubeti-ma.”

Hiob 16:16

Líwulo laa na mina anumi egyie na éƒu.

Kɔgya 119:123

Bɔkpa na mina anumi ada ɔni na nnye mɔɔnu ulu ka abaƒɔ-mi ngba, na ƒula linyese lɛnɔ libo-nwu kemmo.

Kɔgya 119:82

Mina anumi ákpa atu na nnye mɔɔnu ulu lite ƒula linyese. Na ɔmmɔ ɔsu na líye muedi nnini, “Uwi ɔmani na adubo-mi kɔnu bɔsia?”

Kɔgya 22:15

Mina ɔyikun ɔ́sa aani libui lɛni nábwɛ kɔkɛ kɔkɛ. Na mina unyemi ɔ́du ɔ́ma-mi kenye kemmo. Na áya na bébi-mi kukpi ɔtumu.

Kɔgya 22:2

O mina Unwoti Katɔti, mɔɔva laa limeyi limodi nsu alakpete-mi. Usien lɛnɔ muuwulo taalɔ-ɔ na liiibo bɔnwuna nsu neeenu kɔku kɔdi.

Kɔgya 25:21

Unwoti agyi ka mɔɔbla lɛbuni na nsiaku-ɔ kama siin. Anwuɔsu muuvele-ɔ, bo na ebedie-mi, ɔsika mɔɔnu-ɔ ulu.

Kɔgya 39:7

“Unwoti, bi lɛnɔ na nsɔ nsia anu ɔƒɛni? Ƒula lɛlɔ kani na mina anu asia.

Kɔgya 40:3

Na ɔ́tina-mi kɔgya kɔwɔdi kɔni lidie limwi-nwu. Bekyuli pii badubunu ɔmɛni na bayia, na baƒɔ-nwu badi.

Kɔgya 6:6

Líiwulo kɔnyana laa na lɛ́yii udu. Na mina atɛla ku lɛla lɛni na mɔɔsia lili ƒui aaƒɔ́ mmii usien biala na mina keku kani muuwulo ɔsu.

Kɔgya 69:21

Béti likpila béte-mi banii adila. Na béti ntɛ bɔnani béte-mi banii ndu utukwɛ.

Kɔgya 88:7

Éti kɔnyi ákya-mi kpakplaa aani kalɛ na ketu keeyi teeƒie ukyuli.

Yesaia 38:14

Mina lɛdi lɛ́sani, na lɛsɔ lilalɛ aani lɛsɛɛmɛɛ mɔɔva, na muudumo aani abloduma. Mina anumi asɔ alanu kaduɛ, anwuɔsu lɛ́kɔliku anumi mɔɔnu katɔ. Ala eekpóku-mi, O Unwoti, bo na ebebunku-mi.

Kɔnyana Buwulo 2:11

Mina anumi asɔ alanu na keku ɔsu, na mina kaƒɔ kébo-mi likpo na ɔ́ya na mina lɛlɔ ekpo ƒui aadu-mi. Ɔdu ɔ́ƒɔ-mi lɛlɔ kemmo ƒui, ɔsika mina bekyuli báyii udu na bebi ku bebiwɔ báƒɔ lɛlɔ bewi ɔma unengudi ɔmmɔ lɛblɔnu ƒui lɛlɔ beekpi ku kɔnyana ɔni na lɛblala liiibo.

Yohane 19:28

Yesu ɔ́ti ka ɔƒaani ni, ɔ́ɔwɔlɔ lɛla biala na ɔlɛka ɔbla. Na kalɛ na Bunweni Kedee Ɔku kemmo ala ani bénweni bése ebo ete lɛni ɔsu ni, Yesu ɔ́su ɔnini, “Utukwɛ ɔɔda-mi.”

Lɛkpa Ulu 28:32

Bekyuli bani naaadi Yudaƒuɔ badubo bebeti bina bebi bananabi ku belekubi batɔlɔku na bina anumi na batátaabla-ma kabla. Na limeyi ndi limeyi ni, bɛdubɔnu-ma anumi ka benwini bebo, nsu keeke.

Hebriƒuɔ 5:7

Uwi ɔni na Yesu úlie ngba na kayawi kamɛni lɛlɔ ni, ɔ́kpali katɔ úvele Katɔti ɔni kani ndubɔkana na udie-nwu na kukpi kemmo ku kɔvanu momoomo ku imii. Na Katɔti únu-nwu bɔkpali, ɔsika úboku lɛlɔ kalɔ úte-nwu na ɔɔbu-nwu ɔsu.