Kɔgya 69:21 - Katɔti Ɔku Kedee

²¹ Béti likpila béte-mi banii adila. Na béti ntɛ bɔnani béte-mi banii ndu utukwɛ.

Kɔgya 69:21 ပူးပေါင်းရင်းမြစ်များ

Etemila 4:1

Lɛ́nu lɛla bamba lɛnɔ lɛ́ka lɛ́mana na lɛ́nu ulikplu ku kalala kani udu na bekyuli baabla bekyuli na kalɔ lɛlɔ. Na keku buwulo sɔɔn kani nda, nsu kɔnu ɔsiane ɔdi uuubo. Na bani mɔɔbla udu ɔmɛni lɛnɔ bebo ɔkplu geen.

Yeremia 23:15

“Amii kenye bediene bani nkya Yerusalem bɛ́ɛgyingya likpidi bɛ́kya kesi kesii. Anwuɔsu na ami Unwoti líse kenye ka ndubute-mii likpila na bɛdi na bɛni.”

Yeremia 8:14

Yudaƒuɔ básu lɛlɔ banini, “Bi ɔsu na bɔ́sɔ bunye bɔɔnu? Bɛya na bukeli buteesie lɛma lɛni na bátu bámana-ni kemmo na butékpi na mmɔ. Bɔ́ta búnye Unwoti lɛlɔ na bádu-bu kɔtɔ banii bɔni ugyulo ukpidi na bukpi.

Yeremia 9:15

Ɔmmɔ ɔsu na ami, Unwoti Ɔyikune Ƒui, Israel Katɔti, líse kenye ka ndubo-a ugyulo ukpidi bute na bani na libile adila lite-ma na badi likpila.

Kɔnyana Buwulo 1:2

Keku kani nda usien umodi. Na imii bɔɔgbá-nwu anumi ƒui. Na útakɛ ukyuli ɔni na ɔsia-nwu kɔnu na nwuna bayɔne ƒui akɔ. Mmomu bénwini-nwu bekisine ɔƒaamu.

Kɔnyana Buwulo 1:9

Nwuna ekpidi énwini ala éduo-nwu adala na uleti kasusu lɛla lɛni ndubo-nwu bɔlɛku na uwi ɔni ntɔ-nwu anumi adubo lɛlɔ. Anwuɔsu Yerusalem kalɔ bubo bɔdi kɔnyana litemi bonwu, na ukyuli ɔdi uuubo na ɔsia-nwu kɔnu uwi ɔni na ɔ́su ɔnini, “Unwoti, nu kalɛ na mina bekisine bádi-mi lɛlɔ na muubó abi na anu-mi kɔnyana.”

Mateo 27:34

Béte Yesu ntɛ bɔni na básala ku kuvo kɔni mbo ɔdu kati kati banii ɔni. Nsu ka útu-mu ɔnu ni, útani.

Mateo 27:48

Bana akɔ unwi úkeli útéti unwo ɔni na béti bákya ntɛ bɔni nányi kemmo na úti ɔ́tu ugyii ɔdi lɛlɔ úboku-nwu ɔnii ɔni.

Marko 15:23

Mmɔ na béte-nwu ntɛ bɔni na básala ku kuvo kɔni mbo ɔdu kati kati banii ɔni, nsu Yesu útani.

Marko 15:36

Bana akɔ ɔdi úkeli útéti unwo ɔni na béti bákya ntɛ bɔni nányi kemmo na úti ɔ́tu kegyiimi kadi lɛlɔ úboku Yesu ɔnii ɔni. Amu na ɔ́su bakladi ɔnini, “Bɛya na bɔnu si Elia ɔdubo ubamami-nwu ɔsiku ugyii ɔmɛni lɛlɔ!”

Luka 23:36

Lɛni kani na bekpone bammɔ lɛnɔ báma Yesu. Na bésie-nwu kudɔ na béti ntɛ bɔni nányi béte-nwu banii ɔni.

Lɛkpa Ulu 29:18

Anwuɔsu bɛnu kaduɛ kalɛ na bina akɔ ɔdi ɔnana iye uleku iye ɔtɔ iye kɔdua kɔdi kayi kelénwini kama kalakya bula Unwoti Katɔti na usie utákpa bana baƒiɔ bammɔ badi. Bɛnu kaduɛ na ɔdi utebile ɔdi kasusu aani kugyii kɔni ntu mbo ɔdu ukpidi ɔdi na bina akɔ.