Kɔgya 69:2 - Katɔti Ɔku Kedee

² Na lɛba lɛɛyɔ́ liƒie-mi, ɔsika mina lɛgba lilakɛ kenyekɔ. Ligyu kemmo na ḿbedu na ntu bɔni mɔɔgbá momoomo mmɔ bɔɔyɔ́ butiku-mi.

Kɔgya 69:2 ပူးပေါင်းရင်းမြစ်များ

Hiob 22:11

Na akya lɛdisa kemmo na use aani kalɛ na ketu keeti ukyuli.

Kɔgya 32:6

Anwuɔsu ukyuli biala mɔɔdi ƒula etemila lɛlɔ ɔsia anu na ɔkpali-ɔ uwi ndi uwi na adubunu ete-nwu. Na si ina ɔgbankpi ɔdi na ɔdi aani ketu néyi na kaanwanɛ lɛlɔ kalɛ kalɛ muedi, ntu bɔmmɔ bɔɔɔdubo bɔni bude-nwu na buƒie-nwu kudii.

Kɔgya 40:2

Ɔ́nu-mi na lɛba ubu bonwu ɔni kemmo na ami lɛti nkya. Na údie-mi úbenyene lɛtakpɛ lɛlɔ kesii kani na lɛɛɛdubo bɔgbanta. Na lɛ́kɛ bɔnwuna.

Yeremia 38:22

badubo ƒula beleku bani na ɔga kesii mmɔ ƒui buƒie na benwini batɔntɛne bete Nebukadnesar benengu. Na beleku bammɔ badubɔsu-ɔ banini, ‘Bakpana bani lɛlɔ na asia anu ni, ama nákpanku-ɔ bátáyila aanu-ɔ náaƒɔ lɛlɔ akya aba kemmo na bakpana bammɔ bénwini na báda-a bese.’

Yeremia 38:6

Amu na básɔku-mi bésienku ɔga kesii kaduli kemmo kesii kani na bagyumanane bammɔ bakya mmɔ, na báyula-mi bákya libiɔ lɛdi kemmo ku kɔbuli, na libiɔ lɛmmɔ lɛdi ɔga ɔmmɔ ubidi ɔni baalɔ Milkiya libiɔ. Nsu ntu bɔdi buuubo-ni kemmo.

Yona 2:6

Lɛ́yu lísie ɛpu ntu kalɔ kalɔ na abi enengudi ƒui kalɔ kesii kani na lɛ́bu nnii bébo-mi lɛkpu bákya uwi ƒui. Nsu awɔ Unwoti mina Katɔti áda-mi édie éboku ngba.

Mateo 7:25

Ɔnantu ɔ́na na ntukpa búyi, na ɔƒɛƒɛɛ úkpo momoomo ɔ́siaku ɔtɔ ɔmmɔ. Nsu útaƒɛ, ɔsika ɔ́tu-nwu ɔ́lɛ lɛtakpɛ lɛlɔ.