Kɔgya 69:13 - Katɔti Ɔku Kedee

¹³ Nsu ami ni, awɔ kani mɔɔkpali teevele, O Unwoti. Na uwi ɔni na awɔ ɔlati ánu ka ɔ́manku ni, enu-mi bɔkpali na ƒula lɛƒɔndia bonwu kemmo. Na ka aadi ƒula litemi lɛlɔ na eebunku ukyuli ɔsu ni,

Kɔgya 69:13 ပူးပေါင်းရင်းမြစ်များ

Ala Kalɔ Buse 24:27

Na ɔ́su ɔnini, “Bemwi Unwoti mina ɔtɔlati Abraham Katɔti. Ɔsika útayiƒala kalɛ na ɔɔnu mina ɔtɔlati kɔnyana ku kalɛ na ɔɔdi nwuna etemila ani na ɔ́su-nwu úse lɛlɔ teete-nwu. Na ami ni, Unwoti Katɔti ɔ́tɔnku-mi na lísie ulu ɔmɛni ńtédu mina ɔtɔlati lɛlɔ bekyuli kudɔ.”

Ester 5:2

Uwi ɔni na ɔga ɔ́nu Uleku Ɔga Ester úmene ni, ɔ́da-nwu kayi kɔnakunwi, na únene nwuna sika ugyiedi ɔgagyii ɔ́tina-nwu. Anwuɔsu Ester úsie útétuku ɔgagyii ɔmmɔ lili.

Ester 5:6

Na ɔni na béboku ntɛ bɔdi na badaku bɔni ni, ɔga ɔ́sɔ úye-nwu ɔnini, “Bi ndi lɛla lɛni na ébo ebevele-mi. Su-mi lɛla lɛni na aawia, ina mina lɛga kadikɔ kakɛ kenwi na aawia muedi ndubute-ɔ.”

Ester 7:2

Na ka basɔ badaku ntɛ bɔni kunyɔdi ni, ɔga ɔmmɔ ɔ́sɔ úye Uleku Ɔga Ester ɔnini, “Bi na aawia ka lɛbla lite-ɔ. Su-mi na ndubute-ɔ útédu mina lɛga kadikɔ kakɛ kenwi muedi ƒaa.”

Kɔgya 32:6

Anwuɔsu ukyuli biala mɔɔdi ƒula etemila lɛlɔ ɔsia anu na ɔkpali-ɔ uwi ndi uwi na adubunu ete-nwu. Na si ina ɔgbankpi ɔdi na ɔdi aani ketu néyi na kaanwanɛ lɛlɔ kalɛ kalɛ muedi, ntu bɔmmɔ bɔɔɔdubo bɔni bude-nwu na buƒie-nwu kudii.

Kɔgya 51:1

O Katɔti, nu-mi kɔnyana, ɔsika ƒula bɔyɔ bulávumana. Na ƒula kɔnyana pii kɔni na aanu abu bekyuli ɔsu ni, ƒɔ mina ekpidi ƒui die-mi lɛlɔ.

Kɔgya 91:15

Na si lɛla lɛdi liikpóku-nwu na ɔ́kpali-mi ni, ndubunu na lidie-nwu na lɛya na ɔƒɔ lɛnyi.

Kɔgya 98:3

Ɔ́sia nwuna litemi kama siin úte Israel kadi bekyuli na ɔɔyɔ́-ma uwi ndi uwi. Na kayawi bekyuli ƒui bánu na kesi kesii kalɛ ubo ɔyikun na ɔɔƒɔ́ bekyuli.

Yesaia 49:8

“Si mina uwi údu ka lɛƒɔ-mii ngba ni, ndubunu bina bɔkpali na libunku-mii. Na ndubɔgyumana-mii na lɛda-mii kɔkɔɔkɔ. Na ɔkɛnku amii ɔsu ni, ndubo bunyimiku kadi bekyuli ƒui bunyimi bɔdi. Na ndubɔya na bɛsɔ bilie kalɔ kpi na bina kalɔ kani nwi na lɛla biala líbie-ka kemmo ɔƒɛni mɛni kemmo.

Yesaia 55:6

Bɛwia Unwoti ɔƒɛni, ɔsika bɛdubɔkana na bɛnu-nwu. Na bɛkpali-nwu, ɔsika ude-mii na ɔdubunu-mii bɔkpali.

Kɔnyana Buwulo 3:63

Bebo uwi ina bi kabla lɛlɔ na benye ka bedumi na bataakya-mi lɛlɔ lɛma.

Mika 7:20

Adubo ƒula litemi kama bɔsia siin na alálɛ bula Nana Yakob ku Abraham kama kudii aani kalɛ na ése bula bati kuuku kenye ése uwi ɔni návi kukuuku kemmo.

Luka 1:72

Ɔ́su ka ɔdubɔnu bula bati kuuku kɔnyana na wenyimo bunyimi kedee bɔni nkya ama ku-nwu ntɛ.

Luka 22:44

Na ɔ́sɔ ɔ́kpali katɔ úbu kpakplaa ɔni na únu ɔlɛ geen. Na ewulu ani nátuku-nwu ese aani ubugya na eedú teewi kalɔ.

Korintoƒuɔ 2 6:2

Ɔsika Katɔti ɔ́su ɔnii, “Uwi ɔni námanku ka lɛnu-mii kɔnyana ni, línu-mii bɔkpali. 2 Na ka limeyi lɛni na lɛƒɔ-mii lɛnɔ lídu ni, líbunku-mii.” Binu! Mɔɔsu-mii ka ɔƒaani ndi uwi ɔni námanku na Katɔti ɔnu-mii kɔnyana. Na ɔmwi ndi limeyi lɛni na Katɔti ɔƒɔ-mii.

Hebriƒuɔ 5:7

Uwi ɔni na Yesu úlie ngba na kayawi kamɛni lɛlɔ ni, ɔ́kpali katɔ úvele Katɔti ɔni kani ndubɔkana na udie-nwu na kukpi kemmo ku kɔvanu momoomo ku imii. Na Katɔti únu-nwu bɔkpali, ɔsika úboku lɛlɔ kalɔ úte-nwu na ɔɔbu-nwu ɔsu.

Petro 1 2:23

Bédumi-nwu, nsu anwu útedumi ɔdi. Úbo abi, nsu útewida nwuna bekisine. Mmomu úti lɛla biala úte Katɔti ɔni mɔɔtɛ litemi na ulu lɛlɔ.

Samuel 1 25:8

Na eye ƒula kabla bablane na badubɔsu-ɔ. Anwuɔsu na buvele kemmo ni, nu mina bakloƒu bamɛni kɔnyana ka lɛlɔyɔ uwi na ɔdi mɛni ɔsu. Na ete ƒula kabla bablane bamɛni lɛla lɛni na ƒula kɔnu kútuku na baƒɔ beboku ami ƒula ubi Dawid lɛnɔ.’ ”