Kɔgya 68:2 - Katɔti Ɔku Kedee

² Bɔku-ma lɛku ƒula anumi aani kalɛ na uyɔ ɔɔyii taakya. Ya na belikplune bayii ku udu aani kalɛ na kɔma kɔɔnani na ogya lɛlɔ si áda álɛ-ma lɛlɔ.

Kɔgya 68:2 ပူးပေါင်းရင်းမြစ်များ

Samuel 2 10:13

Ɔmmɔ kama ni, Yoab ku nwuna bekpone bésie anumi na bénye ka bekpoku Siriaƒuɔ, nsu usi na bekisine bammɔ bakɛ békeli bátɔlɔ.

Samuel 2 10:18

Nsu básɔ bádi Siriaƒuɔ lɛlɔ na békeli Israelƒuɔ bammɔ. Na bana bekpone bani nkɛ lɛgba ni, Dawid ku nwuna bekpone bádu bana mpim aavlene. Na bani mɔɔka kɛɛkɛ lɛnɔ ni, bana eti leevu-ene (700) na bádu. Na kekpo kammɔ kemmo ni, Siriaƒuɔ bekpone ɔtɔnkune Sobak ɔ́ƒɔ ɔlɛ geen ɔni na úkpi na kekpokɔ mmɔ.

Kɔgya 22:14

Mina ekubi ányonu lɛlɔ. Mina ɔlɔkplu ɔ́tɔlɔ na línwini aani kalɛ na beewilimi ntu teewi kalɔ. Na mina utu ɔɔyɛlɛ aani banwɛnwɛ lɛyu.

Kɔgya 37:20

Na bekyuli bekpidi ama ni, badi Unwoti Katɔti bekisine. Anwuɔsu badubɔyii aani kalɛ kugyii anwula aanu taayii udu. Na badubɔyii ku udu aani kalɛ uyɔ ɔyii takya kayaa kemmo.

Kɔgya 76:7

Unwoti, ƒula lɛlɔ kani mbo liƒu na ɔdi ulakana-a anumi bunye si éti kɔnyi.

Kɔgya 80:16

Bekisine bámɛnɛ kugyii kɔmɛni béwi kalɔ na bátu ogya bákya-ku. Nsu buuvele-ɔ bɔnii kwanyiku-ma na ƒula kɔnyi kemmo na bayii udu.

Kɔgya 97:5

Na abi ammɔ aabwɛ na Unwoti anumi aani kalɛ na kɔma kɔɔnani. Na Unwoti ɔni mɔɔdi kayawi ƒui lɛlɔ anumi na ala ammɔ aalɛ́.

Yesaia 33:3

Kadi bekyuli beegyingya si édie lɛdi na átina kalɛ na ébomo.

Yesaia 64:2

Na lɛla biala lɛbla aani kalɛ na baatu ogya taakya alakpi na aada. Na aya na ntu ƒui buteeƒuƒuo. Yu bo na aya na ƒula bekisine ƒui banu kalɛ na ƒula lɛnyi lɛɛda liƒu. Na aya na kadi bekyuli ƒui bayia-a, na benye-ɔ anumi bataatɔ kpakpaakpa!

Yesaia 9:18

Geen ni, kalala bɔbla buse aani lɛku kemmo ogya. Ɔɔkyula liyu ku alakpi bamba, na lɛku limodi lɛmmɔ lɛɛkywí, na uudie uyɔ litigbli taakɔliku kayaa.

Yeremia 46:15

Bina baƒiɔ benengudi bani ndi Apis ni, líibo-ma lɛ́ƒiɛmi kalɔ na lɛ́bɔku-nwu na úkeli ɔ́tɔlɔ.

Hosea 13:3

Ɔmmɔ ɔsu na bɛdubo udu bɔyii ƒui kede kede aani kalɛ na ulɔyɔ ɔɔyii taakya, na amii aakwii na ala lɛlɔ, na ɔƒɛƒɛɛ uuti aƒaƒaa na kemo taatɔlɔku, na uyɔ lɛnɔ ɔɔyii taakya na asi kemmo.

Mika 1:4

Abi ƒui adubo bɔyɛɛlɛ aani kalɛ na kɔma kɔɔyɛɛlɛ na ogya kudɔ. Na lɛbonka libendi lɛyii lɛkya aani kalɛ na ntu bɔɔgbá taayu ɔkwalɛ ɔdi taatɔlɔ.

Bumomo Bɔka 10:35

Na uwi biala na Bunyimi Adaka ɔmmɔ ɔdubo bɔgyu ni, Mose uudie kudu kɔmɛni, “Unwoti ta! Na ƒula bekisine begyingya. Na aya na bani muukisi-ɔ bekeli na ƒula anumi.”