Kɔgya 64:4 - Katɔti Ɔku Kedee

⁴ Bábɛ bakya kalɔ kalɔ beebó atula taalɛ bekyuli bani na bátabla lɛla lɛdi na baláyia.

Kɔgya 64:4 ပူးပေါင်းရင်းမြစ်များ

Samuel 2 15:14

Mmɔ na Dawid ɔ́su nwuna kabla bablane bani ƒui nkya Yerusalem ɔnini, “Bɛta na bukeli si ɔɔɔdi lɛni ni, ɔƒɛni kalɛ bulálɛ Absalom ku nwuna bekyuli enu kemmo. Bɛya na bɔbabala amu ɔdubɔvi utáda-bu na ɔya na ɔgbankpi ubo-bu lɛlɔ na ɔdu ɔma ɔmmɔ bekyuli ƒui.”

Nehemia 4:11

Na bula bekisine lɛnɔ básu banini, “Asa na utaabla-ma nwaa iye bataanu-bu bati ni, na bɔkya-ma akɔ mmɔ butádu-ma, na kabla kammɔ kawɔ mmɔ kani!”

Kɔgya 11:2

Ɔsika balalane bákɔliku bana kɔtaminta ku atula bálɛ bekyuli bani nsia Unwoti kama siin banii beebó-ma basiku kasuudikɔ.

Kɔgya 55:19

Unwoti Katɔti ɔni mɔɔdi lɛla biala lɛlɔ úsela uwi ƒui ni, ɔdubunu-mi bɔkpali na ɔni-ma kɔtu. Ɔsika baláyia Katɔti na béni lɛnɔ banii balavumana kudi kudii na bataabu-nwu.

Kɔgya 55:22

Ti ƒula ala ani muukpóku-ɔ kya Unwoti enu kemmo. Na ɔdubo-ɔ bubunku na ɔda-a kpakplaa, ɔsika ulaya na bekyuli bani nsiaku-nwu kama siin baasɔ taakya lɛbibo kemmo.

Kɔgya 57:5

O Katɔti, ya na bekyuli ƒui bakɔliku ƒula lɛnyi katɔ besienku ɔgyu kakaaka. Na banu kalɛ na eekeye na kesi kesii na kalɔ lɛlɔ.

Kɔgya 64:7

Nsu Katɔti ɔdubo nwuna atula bubo bɔlɛ-ma na baƒɔ lɛlɛ kɔnakunwi.

Habakuk 3:14

Bekisine bammɔ bébo aani ɔƒɛƒɛɛ kpakplaa ku kasusu ka begyingya-bu. Na lɛlɔ lɛɛyɔ́-ma ka badubo-bu bɔyila aani kalɛ na baada lɛla lɛdi teedie na ɔsa. Buse na buse búte-ma aani banyanane bani mɔɔbɛ́. Nsu ama alati bana ekpola kani na éti ábwɛ-ma eli.

Yohane 19:6

Amu na uwi ɔni na bakpane benengu ku Yudaƒuɔ benengu bammɔ bánu-nwu ni, báva básu banini, “Kana-nwu mana ugyii lɛlɔ! Kana-nwu mana ugyii lɛlɔ!” Mmɔ ni, Pilato ɔ́su-ma ɔnini, “Amii biti-nwu na bitákana-nwu bɛmana ugyii lɛlɔ. Ami ńtanu likpidi lɛdi na nwuna lɛlɔ kalɛ na lɛdu-nwu kɔtɔ.”

Samuel 1 18:11

Kɔnakunwi ni, Saul ubo nwuna lɛtula ɔnii ɔɔlɛ Dawid ku kasusu ka ɔkana-nwu ɔmana kowodu lɛlɔ mmɔ. Na kunyɔ sɔɔn na ɔ́bla ɔbladu ɔmɛni, nsu Dawid ababla ɔsu ni, úliiku lɛlɔ ɔni na lɛtula lɛmmɔ lítakɛ-nwu.

Samuel 1 19:10

Kɔnakunwi ni, Saul ɔ́tu nwuna lɛtula lɛni na ɔda úmene ɔnii utálɛ Dawid na ɔkana-nwu ɔmana kowodu lɛlɔ. Nsu Dawid ɔ́babla na úliiku lɛlɔ kɔnakunwi na lɛtula lɛmmɔ lɛ́vi lítálɛ kowodu lɛlɔ. Na usien ɔmmɔ ni, Dawid úkeli ɔ́tɔlɔ Saul kudɔ.