Kɔgya 61:7 - Katɔti Ɔku Kedee

⁷ Unwoti, siaku-nwu na nwuna lɛga bɔdi uwi ƒui. Na aya na ƒula bɔyɔ bɔni naaavumana ku ƒula litemi geen lɛgyumana-nwu.

Kɔgya 61:7 ပူးပေါင်းရင်းမြစ်များ

Kɔgya 40:11

Unwoti, taya na ƒula lɛƒɔndia kenye kekulo na mina lɛlɔ. Ya na ƒula bɔyɔ ku litemi geen lɛmmɔ lɛgyumana-mi uwi biala.

Ala Kalɔ Buse 24:27

Na ɔ́su ɔnini, “Bemwi Unwoti mina ɔtɔlati Abraham Katɔti. Ɔsika útayiƒala kalɛ na ɔɔnu mina ɔtɔlati kɔnyana ku kalɛ na ɔɔdi nwuna etemila ani na ɔ́su-nwu úse lɛlɔ teete-nwu. Na ami ni, Unwoti Katɔti ɔ́tɔnku-mi na lísie ulu ɔmɛni ńtédu mina ɔtɔlati lɛlɔ bekyuli kudɔ.”

Kɔgya 57:3

Na adubo-mi bubunku bɔsiku katɔ mmɔ. Na adubo bekyuli bani nábi basiaku-mi beekpóku-mi mmɔ bɔbɔku. Na atina ka aadi ƒula litemi lɛlɔ na aayɔ́-mi.

Kɔgya 41:12

Na ami ni, awɔ kani ndubo-mi bubunku. Na éti-mi enyene ƒula anumi uwi ƒui, ɔsika ánu ka lɛla lɛdi lɛɛɛda-mi.

Hebriƒuɔ 9:24

Ɔsika ɔɔɔdi kakpakɔ kani na bekyuli bayawine béti enu bábla básiaku katɔ ɔdi kenye kemmo na Kristo úduo. Mmomu Katɔ Ɔga Ɔma geen kadi kemmo na úduo ɔkya ɔƒɛni na Katɔti anumi na bula lili.

Luka 1:33

Na ɔdubo lɛga bɔdi na Yakob kaba kemmo uwi ƒui. Na nwuna lɛga kadikɔ kalása kudii.”

Mika 7:20

Adubo ƒula litemi kama bɔsia siin na alálɛ bula Nana Yakob ku Abraham kama kudii aani kalɛ na ése bula bati kuuku kenye ése uwi ɔni návi kukuuku kemmo.

Agba 20:28

Kalɛ na ɔga ɔɔyɔ́ bekyuli uwi ndi uwi na ɔɔdi nwuna etemila lɛlɔ lɛnɔ ɔɔgyumana-nwu na ɔɔyá na nwuna lɛga kadikɔ keenye kpakplaa na bɔyɔ bɔmmɔ ɔsu.

Kɔgya 43:3

Unwoti Katɔti, ya na ƒula bukeye bubewi-mi lɛlɔ na ƒula litemi geen lɛmmɔ lɛtɔnku-mi na bɔkpanku-mi bubedu ƒula kɔbi kedee lɛlɔ na kesii kani na elie.

Ala Kalɔ Buse 32:10

Ńtamanku ƒula lɛƒɔndia lɛni na aabla-mi ku kalɛ na aadi ƒula etemila lɛlɔ teete ami ƒula kabla ɔblane. Mina ugyii ɔdadi kani nkya-mi kɔnu uwi ɔni na lɛ́via Yordan Ketu kamɛni. Na ɔƒaani ni, mina kaduli bekyuli lɛti pɛ bubo esu akpa anyɔ.

Samuel 2 7:26

Na ƒula lɛnyi lɛdubusie ɔgyu uti úsela uwi ƒui. Na kadi ƒui bekyuli badubɔsu banini, ‘Unwoti Katɔti Ɔyikune Ƒui mɔɔdi Israelƒuɔ lɛlɔ. Na Dawid kaba kemmo bebi ndi bagadine bani na ɔ́ƒuna.’

Kɔgya 21:5

Ka áya na ɔ́di lɛlɔ ɔsu ni, nwuna ɔbu ɔ́kɔ katɔ geen. Na ɔ́ƒɔ lɛnyi na nwuna lɛgadi lɛ́kɛ ɔyikun na liikeye.