Kɔgya 60:3 - Katɔti Ɔku Kedee

³ Áya na ƒula bekyuli beebó abi ani naaadia bɔnu. Na lɛla lɛni mɔɔlɛ́ku-bu únwini aani si ntɛ kpakplaa na éte-bu na bɔ́ni na bɔɔda-bu.

Kɔgya 60:3 ပူးပေါင်းရင်းမြစ်များ

Nehemia 9:32

“Ɔƒɛni, o bula Katɔti ɔni na edu na ebomo, na eeti bɔyɔ taadi bunyimi lɛlɔ ni, buvele bɔda-a bɔnii tabu lɛbibo lɛni mɔɔlɛ́ mɛni aani lɛla lɛni nse bliisuɛ na ƒula anumi. Na tabu lɛbibo lɛni mɔɔlɛ́ abu ku bula baga ku bula batɔnkune ku bula bakpane ku kenye bediene ku bula bati ku ƒula bekyuli ƒui lɛlɔ úti ɔ́si Asiriaƒuɔ baga uwi úbedu ɔmwi kadi aani lɛla blii.

Kɔgya 71:20

Aya na líbo abi geen na ala ékpoku-mi, nsu awɔ kani ndubudie-mi na lɛlɛ kesii kani nkya aani ubu kemmo na naaasɔ naaakya mmɔ. Mmomu adubɔya na lɛsɔ lɛlɛ libo mbelie kanwaadikɔ na lɛsɔ lɛkɛ ɔyikun.

Kɔgya 75:8

Ɔsika Katɔti ɔdubɔda ntɛ bɔni na básala ku ala bamba ɔɔƒɛɛ keyile bɔni na nwuna kɔnyi kɔ́ya na buuƒuƒuo. Na Katɔti ɔdubo ntɛ bɔmmɔ buwilimi bute balalane na kayawi ƒui na bani utédu eku.

Kɔgya 80:4

O Unwoti, kadi ƒui Katɔti, uwi ɛlɛ na adubuti kɔnyi akya-bu na eni-bu bɔkpali etédu?

Kɔgya 80:8

Buse aani kɔdingyii kɔni na ágyu ásiku Egyipte kalɔ lɛlɔ. Na ábɔku kadi bamba bekyuli álɛku kalɔ kani nwi-bu anumi na éti-bu atálɛ bana kalɔ kammɔ kemmo.

Kɔgya 85:5

Munuu adubuti kɔnyi akya-bu uwi ƒui, na kɔnyi kɔmmɔ kɔvi bula kaba bekyuli ƒui lɛlɔ?

Kɔgya 89:39

Ébile lɛla lɛni na ényimiku-nwu na átu-nwu lɛga lɛmmɔ na ɔsɔ uuubo ɔyikun ɔdi na ƒula anumi.

Yesaia 51:17

Yerusalem kadi bekyuli, bɛta! Bɛta binye, ɔsika Unwoti lɛtuni lɛni na úte-mii na bɛ́ni aani ntu na ɔɔƒɛɛ kemmo límo-mii lɛ́vili ɔƒaamu. Bɛ́ni lɛla biala útédu eku ekplodi na bɛsɔ bilakana na bisie ligeen.

Yesaia 51:22

Bina Unwoti Katɔti ɔni muubunku-mii na ɔɔgyumana-mii ɔnini, “Lɛ́ƒɔ mina kɔnyi kɔni nse aani ntɛ ɔɔƒɛɛ ɔni kemmo na bɛ́ni lɛbibo bíkpi aani ntɛ mmɔ. Na basɔ belenye-mii lɛlɔ banii bɛni lɛbibo lɛmmɔ udu lɛnɔ.

Yeremia 25:15

Unwoti Israel Katɔti údie lɛla lɛdi ɔ́tina-mi na kɔyu kemmo na ɔ́su-mi ɔnini, “Yeremia, aanu ɔɔƒɛɛ ɔdi mɛni ɔni kemmo na ntɛ bɔni nnye nte mina kɔnyi kúyi tɛtɛɛtɛ. Ƒɔ na aya na kadi biala bekyuli bani bɔdi.

Kɔnyana Buwulo 4:21

Amii Edomƒuɔ, bɛkana na bɛdi limeyi na bɛkɛ ebiti ɔƒɛni amu ƒaa. Nsu amii lɛnɔ bɛdubo bibebo abi na bɛkɛ bitaagbanta taavi ku kasɔngya.

Daniel 9:12

Álɛ abu ku bula batɔnkune ése kpakplaa ka ɔgbankpi ɔni udu nétebo tɔ kudii ɔdubo Yerusalem bɔlɛku. Na lɛla lɛni bɔlɛ na álɛ-bu ese kpakplaa mmɔ geen, na áya na lɛɛlɛ́ku-bu ɔƒaani.

Habakuk 2:16

Kɔƒa kɔdubo-mii bukpo na basɔ belemwi-mii. Ɔsika Unwoti ɔdubɔya na bɛni ntɛ bikpi na bina bakpana banu-mii kasɔngya na bɛyila ɔbu biala na bana anumi.

Budie Taatina 16:19

Na ɔma unengudi ɔmmɔ ɔ́bwɛ úle akpa atɛ, na lɛma linengudi lɛkladi lɛni nkya kayawi ekpo ƒui lɛ́bwɛ ƒui. Mmɔ ni, Katɔti únyimo Babilon ɔma unengudi ɔmmɔ ekpidi na ɔ́ya na ɔ́ni nwuna kɔnyi lɛbibo ɔɔƒɛɛ ɔmmɔ ƒui.

Budie Taatina 18:16

“ ‘Bɔbuɛ! Bɔbuɛ! Uwi ɔdi kemmo ni, ɔma bonwu ɔmmɔ úyi ku adiƒuala abuni ku adi ani nse ƒuƒuu ku egyiedi. Na báklibi ɔma ɔmmɔ ku sika ugyiedi ku aseebi ku asɛɛ ani náƒɔ kuye éyi tɛtɛɛtɛ!