Kɔgya 53:3 - Katɔti Ɔku Kedee

³ Nsu bana ƒui ɔdi uláwia-mi kama ulu ɔ́si bana ekpidi ɔsu. Ukyuli ɔdi uuubo ɔni mɔɔbla lɛbuni. Ina unwi pɛ muedi!

Kɔgya 53:3 ပူးပေါင်းရင်းမြစ်များ

Samuel 2 20:2

Ɔmmɔ ɔsu Israelƒuɔ banana ƒui bátɔlɔ Dawid kudɔ na báda-nwu bése na básiaku Bikri ubidi Seeba ɔmmɔ kama bátɔlɔ. Nsu Yudaƒuɔ ama báƒɔ lɛlɔ bákya kama na basiaku Ɔga Dawid ɔ́si Yordan Ketu útédu Yerusalem.

Hiob 15:16

Na dɛ na ukyuli anwu ɔdubɔbla sɛɛn? Likpidi lɛ́ƒɔ-nwu lɛlɔ kemmo, na lɛɛda-nwu ɔkwɛ aani utukwɛ kalɛ.

Kɔgya 14:3

Nsu bana ƒui bédeyi na bálɛ ulu geen ɔmmɔ lɛlɔ, na likyulikpi lɛ́ƒɔ-ma keliela kemmo ƒui. Ukyuli ɔdi uuubo ɔni mɔɔbla lɛbuni. Ina unwi pɛ muedi!

Yesaia 53:6

Bula ƒui buse na buse aani baƒonu bani náyii ulu, na ɔdi biala úti nwuna ulu úsela kesii kani na ɔɔyɔ́. Na lɛtuni lɛni na nka ɔlɛka bɔƒɔ ni, ani na Unwoti úti úte-nwu na bula lili.

Yesaia 64:6

Bula ƒui bɔ́ƒiɔ na buuuse sɛɛn. Na lɛla lɛbuni lɛni na bɔɔnu ka bɔɔbla muedi ni, lɛ́dɔli aani adikpi ani muusé lɛlɔ. Bula ƒui bɔ́yɛyɛ aani livete lɛnudi. Na bula alaekpidi énwini aani ɔƒɛƒɛɛ na ada-bu eebó taavinku.

Esekiel 36:25

Ndubo ntu bɔni nse sɛɛn bɔkuna buwi-mii lɛlɔ na bina lɛlɔ lɛbla sɛɛn na lɛƒɔ-mii. Ndubo-mii ntu bɔkpila na bɛlɛ sɛɛn bɛsiku lɛla biala náya na biisé lɛlɔ kudɔ ku baƒiɔ ala anu ƒui muusé lɛlɔ mmɔ kudɔ.

Seƒania 1:6

Bekyuli bani ƒui nénwini kama bákya-mi na basɔ balani teede-mi ka bebenu-mi litemi ni, ndubo-ma lɛla biala bɔyila kede kede.

Romaƒuɔ 3:12

Bekyuli ƒui bénwini kama bákya Katɔti, na bana ƒui báƒiɔ. Na ukyuli ɔdi uuubo ɔni mɔɔbla lɛbuni. Ina unwi pɛ muedi!

Korintoƒuɔ 2 7:1

Banwa, ka Katɔti úse-bu kenye na ala amɛni ƒui lɛlɔ úse ɔsu ni, bɛya na bɔbla lɛlɔ sɛɛn na bɔda lɛlɔ budie ala ani ƒui mɔɔyá na bula ɔlɔna ku kɔyu kuusé lɛlɔ kudɔ. Na bɛya na buti lɛlɔ ƒui bute Katɔti ka bɔɔbu-nwu na bɔɔyia-nwu ɔsu.

Yohane 1 2:29

Si bɛgyi ka Kristo use siin ni, ɔlɛka bɛti ka ukyuli ɔni mɔɔbla ala ani nse siin ni, ɔdi Katɔti ubidi aani Kristo kalɛ.

Yohane 3 1:11

Mina ɔkpana ɔyɔne, tasiaku likpidi bɔbla kama. Mmomu siaku lɛbuni bɔbla kama. Na ukyuli biala ɔni mɔɔbla lɛbuni ni, ɔdi Katɔti ɔdi. Nsu ukyuli ɔni mɔɔbla ala ekpidi ni, ɔɔɔgyi Katɔti.

Budie Taatina 22:11

Ukyuli ɔni na likpidi na ɔɔyɔ́ ka utaabla ni, usie anumi utaabla likpidi. Na ukyuli ɔni mɔɔyɔ́ ka utaabla ala ani muusé lɛlɔ ni, usie anumi utaabla ala ani muusé lɛlɔ. Na ukyuli ɔni mɔɔbla ala siin ni, usie anumi utaabla ala ulu lɛlɔ. Na ukyuli ɔni nse kedee ni, usie anumi na ɔda lɛlɔ kedee.”