Kɔgya 53:1 - Katɔti Ɔku Kedee

¹ Ɔdɔlɔdi mɔɔsu na nwuna kayi kemmo ɔnini, “Katɔti uuubo.” Likyulikpi lɛ́ƒɔ-ma keliela kemmo ɔsu balábla lɛbuni lɛdi.

Kɔgya 53:1 ပူးပေါင်းရင်းမြစ်များ

Baga 1 12:26

Ɔmmɔ kama ni, Yerobeam úti kasusu na ɔ́su lɛlɔ ɔnini, “Ɔƒɛni kalɛ lɛgadi lɛmɛni lɛdubɔkana na lɛsɔ linwini lisie Dawid kaduli si ńtanu kaduɛ.

Baga 1 14:24

Na bebo banana na bakya aƒiodu ammɔ na benye bete lɛyalɛ ala bɔbla kani na kalɔ kammɔ ƒui lɛlɔ. Na Israelƒuɔ ƒui béti lɛlɔ béte ala ani muusé lɛlɔ bɔbla aani kalɛ na bekyuli bani na Unwoti ɔ́bɔku ɔ́lɛku kalɔ kammɔ lɛlɔ na Israelƒuɔ anumi baabla.

Hiob 14:4

Ukyuli ɔɔɔdubo ulu ɔdi lɛlɔ bɔkana bɔsia na ɔbla lɛlɔ kedee ƒui ɔwɔlɔ.

Hiob 15:16

Na dɛ na ukyuli anwu ɔdubɔbla sɛɛn? Likpidi lɛ́ƒɔ-nwu lɛlɔ kemmo, na lɛɛda-nwu ɔkwɛ aani utukwɛ kalɛ.

Kɔgya 10:11

Ukyuli ukpidi ɔɔsu lɛlɔ ɔnini, “Unwoti ɔɔɔdaku-ni. Úbile nwuna anumi ɔ́kya-mi ɔsu ulanu-mi.”

Kɔgya 10:13

Bi ɔsu na ɔlɛka ukyuli ukpidi uni Katɔti na ɔsu ɔnini, “Katɔti uláni-mi kɔtu kɔdi.”

Kɔgya 10:4

Ukyuli ukpidi ɔɔɔdaku Unwoti lɛda na ɔɔkali ka Unwoti uuubo kenyekɔ kadi na nwuna keliela kemmo.

Kɔgya 10:6

Na ɔɔsu lɛlɔ ɔnini, “Lɛla biala lilakana-mi bukpoku. Na lɛɛɛdubo buduo ɔgbankpi ɔdi kemmo lɛnɔ.”

Kɔgya 88:1

O Unwoti Katɔti ɔni mɔɔƒɔ́-mi ngba, ƒula anumi na muunye taakpali usien ku ɔƒɛ.

Kɔgya 92:6

Ususu ɔdi ulakana-ka bɔnu bɔti na ɔdɔlɔdi lɛnɔ ulénu-ka kalɔ.

Esekiel 16:47

Bana ngba uliedu kama na ásia ku bana kalala ɔdi ala bɔbla kama, anwuɔsu na uwi útetu asa na ƒula bubie búbetulo na eesé lɛlɔ geen teetulo-ma muedi.

Esekiel 16:51

“ ‘Amii Yerusalemƒuɔ bɛ́bla ekpidi ani na etulo Samariaƒuɔ adi kunyɔ. Na bina alaekpidi ani udu na bɛ́bla ni, ɔ́ya na mɔɔnu Samaria ku Sodom aani si lɛla lɛdi lɛɛɛda-ma na bátabla ekpidi adi munu munu.

Mateo 5:22

Nsu ɔƒɛni ni, ami mɔɔsu-mii nnii ukyuli ɔni meti kɔnyi makya ɔnwani ni, badubɔtɛku-nwu litemi. Na ukyuli ɔni lɛnɔ masu ɔnwani ɔnii, ‘Aaadi ukyuli ɔdi’ ni, badubɔlɔ-nwu benengu anumi. Na ukyuli ɔni masu ɔnwani ɔnii, ‘Ɔdɔlɔdi na adi’ ni, Katɔti ɔdubɔni-nwu kɔtu na lɛgyavonku lɛmmɔ kemmo.

Luka 12:20

“Nsu Katɔti anwu ɔ́su-nwu ɔnini, ‘Awɔ ɔdɔlɔdi! Usien ɔmɛni kani na adubo ƒula ngba bɔda buse. Na ɔma ndubɔdi ala ani na áwia ése éte lɛlɔ mɛni?’ ”

Romaƒuɔ 1:21

Ɔsika ina ka bekyuli bagyi Katɔti ni, beléte-nwu ɔbu ɔni námanku-nwu aani Katɔti kalɛ. Na balagya-nwu enu lɛnɔ. Mmomu bana kasusu kéƒu na baabla adɔlɔla. Na lɛdisa lɛ́ƒɔ-ma.

Romaƒuɔ 1:28

Na ka bése béni banii balatɛya lɛla lɛni na ɔdi ka bati ɔsu ni, Katɔti ɔ́nyonu-ma, na likyulikpi lɛ́ƒɔ-ma kasusu kemmo. Na baabla ala ani na utalɛka babla.

Eƒesoƒuɔ 5:12

Ɔsika ala ani na baabɛ́ taabla mmɔ adi kɔƒa ka balɔ-nya anyi muedi.

Lɛkpa Ulu 12:31

Na bitakpa bina Unwoti Katɔti na ulu ɔni lɛlɔ na baakpá bana baƒiɔ. Ɔsika ulu ɔni lɛlɔ na baakpá bana baƒiɔ ni, ɔdi lɛla lɛni muusé Katɔti lɛlɔ na uláwia ulanu. Ɔsika baakana na beeti bana bebi taakpa lɛgyavonku kemmo na bana akpabi lɛlɔ.

Petro 1 4:3

Bɛya na kalɛ na bílie ngba bítaabla ala ekpidi uwi pii ɔni návi ɔwɔ ɔƒɛni. Bɛ́bla likyulikpi ku lɛyalɛ, na bítaani ntɛ teekpi. Bɛ́kpa baƒiɔ bɛ́vili ntu, na bɛ́di kɔkpana kukpidi, na bɛ́bla ala ekpidi lidu lidu aani bekyuli bani naaasiaku Katɔti.