Kɔgya 51:7 - Katɔti Ɔku Kedee

⁷ Kpila-mi na edie ekpidi ƒui mina lɛlɔ sɛɛn na nteekeye teetulo etubankɛ.

Kɔgya 51:7 ပူးပေါင်းရင်းမြစ်များ

Hiob 14:4

Ukyuli ɔɔɔdubo ulu ɔdi lɛlɔ bɔkana bɔsia na ɔbla lɛlɔ kedee ƒui ɔwɔlɔ.

Kɔgya 58:4

Ugyulo ukpidi ɔkya-ma kenye aani balakpi kalɛ. Na atu éti-ma aani kalɛ na avan atu eeti.

Israelƒuɔ Bɔlɛ 12:22

Na si bɛ́du bebuo bammɔ ni, na biti bebuo bammɔ ubugya biwi ɔɔƒɛɛ ɔdi kemmo. Na bɛwia libu lɛni baalɔ hisope na biti bitákya ubugya ɔmmɔ kemmo na bɛkuna biwi kɔyaku ligyii lɛmmɔ eli ku amadɔ. Na ukyuli biala utalɛ keyi úti útédu ka kadi kégye.

Yesaia 1:18

Unwoti ɔnini, “Bibo na bɔdi kasusu bɔsala, na bɔwia ala kemmo bɔnu. Ina dɛ na bina alaekpidi áya na bɛ́nwu aani aƒɛ muedi ni, ndubɔkana na lidie-nya bina lɛlɔ. Na lɛya biteekeye aani etubankɛ. Na si ina dɛ na ekpidi ammɔ áya na bígyie dɛ muedi ni, ndubɔƒɔ-mii lɛlɔ na bɛƒuala aani unwo.

Yohane 13:9

Lɛla lɛmmɔ lɛ́gyu Petro ɔtɔtɔ! Anwuɔsu ɔ́su Yesu ɔnini, “Blɔti, si use lɛni ni, ɔɔɔdi mina lɛgba lɛti! Mmomu adubɔƒɔ mina enu ku lili lɛnɔ!”

Hebriƒuɔ 9:19

Kudeedi ni, Mose úbo ɔda ute bekyuli na ala ani mɔɔbala na ɔda bubo bɔmmɔ kenye. Ɔmmɔ kama ni, úti bese ku bakɔ ubugya ɔ́salaku ntu na úti ɔ́kuna ubugya ɔmmɔ úwi ɔda bubo ɔku ɔmmɔ lɛlɔ ku bekyuli bammɔ ƒui lɛlɔ. Na úti unwo ugyiedi únyimi evete ani baalɔ bani hisope na úti ɔ́bla ɔdi ɔmmɔ.

Yohane 1 1:7

Nsu si bɔkɛ na bukeye kemmo aani kalɛ na anwu ɔkya bukeye kemmo ni, ɔɔtina ka bɔɔdiku lɛlɔ kɔkpana. Na Ubidi Yesu ubugya ɔɔbla-bu lɛlɔ sɛɛn taalɛku ekpidi biala kemmo.

Budie Taatina 1:5

Na Yesu Kristo ndi anwu ɔni muudie lɛla lɛdi biala kenye ulu lɛlɔ. Ɔdi ukyuli udeedi ɔni na Katɔti ɔ́gyila ɔ́lɛku bekpine akɔ na ɔsɔ ulekpi kudii. Yesu ɔmɛni mɔɔdi kayawi baga ƒui lɛlɔ. Na ɔɔyɔ́-bu. Na úti nwuna ubugya ɔ́kpa na bula lili, na ɔ́ƒɔ-bu ɔ́lɛku bula ekpidi kemmo.