Kɔgya 5:7 - Katɔti Ɔku Kedee

⁷ Nsu ami ni, Ati, ɔ́si bɔyɔ bɔni na aayɔ́-mi geen ɔsu ni, ndubɔkana na liduo lisie ƒula ɔtɔ kemmo na liboku lɛlɔ kalɔ lite-ɔ ku ɔbu. Na ndubɔkana na lɛ́kpa-a na ƒula kakpakɔ kedee mmɔ.

Kɔgya 5:7 ပူးပေါင်းရင်းမြစ်များ

Baga 1 8:35

“Na si ɔnantu ɔ́da bɔna ɔ́ya ɔ́si ekpidi ani ƒula bekyuli bábla ɔsu, na bávumana kayi bébo kakpakɔ kamɛni anumi, na bákpali-ɔ ni,

Baga 1 8:38

na enu bana bɔkpali. Na si ƒula bekyuli bammɔ badi bakya bewulo kɔnyana na bákɔliku enu bátina kakpakɔ kamɛni na bákpali Katɔti ni,

Kɔgya 101:7

Bekyuli bani na ɔkɔ ala bɔbla bɔkya-ma ngba kemmo ni, baaadubo-mi kaduli bulie. Na bekyuli bani mɔɔbla ala anumi lɛlɔ lɛnɔ baaadubo-mi anumi bunye.

Kɔgya 130:4

Nsu ni, awɔ muuti alaekpidi taakyiɛ-bu, anwuɔsu na ɔlɛka bɔyia-a na bɔbu-ɔ.

Kɔgya 132:7

Na bɔ́su bɔnii bɛya na buteesie Unwoti kakpakɔ butákpa-nwu na katɔma kedee kammɔ kemmo na nwuna lɛgba akɔ.

Kɔgya 138:2

Ndububoku lɛlɔ kalɔ na liti mina anumi lɛtina ƒula kakpakɔ kedee na limwi-ɔ lɛnyi, ɔsika aayɔ́-bu uwi ndi uwi na asia ƒula litemi kama. Na édie átina ka ƒula lɛnyi ku ƒula ɔda bubo bɔ́kɔ katɔ ƒui butulo lɛla ndi lɛla.

Kɔgya 28:2

Unwoti, mɔɔva taakpali-ɔ. Lɛ́kɔliku mina enu katɔ mɔɔtina ƒula kakpakɔ kedee kesii kani na elie, na muuvele-ɔ nnii bunku-mi.

Kɔgya 34:17

Na Unwoti bekyuli bani nsiaku-nwu siin ama ni, baava taalɔ-nwu na uunú teete-ma kɔnakunwi. Na uudie-ma na ala ani nda-ma kemmo.

Kɔgya 51:1

O Katɔti, nu-mi kɔnyana, ɔsika ƒula bɔyɔ bulávumana. Na ƒula kɔnyana pii kɔni na aanu abu bekyuli ɔsu ni, ƒɔ mina ekpidi ƒui die-mi lɛlɔ.

Kɔgya 52:8

Nsu ami ni, nse aani kɔdingyii kɔni evete neeewile kudii na nnye Katɔti kaduli. Na mina anu asia-nwu bɔyɔ bɔni naaavumana kudii lɛlɔ.

Kɔgya 55:16

Nsu ami amu ni, Unwoti Katɔti, mɔɔkpali-ɔ nnii ƒɔ-mi, na adubɔƒɔ-mi sɔsɔ!

Kɔgya 69:13

Nsu ami ni, awɔ kani mɔɔkpali teevele, O Unwoti. Na uwi ɔni na awɔ ɔlati ánu ka ɔ́manku ni, enu-mi bɔkpali na ƒula lɛƒɔndia bonwu kemmo. Na ka aadi ƒula litemi lɛlɔ na eebunku ukyuli ɔsu ni,

Kɔgya 69:16

O mina Unwoti, nu-mi bɔkpali na kalɛ na aayɔ́ bekyuli uwi ndi uwi na aanu kɔnyana pii lɛnɔ ɔsu.

Agba 6:16

Alakpa aku adi akya na Unwoti ukisi geen. Na maatɛ adi eesé-nwu lɛlɔ,

Agba 6:17

ɔnusɛ ukpidi ukyuli bɔnu, ku unyemi ɔni mɔɔnyi ɔkɔ, ku enu ani mɔɔta pla pla taadu bekyuli bani nátabla lɛla lɛdi,

Yesaia 55:7

Bɛda bina kalala ku likyulikpi ala bɔbla bɛya, na binwini kama bɛkya-nya na Unwoti ɔdubuti-nya ƒui ɔkyiɛ-mii.

Yesaia 64:11

Na bula kakpakɔ kedee kani muukeye na bula bati kuuku bátaakpa-a ni, bákya-ka ogya bákyula. Na ala ani náƒɔ-bu kuye geen ƒui áyii udu atɛ kalɔ na asɔ eeebo lɛblakula.

Daniel 6:10

Daniel únu ɔda bubo bɔni na bényimi, nsu ka úsie kaduli ɔ́kɔ úsie ɔtɔ ɔtɔdi kemmo ni, úténye ƒansili ɔni néti anumi ɔ́tina Yerusalem na ɔ́lɛ akɔnkɔ ɔ́kpali Katɔti kalɛ kani na ɔɔyɔ́ bɔbla limeyi ndi limeyi, ɔsika kɔtɛ na ɔɔkpali Katɔti limeyi biala kemmo taagya-nwu enu.

Hosea 3:5

Nsu kama ƒui ni, Israel ɔdubɔsɔ unwini usie nwuna Unwoti Katɔti ku nwuna Ɔga Dawid kudɔ. Badubusie Unwoti kudɔ ku bɔyia ku ɔbu. Na emeyi ekplodi ammɔ kemmo ni, badubɔnu nwuna lɛƒɔndia.

Batalane Kabla 9:31

Ɔmɛni ɔsu ni, baƒɔtaadine bani nkya Yudea ku Galilea ku Samaria kalɔ lɛlɔ ni, bákɛ bɔnwuna na basɔ balayia. Bákɛ kayi buse ku ɔkplu bɔkya ɔkɛnku Katɔti Kɔyu ɔyikun lɛlɔ. Na bémomo bébu na béteeti ɔbu teete Blɔti.

Hebriƒuɔ 4:16

Anwuɔsu bɛya na buti bula lɛlɔ ƒui bute-nwu na bɔkpɛ bude-nwu na nwuna lɛgaboku kudɔ ku kayi buse ka ubo lɛƒɔndia ɔsu. Na ɔkɛnku nwuna lɛƒɔndia ɔsu ni, ɔdubɔnu-bu kɔnyana na ubunku-bu uwi biala na búvele-nwu lɛla lɛdi.

Yosua 24:15

Nsu si Unwoti kama bɔsiaku buláda-mii kubiti ni, amii bidie ɔmwi limeyi lɛmɛni anwu ɔni geen na bɛɛyɔ́ ka bɛsiaku. Si baƒiɔ bani na bina bati kuuku bákpa na Euƒrate Ketu ɔvi ngye iye Amoriƒuɔ kalɔ kani bilie mɛni baƒiɔ na bɛɛyɔ́ ni, bidie. Nsu ami ku mina kaduli bekyuli abu ni, Unwoti lɛti na bɔdubɔsiaku.”