Kɔgya 5:6 - Katɔti Ɔku Kedee

⁶ Na ɔkɔ banyine ƒui ni, adubo-ma udu bɔyila. Na bani muuwi ubugya kalɔ ku bani muudie bekyuli teete ni, ekisi-ma.

Kɔgya 5:6 ပူးပေါင်းရင်းမြစ်များ

Ala Kalɔ Buse 34:14

Na básu-ma banini, “Bulakana lɛla lɛmmɔ udu bɔbla. Bulakana na buti bula ɔnwani bute kadi kani ukyuli nétekulo lego, ɔsika ɔdi-bu kɔƒa.

Samuel 2 16:8

Unwoti údie-ɔ kasi na ubugya ɔni ƒui na éwi kalɔ na Saul kaduli bekyuli akɔ. Na nwuna kenyekɔ na aadi lɛga. Na lɛgadi lɛmmɔ na Unwoti úkpeli ɔ́ƒɔ uute Absalom. Ɔƒaani énwini ukyuli ɔni na áyii udu, ɔsika adi ukyuli ɔni na éwi ubugya kalɔ ágya.”

Samuel 2 20:1

Na uwi ɔmmɔ kemmo ni, lɛsɛ ɔkyane ɔdi baalɔ Seeba na ɔdi Bikri ubidi na Benyamin kɔdua kemmo ɔ́kya mmɔ. Na ɔ́vwi kakpɛɛ momoomo ɔnini, “O Israelƒuɔ, buuubo kadikɔ kadi na Dawid lɛgadi kemmo. Na bɔɔɔkɛnku Yisai ɔni ndi ɔti lɛla lɛdi kemmo lɛnɔ. Anwuɔsu bina ƒui ɔdi biala unwini na biteesie bina adi nvo kemmo.”

Kɔgya 11:5

Unwoti ɔɔkɔ́ku bekyuli bani nsiaku-nwu kama siin taanu bana ablala kemmo. Na uukisi bakantankpine ku bani mɔɔta teenye nwuna ɔda bubo lɛlɔ.

Kɔgya 4:2

Amii bekyuli, uwi ɛlɛ sɔɔn na bɛdubo-mi lɛnyi bubile butálɛ? Na uwi ɛlɛ na bɛdubɔyɔ adɔlɔla ku ala ani neeebo kɔsia?

Kɔgya 43:1

Unwoti Katɔti, tɛ ami ku kadi kani bekyuli naaagyi-ɔ mɛni ntɛ litemi na ete-mi ubo. Na edie-mi alɛku ɔkɔ banyine ku balalane bamɛni akɔ.

Kɔgya 55:23

Nsu ni, O Katɔti, adubɔya na bekyuli badune ku ɔkɔ banyine bamɛni bekpi na bakya-ma kaƒiɔtɔ kemmo na bayii udu ɔni na bana ngba bulene. Nsu ami ni, mina anu ƒui adubɔsia-a lɛlɔ.

Yesaia 26:21

Ɔsika Unwoti ɔ́si ɔdubo na ubani kayawi bekyuli ƒui kɔtu na bana ekpidi ɔsu. Na kalɔ kammɔ kadubɔsu ubugya ɔni na bekyuli bádu béwi-ka lɛlɔ. Na ɔsɔ ulakana ɔdi bɔbɛla lɛnɔ.

Romaƒuɔ 1:29

Na likyulikpi ala bɔbla bɔ́ƒɔ-ma lɛlɔ kemmo ƒui. Na anya ndi alaekpidi bɔbla ku ɔdivo ku kalala. Na lɛnungyie na bekyuli bamba ala lɛlɔ ku ukyuli bɔdu ku kekpo ku ɔkɔ bɔnyi ku lɛlɔ bule ati ati bɔ́ƒɔ-ma lɛlɔ kemmo. Na beeti lɛlɔ kasusu kekpidi. Na beekeyi atɛ.

Budie Taatina 21:8

Nsu bekyuli bani mbo liƒu ku bani nátaƒɔ bátadi ku bani muusé lɛlɔ ku bekyuli badune ku bayalɛ ku evo baƒɛne ku bani mɔɔkpá baƒiɔ ku ɔkɔ banyine ku bana udu ƒui ni, badubuduo lɛgyavonku lɛni mɔɔda ku ogya atabi mmɔ kemmo. Na ɔmmɔ madi kukpi kunyɔdi kɔmmɔ.”

Budie Taatina 22:15

Na bani ndubunye ɔba kama aani bakpɛwe ni, ama ndi bekyuli bani mɔɔƒɛ evo ku bani mɔɔbla lɛyalɛ ala ku bani mɔɔdú bekyuli ku bani mɔɔkpá baƒiɔ ku bekyuli bani ƒui mɔɔyɔ́ ka batɔlɔ bekyuli na ɔkɔ bɔnyi bɔɔda-ma ɔkwɛ.