Kɔgya 5:5 - Katɔti Ɔku Kedee

⁵ Na bekyuli bani mɔɔkun lɛmɛnɛ ni, alawia-ma alanu. Na ekisi bekyuli bani mɔɔbla likpidi.

Kɔgya 5:5 ပူးပေါင်းရင်းမြစ်များ

Kɔgya 1:5

Alaekpidi bablane beeebo kenye kadi na bedie na limeyi lɛni na Katɔti ɔdubɔtɛku-ma litemi lɛlɔ. Na ɔdubudie-ma use lɛti bɔsiku nwuna bekyuli kudɔ.

Kɔgya 10:3

Ukyuli ukpidi ɔɔkun lɛmɛnɛ na ala ani na ɔɔwia lɛlɔ. Na ukyuli ɔni muugyele anumi taasia lilu likpidi lɛlɔ taaƒɔ bekyuli ala ni, uuwida Unwoti na uuní-nwu.

Kɔgya 11:5

Unwoti ɔɔkɔ́ku bekyuli bani nsiaku-nwu kama siin taanu bana ablala kemmo. Na uukisi bakantankpine ku bani mɔɔta teenye nwuna ɔda bubo lɛlɔ.

Kɔgya 130:3

Si ásia ukyuli alaekpidi kama ni, Unwoti, ɔma ndubɔkana ƒula litemi bɔtɛ kenye bunye?

Kɔgya 14:1

Ɔdɔlɔdi mɔɔsu na nwuna kayi kemmo ɔnini, “Katɔti uuubo.” Likyulikpi lɛ́ƒɔ-ma keliela kemmo ɔsu balábla lɛbuni lɛdi.

Kɔgya 73:3

Ɔsika anumi égyie-mi na bekyuli bani mɔɔtalaku lɛlɔ katɔ ku bani na bebo kalala lɛlɔ ka ala aatɛku-ma ɔsu.

Kɔgya 75:4

Na ndubɔsu bani mɔɔtalaku lɛlɔ katɔ mmɔ ka bada bana lɛmɛnɛ bɔkun baya.

Kɔgya 92:6

Ususu ɔdi ulakana-ka bɔnu bɔti na ɔdɔlɔdi lɛnɔ ulénu-ka kalɔ.

Kɔgya 94:8

Amii badɔlɔdi, uwi ɔmani geen na bɛdubo anu bɔda?

Agba 1:22

Lɛnunda ɔ́kpali ɔnini, “Amii bani na bina kasusu kásɔ ni, uwi ɛlɛ na bɛdubusie anumi ku bina ngba bɔni násɔ bulie bitédu? Uwi ɛlɛ na amii bani mɔɔmá litemi geen lɛmmɔ bɛdubɔbla lɛni bitédu? Na amii badɔlɔdi bikisi lɛlati?

Agba 1:7

Unwoti bɔyia ndi ukyuli lɛlati kalɔ kesekɔ. Nsu badɔlɔdi beení lɛnunda etemila ku kalɛ na badi lɛlɔ lɛlɔ kaduɛ.

Agba 15:9

Bekyuli bekpidi kɔsiakɔ ƒui kulayɔ Unwoti kaƒɔ. Nsu bekyuli bani mɔɔwia kpakplaa ka belie ngba bɔbuni ni, Unwoti ɔɔyɔ́-ma.

Agba 8:5

Bina kasusu kásɔ bibo na lite-mii lɛnunda. Bɛ́dɔlɔ bibo na lite-mii ala kalɔ bunu.

Etemila 5:4

Si ánu ka ése Katɔti kenye kadi ni, taya na uwi utu-ka lɛlɔ. Babla na abla linyese lɛmmɔ lɛlɔ ete-nwu, ɔsika kaƒɔ kalayɔ-nwu na kɔdɔlɔ ala bɔbla lɛlɔ.

Hosea 9:15

Unwoti ɔnini, “Bana ulikplu ala ani na bábla na Gilgal na lɛ́nu ɔsu muukisi-ma geen. Na bana alaekpidi ɔsu ndubo-ma bɔbɔku budie mina kaduli na nsɔ lɛɛɛdubo-ma bɔyɔ, ɔsika bana batɔnkune bálɛ-mi kama.

Lewiƒuɔ Ɔda Bubo 20:23

Kadi bani bekyuli na ndubo bɔbɔku bɔlɛku kalɔ kani kemmo na bísela bulie mɛni ni, bitasiaku bana ɔbladu ukpidi kama, ɔsika ala ani muusé-mi lɛlɔ na nkisi mɛni udu na bátaabla.

Habakuk 1:13

Nsu alatunaku likpidi munu munu. Anwuɔsu tasɔ tenye tanu bekyuli bamɛni kpoo lɛni na beteebile bekyuli bamba bani na nka badia betulo-ma kukuuku ƒui ngba lɛni.

Sakaria 11:8

Útedu kɔbuli kunwi asa na lɛ́ya na baƒonu badane ɛtɛ badi bátɔlɔ. Na lɛ́nu ka baƒonu balayɔ-mi litemi, na ńsɔ ńtakɛ kayi ńtete-ma.

Mateo 25:41

“Amu na ɔdubɔsu bani na ɔ́ya na bésie kama ɔnini, ‘Bɛkpɛ bɛlɛ-mi lɛlɔ, amii bani na Katɔti úwida! Biteesie lɛgyavonku lɛni neeeni kudii na Katɔti ɔ́klibi úse úte ukisine ɔmmɔ ku nwuna ayu ekpidi kemmo!

Mateo 7:23

Mmɔ na ndubɔsu-ma nnii, ‘Lɛɛɛgyi-mii kula kula! Bɛtɔlɔ-mi kudɔ, amii bekyuli bekpidi.’