Kɔgya 5:4 - Katɔti Ɔku Kedee

⁴ Ɔsika adi Unwoti Katɔti ɔni na alayɔ likpidi. Na alátuna ka alaekpidi bablane benye-ɔ anumi bevele-ɔ lɛla lɛdi.

Kɔgya 5:4 ပူးပေါင်းရင်းမြစ်များ

Ala Alɛdi 1 29:17

Nsu lɛlɔ lɛɛyɔ́-bu, ɔsika ukyuli biala úti ala ammɔ úboku-ɔ ku kaƒɔ ƒaa. Agyi lɛla biala na lɛkya ɔdi biala kayi kemmo na ɔɔyɔ́-ɔ kaƒɔ si ukyuli ɔdi biala ɔɔdi litemi lɛlɔ siin teete-ɔ.

Kɔgya 101:7

Bekyuli bani na ɔkɔ ala bɔbla bɔkya-ma ngba kemmo ni, baaadubo-mi kaduli bulie. Na bekyuli bani mɔɔbla ala anumi lɛlɔ lɛnɔ baaadubo-mi anumi bunye.

Kɔgya 11:5

Unwoti ɔɔkɔ́ku bekyuli bani nsiaku-nwu kama siin taanu bana ablala kemmo. Na uukisi bakantankpine ku bani mɔɔta teenye nwuna ɔda bubo lɛlɔ.

Kɔgya 140:13

Sɔsɔ geen ni, bekyuli bani nse siin badubo-ɔ enu bɔgya, ɔsika badubo bulie na ƒula anumi uwi biala.

Kɔgya 50:21

Ala amɛni udu na bɛɛbla, nsu ntebimi tɔ kenye úbalɛ ɔƒɛni. Anwuɔsu na bɛɛkali bɛnii nse aani bina kalɛ. Nsu ndubudie bina bɔƒiɔ lɛtina-mii na lɛtɛku-mii litemi.

Kɔgya 63:2

Ɔmmɔ ɔsu ya na mina anumi anu-ɔ na ƒula kakpakɔ na lɛnu kalɛ na ebo ɔyikun na eekeye.

Kɔgya 88:14

O Unwoti, bi ɔsu na éni-mi na ábɛla-mi ƒula anumi lɛni?

Kɔgya 92:15

Ɔmɛni ɔɔtina ka Katɔti ndi mina katamikukɔ lɛtakpɛ lɛni nse siin na ulábla likpidi lɛdi.

Kɔgya 94:20

Belikplune bani mɔɔdi lɛlɔ ni, awɔ ku-ma biiibo kɔna kɔdi, ɔsika béti ala ani na balábla siin bénwini ɔda bubo bényimi bekyuli.

Habakuk 1:13

Nsu alatunaku likpidi munu munu. Anwuɔsu tasɔ tenye tanu bekyuli bamɛni kpoo lɛni na beteebile bekyuli bamba bani na nka badia betulo-ma kukuuku ƒui ngba lɛni.

Malakai 2:17

Bɛ́ɛya na Unwoti ɔ́nɔ-mii lɛlɔ ku bina etemila. Nsu bɛmu biiye bɛnini, “Ulu ɔmani lɛlɔ na bɔ́sia bɔ́bla ala ammɔ?” Ulu ɔmmɔ ndi ɔni na bɛɛsu bɛnini, “Likpidi bablane baada Unwoti kubiti, na ɔɔɔdaku-ni ka ɔtɛ litemi lɛmɛni ani.”

Yohane 14:23

Mmɔ na Yesu údie kenye ɔnini, “Ukyuli biala ɔni mɔɔyɔ́-mi ni, ɔdubɔdi mina ala ani mɔɔtina lɛlɔ. Na mina Ɔti ɔdubɔyɔ-nwu. Na ami ku mina Ɔti bɔdububo-nwu kudɔ na abu ku-nwu bɔsɔ bulie.

Hebriƒuɔ 12:14

Bɛsia ulu biala lɛlɔ na keyi buɛɛ kakya amii ku bekyuli ƒui ntɛ na bɛbla kedee. Ɔsika ɔdi biala ulakana na wanu Katɔti si uuuse kedee.

Petro 2 3:13

Nsu abu bunye bɔgya Katɔti kenye kani na úse-bu úse kani ndi katɔ kawɔdi ku kalɔ kawɔdi kani kemmo na ala bɔbla siin sɔɔn ndubɔkya.

Budie Taatina 21:23

Na ɔma ɔmmɔ uláwia ɔƒɛ ɔdi iye kɔbuli ka ute bukeye bɔdi, ɔsika Katɔti bukeye ndi-nwu bukeye, na ɔma ɔmmɔ asogya ndi Koƒonu Ubi ɔmmɔ.

Budie Taatina 21:27

Nsu lɛla biala muusé lɛlɔ lileduo mmɔ kudii. Na bani ƒui mɔɔbla ala ani muusé lɛlɔ iye ala ani muukpó kɔƒa iye ala ani mɔɔtɔ́lɔ bekyuli ni, beleduo mmɔ. Mmomu bani anyi na bénweni bákya Koƒonu Ubi ɔmmɔ ngba ɔku kemmo kani ndubuduo mmɔ.