Kɔgya 5:12 - Katɔti Ɔku Kedee

¹² Unwoti, bekyuli bani mɔɔsiaku-ɔ kama siin ni, eete-ma kusɛ kusɛ. Gyumana-ma ku ƒula lɛƒɔndia aani kalɛ na kekpo lɛgyumanala lɛɛgyumana ukyuli.

Kɔgya 5:12 ပူးပေါင်းရင်းမြစ်များ

Kɔgya 112:1

Bɛya na bumwi Unwoti. Lɛlɔ lɛdubɔyɔ ukyuli ɔni mɔɔyia Unwoti na ɔɔdi nwuna ɔda bubo etemila ƒui lɛlɔ.

Kɔgya 115:13

Na bani ƒui na beeti ɔbu teete Unwoti ni, Unwoti ɔdubute-ma kusɛ kusɛ ama bani mbo kenyekɔ ku bani neeebo kenyekɔ na bekyuli akɔ ƒui.

Kɔgya 118:15

Binu lɛlɔyɔ lɛnu lɛni nda na Katɔti bekyuli bani nse siin mmɔ nvo kemmo ka Unwoti ɔ́ya na bádi lɛlɔ ɔsu. Baava banini, “Katɔti kɔnu kɔni mbo ɔyikun geen mmɔ nádi lɛnanabi!

Kɔgya 119:132

Nwini nu-mi na abla-mi lɛƒɔndia aani kalɛ na aabla teete bekyuli bani mɔɔyɔ́-ɔ.

Kɔgya 29:11

Unwoti Katɔti uute nwuna kadi bekyuli ɔyikun. Na uute-ma kusɛ kusɛ na keyi kaayɔ́ku-ma.

Kɔgya 3:3

Nsu ni, Unwoti Katɔti, awɔ mɔɔgyumana-mi uwi ndi uwi na ɔgbankpi kemmo. Na awɔ mɔɔyá na mɔɔdi mina bekisine lɛlɔ na mɔɔsɔ teese kayi na mɔɔƒɔ́ lɛnyi.

Kɔgya 3:8

Unwoti, awɔ mɔɔyá na ukyuli ɔɔdi nwuna bekisine lɛlɔ. Na awɔ kani mɔɔbla-nwu lɛƒɔndia.

Kɔgya 32:10

Balalane badubo abi bubo geen. Nsu bekyuli bani meti bana anu masia Unwoti lɛlɔ ni, nwuna bɔyɔ bɔni naaavumana kudii bɔdubɔka bɔmana-ma.

Kɔgya 32:7

Awɔ ndi mina kabɛkɔ. Na adubɔgyumana-mi na ɔgbankpi uwi. Na ndubudie lɛnu lɛtina kalɛ na éti áƒɔ-mi.

Kɔgya 68:4

Bidie lɛnu bite Katɔti, na bidie bumwi lɛnu bɛkɔliku-nwu lɛnyi katɔ. Bidie bumwi lɛnu momoomo bite anwu ɔni nli katɔ liƒlukutu lɛlɔ ɔɔví. Nwuna lɛnyi ndi Unwoti. Bɛkɛ lɛlɔyɔ na nwuna anumi!

Kɔgya 84:11

Ɔsika Unwoti Katɔti uukeye aani ɔƒɛ na anwu mɔɔgyumana-bu. Anwuɔsu na uute-bu kusɛ kusɛ na ɔɔbla-bu lɛƒɔndia na ɔɔyá na bɔɔƒɔ́ lɛnyi na ulaya na bekyuli bani nse siin baayaki lɛla lɛbuni lɛdi uwi ɔdi.