Kɔgya 45:3 - Katɔti Ɔku Kedee

³ O Ɔga ɔni ntulo ƒui, ti ƒula kewii bala ƒula kavobi. Na ada agala ani muukeye.

Kɔgya 45:3 ပူးပေါင်းရင်းမြစ်များ

Hiob 1:16

Kabla ɔblane ɔmɛni útawɔlɔ tɔ kenye kamɛni bɔsu asa na ɔbamba ɔ́da úbalɛ ɔnini, “Katɔti ɔ́ya na katɔ kábwɛ ogya na úbewi ƒula baƒonu ku bana badane lɛlɔ na bákywi ƒui na ami kani nébu na líbo nnii mbasu-ɔ!”

Kɔgya 104:1

O Katɔti, ndubumwi-ɔ ku mina kayi ƒui, ɔsika ébomo geen na eekeye ku ɔbu. Na bukeye bɔmmɔ bɔ́ka bɔ́mana-a aani kɔdi kalɛ.

Kɔgya 145:12

Na ɔmɛni ɔdubɔya na ukyuli biala ɔnu ƒula ablala bonwu ɔti ku kalɛ na ƒula Katɔ Ɔga Ɔma lɛgadi liikeye.

Kɔgya 145:5

Badubɔsu kalɛ na ƒula lɛgadi liikeye, na ndubulie kalɔ na liduo lɛlɔ kemmo lɛnu ƒula akɔla ala budie taatina lidu lidu lɛni na aabla.

Kɔgya 21:5

Ka áya na ɔ́di lɛlɔ ɔsu ni, nwuna ɔbu ɔ́kɔ katɔ geen. Na ɔ́ƒɔ lɛnyi na nwuna lɛgadi lɛ́kɛ ɔyikun na liikeye.

Kɔgya 21:7

Unwoti Katɔti Ɔyikune lɛlɔ na bula ɔga ɔsia anu. Na ɔkɛnku Unwoti bɔyɔ bɔni naaavumana ɔsu ɔɔɔdubo bɔgbanta kudii.

Kɔgya 96:6

Unwoti úbomo geen na nwuna bukeye bɔ́ka bɔ́mana-nwu. Na nwuna ɔyikun uudie lɛlɔ keyi kalɛ na ɔɔdia bɔnu na nwuna kakpakɔ

Lɛnu Ƒui Ɔnu 2:3

Na awɔ ni, mina Ɔyɔne, lɛni na álɛ salalaa aani kɔdingyii na lɛku kemmo egyii akɔ si béti-ɔ bákɔku banana bamba. Na ƒula ɔyuli ɔni na ákya-mi ɔ́ya na lɛ́nwuna buɛɛ. Na ƒula ebi ani na éte-mi na lɛ́di áyu-mi emini geen.

Lɛnu Ƒui Ɔnu 5:13

Na nwuna litugya ƒui lise aani kevoma kemo kani kemmo na kutu akyala egyiibi ƒɛƒɛɛ áƒɔ ƒui. Nu-nwu enyekuli aani ugyulo egyii anwula ani na nwuna ɔnyi ƒɛƒɛɛ ɔni na uudie únwini aani oloƒui ntu na bɔɔyu-nwu lɛlɔ.

Yesaia 49:2

Ɔ́ya na mina kenye etemila aatu bekyuli aani kewii kani mbo ɔbi geen iye lɛtula lɛni kenye nse ƒiolu ƒiolu na use yayaaya na atula koƒo kemmo. Ɔda-mi kɔkɔɔkɔ na ɔ́bɛla-mi na nwuna lɛkɔkɔ kemmo.

Batalane Kabla 10:36

Lɛ́ƒɔ lɛ́di ka bínu litemi buni lɛni na básu béte Israelƒuɔ ka ni, ɔkɛ Yesu Kristo lɛlɔ ni, badubɔkɛ keyi buɛɛ. Na anwu ndi Ukyuli Ɔƒunadi ɔni lɛnɔ ndi bayawine ƒui Ɔti.

Romaƒuɔ 14:9

Ɔsika ɔmɛni ɔsu geen na Kristo úkpi na ɔ́sɔ ɔ́ta úbo uli ngba kalɛ na unwini Blɔti ute bekpine ku bayawine ƒui.

Hebriƒuɔ 1:3

Ubi ɔmmɔ ndi Katɔti bukeye bɔni mɔɔsí Katɔti ɔni nse kede kede lɛlɔ. Na ɔdi Katɔti ukyuli udu ɔmmɔ geen. Na ɔkɛnku nwuna litemi lɛni mbo ɔyikun lɛlɔ ɔsu na lɛla biala linye nina kenyekɔ na kayawi. Na uwi ɔni na úti lɛlɔ ɔ́kpa kalɛ na Katɔti uti bayawine ekpidi ɔkyiɛ-ma ni, úsie útélie keliekɔ kenengudi ƒui na Katɔti kɔdianu kakɛ.

Hebriƒuɔ 4:12

Katɔti litemi lɛdi lɛla lɛni mbo ngba na lɛɛbla kabla pla pla teetulo kewii kani na bádɔ-ka lɛvi inyɔ. Na liiduo ukyuli kasusu ku kɔyu ntɛ. Na lɛɛbla lɛni aani kalɛ na kewii keele ɔlɔna ku ekubi ntɛ. Litemi lɛmmɔ lɛɛnu lɛla biala lɛni nkya ukyuli kasusu ku kayi kemmo taatina-nwu.

Hebriƒuɔ 8:1

Lɛla lɛni geen na bɔɔyɔ́ budie bɔtina na litemi lɛmɛni kemmo ndi ka ni, bubo ɔkpane unengudi ɔmɛni ɔni nlie kesii kani náƒɔ kuye na Katɔti lɛgaboku kudɔ na katɔ.

Yuda 1:25

Anwu ɔmmɔ ndi Katɔti unwi pɛ ɔni náƒɔ-bu ngba ɔkɛ Blɔti Yesu Kristo lɛlɔ. Anwu na buumwi, ɔsika anwu mɔɔdi lɛga na ɔɔdi ala ƒui lɛlɔ ku ɔyikun ɔ́si kukuuku ku uwi ɔmɛni kemmo ku ɔni mebo lɛnɔ kemmo. Ɔsia lɛni.

Budie Taatina 1:16

Ukyuli ɔmmɔ ɔda ayabi maatɛ na nwuna kɔdianu. Na litemi geen lɛni nse aani kewii kani na bádɔ-ka lɛvi inyɔ lɛɛlɛ́-nwu kenye. Na nwuna anumi eekeye aani kalɛ na ɔƒɛ ɔɔbi.

Budie Taatina 19:15

Na litemi geen lɛni nse aani kewii kani bádɔ-ka lɛvi inyɔ lɛɛlɛ́-nwu kenye kani na ɔdubuti ukpo kalɔ ƒui bekyuli, na uti nwuna ɔyikun utaadi-ma lɛlɔ. Na ɔdubɔni-ma kɔtu kpakplaa ku Katɔti Ɔyikune Ƒui kɔnyi geen aani kalɛ na baaka ntu teedie ebi kemmo kpakplaa na ntɛ kablakɔ.

Budie Taatina 19:21

Na bekyuli bakladi ni, ukyuli ɔni nlie ɔpɔnkɔ lɛlɔ na kewii katu-nwu kenye mmɔ ɔ́du-ma ku kewii kammɔ, na baasɛ bammɔ báduli-ma ɔlɔna ƒui bébweli na bémo.

Litemi Batɛne 3:16

Na Ehud ɔmɛni ɔ́bla kewii kani bádɔ-ka lɛƒɛnyi inyɔ úte lɛlɔ, na kewii kammɔ bune bɔbla aani lɛgba bɔka unwi ku kakɛ. Na úbo kewii kammɔ ɔ́da nwuna kɔdianu kavobi kakɛ, na ɔ́kya awu ɔ́sia-nwu lɛlɔ.