Kɔgya 41:9 - Katɔti Ɔku Kedee

⁹ Mina ɔtɔ kemmo ɔkpana geen ɔni lɛ́ƒɔ lɛ́di na ami ku-nwu bɔɔdi na lɛkyami linwi kemmo muedi ni, anwu nénwini únye-mi lɛlɔ.

Kɔgya 41:9 ပူးပေါင်းရင်းမြစ်များ

Samuel 2 15:12

Na uwi ɔni na Absalom ɔ́kya ɔɔbla akpala ni, ɔ́ya na bátálɔ Ahitoƒel ɔni nási Gilo ɔma kemmo na ɔdi Ɔga Dawid kasusu betene akɔ unwi ka ɔsi nwuna ɔma Gilo ubo. Kalɛ na Absalom ɔ́bla ala ammɔ ɔ́vinku ɔsu ni, nwuna kama basiakune katɔ kani na baakɔ́.

Hiob 19:13

“Katɔti ɔ́ya na mina lɛlɔ bekyuli ƒui béni-mi, na línwini ɔƒɔ líte mina bekyuli batidi lɛnɔ.

Hiob 19:19

Mina bakpana geen ƒui muedi ku mina bayɔne béni-mi, na baláwia-mi balanu kunyɔ.

Kɔgya 101:3

Na lɛɛɛdubo bɔtunaku likpidi udu biala ɔdi, ɔsika naaayɔ nnii mina anumi aanu ɔmmɔ udu iye lɛsala ku bekyuli bekpidi badi. Na ami ni, ntaabla ala na anumi kemmo.

Yeremia 20:10

Muunú ka bekyuli bammɔ baatɛmi kabɛnsɛ banini, “Ukyuli biala ɔɔyia na uwi ɔmɛni geen na ɔlɛka budie Yeremia bɔƒiɔ na bɔdu-nwu kɔtɔ!” Na bekyuli bani ƒui na mɔɔlɔ nnii mina bakpana ƒui benye kagyumana ka banu mina likpidi lɛdi na bakɛ kasiakɔ. Na baasu banini, “Ɔƒɛni kalɛ Yeremia ɔdubɔƒiɔ ɔbla lɛla lɛdi na ɔnu-bu kakpagyuɛ na bɔsia ɔmmɔ lɛlɔ bɔkɛ-nwu.”

Obadia 1:7

Ƒula bebunkune bani na benye-ɔ kama baaadi bekyuli bani na basia lɛnu. Budi na bédi-ɔ bálɛku ƒula ɔma bétédu ɔmii lɛlɔ. Na ƒula bakpana bammɔ bálɛ-ɔ kama na básia lɛlɔ bákɛ bana kɔsia. Ama bani na awɔ ku-ma bɛɛsála taadi. Na baakya-a lɛlɔ lɛma teeye banii wɛ na nwuna lɛnunda ƒui lɛkya.”

Mika 7:5

Uuubo ɔni na ɔdi ɔsɔ ɔƒɔ ɔkpanadi ɔdi ina dɛ na biidúku. Anwuɔsu si ɔdi aatɛmiku ƒula ɔyɔne muedi ntu ánu kaduɛ.

Mateo 26:23

Yesu údie kenye ɔnii, “Ukyuli ɔni na ami ku-nwu kɔnu nkya lɛkyami kemmo ndubɔkya-mi kakya.

Yohane 13:18

“Ɔɔɔdi bina ƒui litemi na ndaku bɔsu ɔƒaani. Ngyi bina akɔ bani na lɛ́ƒuna. Nsu ɔlɛka Bunweni Kedee Ɔku kemmo etemila ebo-nwu kemmo lɛni kalɛ na bénweni bése banini, ‘Ukyuli ɔni nákyaku-mi kɔnu lɛkyami kemmo na bɔ́di ni, anwu nénwini únye-mi lɛlɔ.’

Lɛkpa Ulu 32:15

Unwoti bekyuli bákɛ lɛlɔ, nsu balábu-nwu. Bélie lɛmwi, na bádi bémo. Nsu bénwini kama bákya bana Katɔti ɔni ndi bana Udiene. Na béni bana Ɔƒɔne Ɔyikune ƒui.