Kɔgya 41:6 - Katɔti Ɔku Kedee

⁶ Na si ɔdi úbo úbanu-mi ni, kasusu kekpidi na uuti na mina lɛlɔ na baagyingya ɔkɔ etemila taavi.

Kɔgya 41:6 ပူးပေါင်းရင်းမြစ်များ

Kɔgya 12:2

Na ɔkɔ kani na ɔdi biala ɔɔnyi taatɔlɔ ɔnwani. Na ɔkɔ ku kɔtɛ keeke kɔmmɔ udu kani néyi-ma inye.

Yeremia 20:10

Muunú ka bekyuli bammɔ baatɛmi kabɛnsɛ banini, “Ukyuli biala ɔɔyia na uwi ɔmɛni geen na ɔlɛka budie Yeremia bɔƒiɔ na bɔdu-nwu kɔtɔ!” Na bekyuli bani ƒui na mɔɔlɔ nnii mina bakpana ƒui benye kagyumana ka banu mina likpidi lɛdi na bakɛ kasiakɔ. Na baasu banini, “Ɔƒɛni kalɛ Yeremia ɔdubɔƒiɔ ɔbla lɛla lɛdi na ɔnu-bu kakpagyuɛ na bɔsia ɔmmɔ lɛlɔ bɔkɛ-nwu.”

Daniel 11:27

“Baga inyɔ bamɛni badubulie likpo linwi basala eli, nsu likyulikpi ku ɔkɔ sɔɔn na badubo bɔnyi bute lɛlɔ. Na bana kɔkwɛ ku kasusu ƒui kadi kalálɛ kɔsia kɔdi, ɔsika lɛla biala na ndubo libalɛ ni, Katɔti ɔ́ɔlɛ-ni ugyii úse.

Korintoƒuɔ 2 11:26

Na mina ulu busie pii kemmo ni, líduo ɔgbankpi lidu lidu kemmo. Ketu keyi káda-mi kɔlɛ kɔlɛ, na líduo beyune enu kemmo. Líduo ɔgbankpi kemmo na mina kadi bekyuli Yudaƒuɔ enu kemmo ku bani naaadi Yudaƒuɔ lɛnɔ enu kemmo. Líduo ɔgbankpi na lɛma linengudi kemmo ku ketele kemmo. Líduo ɔgbankpi na ntu anumi ku ɔkɔ baƒɔtaadine enu kemmo.