Kɔgya 41:1 - Katɔti Ɔku Kedee

¹ Lɛlɔ lɛdubɔyɔ ukyuli ɔni muulie taabla kasusu na bekyuli bani nse kpɛtɛ kpɛtɛ lɛlɔ ka ubunku-ma. Unwoti Katɔti ɔdubudie-nwu si úduo lɛbibo lɛdi kemmo.

Kɔgya 41:1 ပူးပေါင်းရင်းမြစ်များ

Kɔgya 112:9

Uute bekyuli bani mɔɔyaki ala ku kaƒɔ ƒaa, na uláda lɛbuni bɔbla taaya kudii. Na bekyuli badububo-nwu kudu ka ubo ɔyikun sɔsɔ.

Kɔgya 34:19

Ukyuli ɔni nsiaku-nwu siin ni, ala lidu lidu akana na ekpoku-nwu nsu Unwoti ɔdubudie-nwu kede kede.

Kɔgya 37:19

Si uwi ɔni na ɔgbankpi ɔdi úbo ni, ɔtɔtɔ ɔɔɔdubo-ma bɔgyu. Lɛni kani na si kɔka lɛnɔ kúbo ni, ama badubɔkɛ badi na bemo.

Kɔgya 37:26

Ukyuli ɔmmɔ ɔɔnu kɔnyana uwi biala. Uute ala lɛnɔ na uuvó teete bekyuli na kusɛ kusɛ ɔɔsiaku nwuna bebi.

Agba 14:21

Si eekisi ƒula ɔkpana ni, likpidi lɛdi-ɔ. Kusɛ kusɛ ɔdubɔsiaku bekyuli bani muubunku bawabane.

Agba 16:14

Ɔga kɔnyi kenye kelenu bunye kuubile ala. Na banundane baasia ulu biala lɛlɔ ka bayala-nwu kaƒɔ.

Agba 19:17

Si ébunku bawabane ni, Unwoti na eevó ala teete, na ɔdubɔƒɔ kayu kammɔ ɔsɔku ute-ɔ.

Etemila 12:1

Taakali ƒula udiene lɛlɔ taanu uwi biala na ƒula lɛkloƒu uwi! Ɔsika uwi ɔdubo ɔni na kayawi ala adubukpi-ɔ ɔkwɛ na etila ani nsia-a lɛlɔ ɔsu.

Yeremia 39:17

Nsu ka áƒɔ-mi ádi na ƒula anu asia-mi lɛlɔ ɔsu ni, ndubo-ɔ bɔgyumana bɔsiku Yudaƒuɔ benengu enu kemmo. Na si uwi ɔni na ɔgbankpi ɔ́bwɛ úwi Yuda lɛlɔ ni, ndubudie-ɔ na lɛya na elie ngba. Ami Unwoti násu.”

Marko 14:7

Bawabane bakya-mii akɔ uwi biala. Na uwi biala na amii bɛɛyɔ́ ni, bɛkana na bibunku-ma. Na ami ni, ɔɔɔdi uwi biala na ndubɔkya-mii kudɔ.

Batalane Kabla 20:35

Lɛ́bla ala amɛni ƒui líti lɛ́tina-mii kalɛ na buteebunku bawabane, na binyimo litemi lɛni na Blɔti Yesu ɔ́su ɔnini, ‘Bute bɔdia butulo bɔƒɔ.’ ”

Galatiƒuɔ 2:10

Na lɛla lɛni básu-bu ndi ka bunyimo na butaanu bawabane kɔnyana. Na ɔmɛni ndi lɛla lɛni na lɛ́sia anu na mɔɔbla geen.

Tesalonikaƒuɔ 1 5:14

Lɛnɔ ni, banwa, bɔɔwia kpakplaa ka bɛkɛ litemi bɛsu bakɔsɔne. Na bɛkya bani na liƒu lɛɛda ɔkplu. Na bibunku bani mɔɔwia kebunku. Na bɛkɛ kayi buɛɛ bite ukyuli biala.

Hebriƒuɔ 6:10

Katɔti ɔɔbla lɛla biala ulu lɛlɔ. Na uláyiƒala bina ala ani na bɛ́bla. Ɔgyi ka bɛɛyɔ́-nwu ɔkɛnku kalɛ na bíbunku nwuna bekyuli. Na bɛmu biibunku-ma úbedu ɔƒɛni.

Yakobo 2:13

Ɔsika si Katɔti ɔɔtɛku ɔdi litemi ni, ɔɔɔdubo-nwu kɔnyana bɔnu si ukyuli ɔmmɔ ulánu kɔnyana. Nsu si ɔdi ɔɔnu kɔnyana ni, Katɔti uládu-nwu kɔtɔ.

Budie Taatina 3:10

Na ka bɛ́di mina ɔda ɔni na líbo-mii lɛlɔ, na bínye kpakplaa na bɛ́siaku ala ani ƒui muukpóku-mii ɔsu ni, ndubɔda-mii lidie lɛbibo lɛni mebo kayawi ƒui lɛlɔ libakɔku bekyuli bani nlie kalɔ lɛlɔ lɛnu kemmo.

Rut Keliela Ɔku 2:19

Amu ka Naomi ɔ́nu edula amɛni ni, úye Rut ɔnini, “Wɛ kakɛ na átála edula ɔmwi kadi? Na ɔma kemo na ákya ábla kabla? Muuvele Unwoti nnii ute ukyuli ɔmmɔ kusɛ kusɛ na lɛƒɔndia lɛni ɔ́bla-a mɛni ɔsu.” Amu na Rut ɔ́su Naomi ka ukyuli ɔni kemo na ɔkya ɔɔbla kabla mmɔ baalɔ banii Boas.