Kɔgya 40:7 - Katɔti Ɔku Kedee

⁷ Mmɔ na lɛ́su nnini, “Ati, aanu-mi. Líbo nnii mbabla ƒula lɛƒɔyɔ aani kalɛ na bénweni básiku-mi lɛlɔ na Bunweni Kedee Ɔku kemmo.

Kɔgya 40:7 ပူးပေါင်းရင်းမြစ်များ

Ala Kalɔ Buse 3:15

Na ndubɔya na awɔ ku uleku ɔmɛni binwini bekisine, na ƒula ubi ku uleku ɔmɛni ubi lɛnɔ benwini bekisine. Ɔdubo-ɔ lili bubo bɔbwɛ, na awɔ adu-nwu lɛnikpo.”

Kɔgya 50:9

Na naaawia nnii biƒie ɔmantɛ akɔ ɔkɔdi ɔdi iye betukpa bɛsiku bina ayu kemmo biboku-mi.

Kɔgya 51:18

O Katɔti, ya na kaƒɔ kayɔ-ɔ na abla Sion lɛƒɔndia na asɔku Yerusalem ɔma ɔmmɔ awodu atu.

Agba 21:3

Lɛlɔ lɛɛyɔ́ Unwoti si bɔɔbla ala ani mɔɔyɔ́-nwu kaƒɔ teetulo si búti akpala búboku-nwu.

Yesaia 50:4

Unwoti Ɔyikune Ƒui ɔ́tina-mi lɛla lɛni na libimi kenye lɛsu na lɛkya ukyuli ɔni na lɛlɔ lɛ́bla-nwu kpɛtɛ kpɛtɛ ogya. Ɔɔgyila-mi ɔtanta biala na ɔɔlɛmi-mi atu na muunú ala ani na ɔɔtina-mi.

Yesaia 50:5

Ɔ́ya na muusé atu teenu-nwu litemi na naaabla atu ɔkplu iye linwini kama lɛkya-nwu.

Luka 24:27

Na Yesu údie ala ammɔ kalɔ úte-ma ɔ́si ala ani na bénweni bákya Bunweni Kedee Ɔku kemmo ɔ́si Mose ɔku ku ala ani ƒui na Katɔti kenye bediene bénweni ɔkɛnku anwu Yesu ɔmmɔ lɛlɔ.

Luka 24:44

Amu na ɔ́su-ma ɔnini, “Ala amɛni lɛlɔ kɔtɛ geen na lɛ́tɛmiku-mii ɔni na lɛ́kya-mii kudɔ. Ala ani ƒui na bénweni na Mose ɔda bubo ɔku kemmo ku Katɔti kenye bediene ala ani bénweni ku kɔgya ɔku kemmo ni, ɔlɛka ebo-nwu kemmo lɛni.”

Yohane 5:39

Bɛɛtɛya Bunweni Kedee Ɔku kemmo ala uwi biala ku kakali ka si bɛ́bla lɛni ni, bɛdubɔkɛ ngba bɔni nsɔ naaadu bɔsa kudii. Na ɔku ɔmmɔ geen muudie kenye taasiku-mi lɛlɔ.

Batalane Kabla 10:43

Na Katɔti kenye bediene bénweni básiku-nwu lɛlɔ ka ukyuli biala ɔni maƒɔ-nwu madi ni, Katɔti ɔdubɔƒɔ nwuna ekpidi udie-nwu lɛlɔ na anwu Yesu lɛnyi kemmo.”

Budie Taatina 19:10

Mmɔ ni, lɛ́yu líbi kalɔ na nwuna lɛgba akɔ na límwi-nwu aani Katɔti kalɛ. Nsu ɔ́su-mi ɔnini, “Tabla lɛni! Ami lɛnɔ kabla ɔblane ɔkpana na ndi aani ƒula kalɛ ku ƒula banwa bakladi bani nsiaku Blɔti Yesu ala bɔtina kama. Katɔti kani na ɔlɛka emwi lɛni. Ɔsika ala ani na Yesu ɔ́tina ni, ana kenye budie ndi Kɔyu ɔyikun ɔni nákya Katɔti kenye bediene lɛlɔ kemmo.”