Kɔgya 4:7 - Katɔti Ɔku Kedee

⁷ Áya na mina kayi kéyi ku ebiti geen útulo bana ebiti ani baakɛ́ si bákɛ edula pii aani antabi ku egyiibi ntɛ bɔwɔdi.

Kɔgya 4:7 ပူးပေါင်းရင်းမြစ်များ

Kɔgya 31:17

O mina Unwoti, taya na kɔƒa kukpo-mi, ɔsika ƒula lɛnyi kani mɔɔlɔ. Nsu balalane ama ni, ya na kɔƒa kukpo-ma na batátɛ kaƒiɔtɔ kemmo kpoo.

Kɔgya 37:4

Ya na ebiti ataada-a na Unwoti lɛlɔ na ɔdubɔbla ƒula kayi ayɔla ute-ɔ.

Kɔgya 43:4

Ndubusie ƒula lɛkpabi kudɔ mmɔ ntákpa-a, ɔsika awɔ mɔɔyá na lɛlɔ lɛɛyɔ́-mi. Na ndubuti ɔbentaa na lɛgya lidie kɔgya limwi-ɔ, O mina Katɔti.

Kɔgya 67:2

Na aya na bekyuli ƒui banu ƒula lɛƒɔyɔ bati. Na banu bati lɛnɔ kalɛ na aaƒɔ́ teete bekyuli na kayawi ƒui.

Kɔgya 80:4

O Unwoti, kadi ƒui Katɔti, uwi ɛlɛ na adubuti kɔnyi akya-bu na eni-bu bɔkpali etédu?

Kɔgya 92:4

O Unwoti, áya na lɛlɔ lɛɛyɔ́-mi na ƒula ablala ebendi ɔsu. Na anya ɔsu na muudie ebiti lɛnu.

Lɛnu Ƒui Ɔnu 1:4

Kpanku-mi da na bɔtɔlɔ pla! Na awɔ ɔga eti-mi eduoku ƒula kɔtɔma. Lɛlɔ lɛɛyɔ́-bu na ƒula lɛlɔ. Na kalɛ na aayɔ́ bekyuli ubo emini utulo ntɛ mini mini. Ɔdia geen ka bemwi-ɔ.

Yesaia 9:3

Na Israel kadi badubɔsɔ balɛ lili na baƒɔ lɛnyi na lɛlɔ lɛyɔ-ma aani kalɛ na lɛlɔ lɛɛyɔ́ bekyuli si báƒɛ edula awɔdi. Na badubo kudu bubo geen ku lɛlɔyɔ aani bekpone muule ala ani na béƒie báƒɔ bana bekisine kudɔ.

Yeremia 48:33

Edula bɔƒɛ taasiku mmo emeyi bɔdi bɔ́sa na Moab kalɔ lɛlɔ ɔƒaamu na lɛlɔyɔ kɔku bɔbla na ntɛ kediekɔ lɛnɔ kenye kékulo.

Bumomo Bɔka 6:25

Unwoti ɔya na nwuna anumi eteekeye teewi-mii na ɔnu-mii ku lɛƒɔndia,

Batalane Kabla 14:17

Nsu úteedie lɛlɔ taatina-bu na nwuna ala abuni bɔbla ani mɔɔtina ka ɔkya sɔsɔ. Na uwi ndi uwi ni, ubo lɛla lɛni muunyimene-bu na nwuna ala abuni lɛlɔ. Uute-bu ɔnantu uwi ndi uwi ku edula abuni ku adila ku ebiti lɛnɔ.”

Petro 1 1:8

Bítanu-nwu kudii, nsu bɛɛyɔ́-nwu. Na bilánu-nwu ɔƒɛni lɛnɔ, nsu bɛɛƒɔ́-nwu taadi. Anwuɔsu bɛya na lɛlɔyɔ lɛni náƒɔ kuye geen na ukyuli ɔdi biala ulakana-ni kalɔ budie lɛnɔ ni, lɛkya-mii kemmo.

Litemi Batɛne 9:27

Na bana ƒui bésie bana adingyii mmo na bétéde egyiibi na béti bábla ntɛ na báni bádi limeyi. Na bésie bana lɛkpabi lɛni bátu balɛ kudɔ. Na uwi ɔni na bakya baadi na banii teekpi ni, beewida Abimelek.