Kɔgya 38:4 - Katɔti Ɔku Kedee

⁴ Ɔsika mina ekpidi énwini etila asia-mi lili. Na ebo-mi unu geen na étulo-mi muedi.

Kɔgya 38:4 ပူးပေါင်းရင်းမြစ်များ

Esra 9:6

Na lɛ́su-nwu nnini, “O mina Katɔti, kɔƒa kuukpó-mi ka lɛtalaku mina anumi katɔ muedi na ƒula anumi. Ɔsika bula ekpidi áakuku etulo-bu na ákuku laa na éedu katɔ.

Hiob 33:19

Na uwi bamba lɛnɔ ni, Katɔti ɔɔyá na ɔlɛ kpakplaa ubo ukyuli, na lɛlɔ ekpo ku kɔsakɔ ƒui kɔɔdu-nwu momoomo. Na ɔɔsia ulu ɔmɛni lɛnɔ lɛlɔ na ɔbla ukyuli sɛɛn kede kede ƒui.

Kɔgya 107:17

Badi badi badɔlɔdi ɔ́si bana likyulikpi ala bɔbla ɔsu. Na badi lɛnɔ bana ekpidi ani baabla ɔsu beebó abi pii.

Kɔgya 40:12

Ɔsika ɔgbankpi lidu lidu pii ku mina alaekpidi áka ámana-mi na nsɔ naaanu kesii kani na lɛsia. Emomo etulo mina lili linwini ɔmmɔ ɔsu na enu áƒɛ-mi ƒui.

Yesaia 53:11

Ɔdubɔnu lɛla lɛni ndubɔlɛ lɛsi kɔyu kemmo abi ani na úbo, na kaƒɔ kaba-nwu. Ka mina kabla ɔblane ɔni nse siin ɔgyi mina lɛyɔla ɔsu ni, ɔdubɔya na bekyuli pii ku Unwoti ntɛ bɔdia. Na anwu ɔlati ɔdubɔƒɔ-ma ekpidi uti.

Kɔnyana Buwulo 1:14

“Ébo mina ekpidi áda-mi ɔkwɛ, na aayu-mi unu, na mina ɔyikun ɔ́sa. Áya na mina bekisine bákɛ ɔyikun na mina lɛlɔ, na bákɔ-mi básɔ ɔni na bebo ɔyikun bétulo-mi.

Lewiƒuɔ Ɔda Bubo 7:18

Anwuɔsu si unwi bɔbla akpala ebuo ɔmmɔ lɛna lɛdi líbu limeyi lɛtɛdi na ɔdi ɔ́kun-ni ni, lɛɛɛdubo ukyuli ɔmmɔ bɔƒɔ ulu ɔdi lɛlɔ. Na akpala ammɔ aaadubo kɔsia kɔdi bɔlɛ bute ukyuli ɔmmɔ mmomu ɔdubɔkya-mi kɔnyi geen na ndubɔdu-nwu kɔtɔ geen.

Mateo 11:28

“Amii bani nti etila bonwu na lɛlɔ líitu-mii ni, bibo-mi kudɔ na ndubɔya na bɛnwuna.

Petro 1 2:24

Kristo ɔlati náƒɔ bula ekpidi lɛbibo ɔ́sia lɛlɔ útédu ka bákana-nwu bámana ugyii lɛlɔ na bádu-nwu. Ɔ́bla ɔmɛni kalɛ na bɔlɛ likpidi kemmo kalɛ na likpidi lɛsɔ liladi-bu lɛlɔ. Na bulie ngba na butaabla ala ani mɔɔyɔ́ Katɔti kaƒɔ. Abi ani na Kristo úbo na bula lili mɛni náya na abu bɔ́yu ɔkplu na kɔyu kemmo.