Kɔgya 32:4 - Katɔti Ɔku Kedee

⁴ Unwoti, usien ku ɔƒɛ ƒui ni, aaní-mi kɔtu na mina ɔyikun ɔ́sa na lɛ́ta lɛ́bla aani kalɛ na ntu bɔ́kwii taasa kaƒɛndi uwi kalɔ.

Kɔgya 32:4 ပူးပေါင်းရင်းမြစ်များ

Hiob 16:21

Na uudie taatina Katɔti ka ńtabla lɛla lɛdi aani kalɛ na ukyuli uuvele teete nwuna ɔkpana.

Hiob 30:30

Mina ɔlɔna ɔ́kywi ɔ́bla tonwu na ɔɔvumi. Na lɛlɔ kemmo kaadu-mi teetéduoku-mi ekubi kemmo kemmo.

Hiob 33:7

Anwuɔsu tayia-mi iye lɛla lɛni na ndubo bɔbla.

Kɔgya 22:15

Mina ɔyikun ɔ́sa aani libui lɛni nábwɛ kɔkɛ kɔkɛ. Na mina unyemi ɔ́du ɔ́ma-mi kenye kemmo. Na áya na bébi-mi kukpi ɔtumu.

Kɔnyana Buwulo 4:8

Nsu ɔƒaani ni, bana ɔlɔgyii ɔ́nwu tonto aani kɔma nnɔ batondi bɔni na beewi ulu. Na ukyuli biala ulánu-ma taati. Ɔsika bana ɔlɔna ɔ́kwii ɔma-ma ekubi lɛlɔ, na ɔ́kwii útulo kekyweni.

Kɔnyana Buwulo 5:10

Kɔka ku lɛlɔ ogya bɔƒɔ bɔ́ya na bula ɔlɔna ɔ́ta ɔ́bla aani kalɛ na lɛla lɛdi liikeyi ogya.

Rut Keliela Ɔku 1:13

Na ɔmɛni ɔsu bɛɛɛdubo kɔgya kɔdi bulie. Mina bebi, bɛgyi ka ɔmɛni ɔɔɔdubo bɔtɛ lɛni. Uuduo ami ɔlati teetulo amii muedi. Unwoti náya na úbo úte-mi lɛni.”

Samuel 1 5:11

Ka bétenuku-ma kalɔ ɔsu ni, Ekron ɔma bekyuli lɛnɔ bálɔ Ƒilistiƒuɔ agyina besiene kelisa na básu-ma banini, “Bɛsɔku Bunyimi Adaka ɔmɛni bimene bekyuli bani ɔdi na ɔdi kalɛ na bulása bukpi.” Liƒu líduo ɔdi biala ɔƒɛni amu, ɔsika ɔgbankpi geen ndaku bɔlɛ kesii kani ƒui na bada Bunyimi Adaka ɔmmɔ baavínku. Na Israel Katɔti ɔdaku nwuna ɔyikun budie taatina geen.

Samuel 1 5:9

Nsu útaƒɔ uwi asa alɛbi álɛ éwi bana ɔdi biala lɛnɔ lɛlɔ na mmɔ. Na ɔmɛni úbakya Gat ɔma bekyuli liƒu geen.

Samuel 1 6:9

Na bitaasia-nwu anumi taanu, si ɔ́sia ɔma ulu lɛlɔ siin úsela Bet-Semes ni, na bɛgyi ka ɔgbankpi ɔmɛni ɔ́si Unwoti kudɔ asa na úbo-bu lɛlɔ. Na si útasia lɛni bɔdi ni, na bɛgyi ka ɔgbankpi keeke kani nátuaku-bu.”