Kɔgya 3:7 - Katɔti Ɔku Kedee

⁷ Unwoti mina Katɔti, bo na abaƒɔ-mi! Ƒɛ mina bekisine ƒui anyi ku linungla kalɛ na basɔ balákɛ ɔyikun ɔdi mina lɛlɔ.

Kɔgya 3:7 ပူးပေါင်းရင်းမြစ်များ

Samuel 2 18:8

Kekpo kammɔ kégyingya késie kesii amadɔ mmɔ bene ƒui na bana pii bátáyii bákya na békpi, nsu ɔɔɔdi kewii kenye na békpi.

Hiob 16:10

Na bekyuli bébimi kenye baanu-mi taapii-mi. Na básala baatu etemila taalɛ-mi na baaƒiɛmi-mi kɔnu utugya.

Hiob 29:17

Lɛ́ƒɛ balalane avwi, na líƒie bekyuli bani na baayɔ́ ka nka babla kalala lɛ́ƒɔ-ma enu kemmo na bákɛ bɔnwuna.

Kɔgya 10:12

O Unwoti, kali nu bekyuli bani nnye muubó abi na ani bekyuli bekpidi bamɛni kɔtu.

Kɔgya 12:5

Nsu Unwoti ɔnini, “Ɔƒɛni amu ndubɔta lɛda lɛlɛ bekyuli bamɛni lɛlɔ, ɔsika bawabane beebó abi. Na bekyuli bani na baanya taakya lɛnɔ beedumo. Na ndubute-ma kagyumana kani na baasia anu.”

Kɔgya 27:3

Si ina bekpone otogyi ɔdi náka bana-mi muedi ni, ɔtɔtɔ biala ɔɔɔdubo-mi bɔgyu. Ina kekpo na báta-mi lɛlɔ muedi ni, ndubuti mina anu bɔsia Unwoti lɛlɔ.

Kɔgya 35:23

Mina Unwoti Katɔti, buvele ta na ekpo aƒɔ-mi.

Kɔgya 44:23

Unwoti, buuvele-ɔ, ta na ebo ebebunku-bu. Tedie-bu atu ƒui lɛni.

Kɔgya 58:6

O Katɔti, mina bekisine bese aani bagyata bani na bana anumi égyie anwuɔsu na muuvele-ɔ nnii ƒɛ-ma anyi.

Kɔgya 59:5

Unwoti Katɔti Ɔyikune Ƒui, awɔ ndi Israel Katɔti. Ta na ani kadi bamba bekyuli ƒui kɔtu. Na tada bani muulie taakya bekyuli kakya tese.

Kɔgya 6:4

Unwoti, bo na ebedie-mi! Na ƒula lɛƒɔndia ɔsu ni, nu-mi kɔnyana na edie-mi na kukpi kemmo!

Kɔgya 7:6

O Unwoti, ta ku kɔnyi na enye ada mina bekisine bani nsiaku-mi ku kɔnyi geen! Ta na ebunku-mi! Ɔsika awɔ mɔɔtɛ litemi ulu lɛlɔ.

Kɔgya 74:11

Bi ɔsu na éni anii alani-ma kɔtu na éti enu ákya lɛgba akɔ.

Kɔgya 76:9

uwi ɔni na awɔ Katɔti áta anii aatɛ litemi na edie bani na ala eekpóku.

Yesaia 51:9

Unwoti, buvele ta! Ta na ada alɛ ku ƒula ɔyikun na edie kɔnu na abla ɔyikun ala aani kalɛ kani na ábla dii na kuuku uwi ɔni na bula bati kuuku bélie. Bɔgyi ka awɔ nádu Rahab, ɛpu kemmo liƒu kebweyi bonwu kammɔ ékulo eku eku.

Kɔnyana Buwulo 3:30

Lɛni kani na adubɔtɛya ala si bekyuli beedumi-ɔ na bana ebola éduo-ɔ lɛlɔ.

Habakuk 2:19

Bi ndi lɛla lɛni na ukyuli ɔdubɔkana na ɔtɛya ɔsiku baƒiɔ bani na béti sika ɔƒualadi ku ugyiedi bákwaa kemmo? Ala amɛni alanwuna muedi. Kɔnyana litemi bonwu lɛdi lite ukyuli ɔni ndubɔta na ɔsu baƒiɔ bamɛni ɔnini, ‘Ta nye, na abla lɛla lɛdi ete-mi.’