Kɔgya 3:4 - Katɔti Ɔku Kedee

⁴ Mɔɔkpali awɔ Unwoti teevele nnii nu-mi bɔkpali na ebebunku-mi ɔ́si ƒula kɔbi kedee lɛlɔ mmɔ.

Kɔgya 3:4 ပူးပေါင်းရင်းမြစ်များ

Ala Kalɔ Buse 15:1

Ɔmmɔ kama ni, Abram ɔ́nu kɔyu kemmo lɛla lɛdi na Katɔti ɔ́su-nwu ɔnini, “Abram, sɔ tayia! Ami ndi ƒula katamikukɔ ku kesii kani na adubɔkɛ ƒula lɛyuƒɔla linengudi.”

Kɔgya 119:114

Awɔ ndi mina katamikukɔ ku ukyuli ɔni na ɔɔgyumana-mi. Na ƒula linyese lɛlɔ kani na mbo lɛnunsia.

Kɔgya 138:3

Limeyi lɛni na líwulo lɛkpali-ɔ ni, énu-mi bɔkpali na ákya-mi kayi na áya na mina kɔyu kɔ́kɛ ɔyikun.

Kɔgya 18:3

Unwoti Katɔti, awɔ námanku bumwi. Lɛ́kpali-ɔ na édie-mi álɛku mina bekisine enu kemmo.

Kɔgya 2:6

“Sion Kɔbi kedee lɛlɔ na líse mina Ɔga Ɔƒunadi líse.”

Kɔgya 27:6

Na ka ɔ́ya na lɛ́di mina bekisine bani náka báma-mi lɛlɔ ɔsu ni, ndubuti mina akpala liboku-nwu na libo kudu ku lɛlɔyɔ na lidie lɛnu limwi-nwu.

Kɔgya 28:7

Unwoti mɔɔgyumana-mi na uute-mi ɔyikun. Nwuna lɛlɔ na mina kayi kasia na úbunku-mi sɔsɔ. Ɔmmɔ ɔsu na kayi kaayɔ́-mi geen. Na ndubɔtu enugya ɔnu lite-nwu.

Kɔgya 34:4

Lɛ́kpali Unwoti na únu úte-mi na údie-mi ɔ́lɛku ala ani ƒui mɔɔkya-mi liƒu kemmo.

Kɔgya 34:6

Bekyuli bani nánu báti ka básɔ ni, bákpali-nwu na únu úte-ma na údie-ma lɛbibo ƒui kemmo.

Kɔgya 43:3

Unwoti Katɔti, ya na ƒula bukeye bubewi-mi lɛlɔ na ƒula litemi geen lɛmmɔ lɛtɔnku-mi na bɔkpanku-mi bubedu ƒula kɔbi kedee lɛlɔ na kesii kani na elie.

Kɔgya 50:15

Na si bɛ́bla ɔmɛni na bɛ́kpali-mi na ɔgbankpi ɔdi uwi ni, ndubɔtuna bute-mii, na bɛya na mina lɛnyi lɛƒɔ kuye.

Kɔgya 62:8

Amii bekyuli ƒui, biti bina kayi ƒui bɛsia Katɔti lɛlɔ uwi biala. Na biteevele-nwu ala ani ƒui na bɛɛyaki. Ɔsika Katɔti ɔdi katamikukɔ.

Kɔgya 84:12

O Unwoti Ɔyikune Ƒui, ukyuli ɔni mbo lɛnunsia na ƒula lɛlɔ ni, anwu na lɛlɔ lɛdubo bɔyɔ.

Kɔgya 89:19

Kuuku ni, édie átina ƒula kabla ɔblane na kɔyu kemmo na ásu anini, “Liti ɔyikun líte ukpone ɔdi. Na lɛ́ƒuna-nwu lɛ́siku bina akɔ na líse-nwu likpo ka ɔdi lɛga.

Kɔgya 91:15

Na si lɛla lɛdi liikpóku-nwu na ɔ́kpali-mi ni, ndubunu na lidie-nwu na lɛya na ɔƒɔ lɛnyi.

Kɔgya 99:9

Bimwi Unwoti bula Katɔti na bɛkpa-nwu na nwuna kɔbi kedee lɛlɔ, ɔsika Unwoti, bula Katɔti, use kedee.

Agba 2:7

Bekyuli bani nse siin ni, uusé-ma kama ka badi lɛlɔ. Na ɔdi lɛgyumanala ute bekyuli bani na lɛla lɛdi lɛɛɛda-ma na bana kasiakɔ.

Yesaia 65:24

Ndubute-ma lɛla lɛni baawia asa na bakpali-mi muedi nsu si baakpali lɛnɔ ni, ndubunu lɛla lɛni na beevele-mi.

Kɔnyana Buwulo 3:56

Lívele-ɔ nnii enu-mi bɔkpali na ebunku-mi ku kɔvanu na lɛ́su nnini, “Bunku-mi! Ƒɔ-mi!” Na énu éte-mi sɔsɔ.

Mateo 7:7

“Bivele Katɔti ala, na ɔdubuti-nya ute-mii. Bɛwia nwuna ala, na ɔdubɔya na bɛkɛ-nya. Bibo Katɔti kegbuta kɔnu na ɔdubɔlɛmi ute-mii.

Yakobo 5:13

Si bina ɔdi ɔkya lɛbibo kemmo ni, ɔlɛka ɔkpali Katɔti na ɔdububunku-nwu. Na si lɛlɔ mɔɔyɔ́ ɔdi lɛnɔ ni, utaatu lɛnu teemwi Katɔti.