Kɔgya 27:9 - Katɔti Ɔku Kedee

⁹ Ɔmmɔ ɔsu ni, O mina Unwoti Katɔti, awɔ lɛnɔ tada ƒula anumi tedie-mi lɛlɔ. Na teti kɔnyi takya ƒula kabla ɔblane na abɔku-nwu. Ɔsika awɔ ndi mina ɔƒɔne ɔni muubunku-mi.

Kɔgya 27:9 ပူးပေါင်းရင်းမြစ်များ

Ala Alɛdi 1 28:9

“Mina ubi Salomo, mɔɔsu-ɔ kpakplaa ka kya Unwoti lili kalɔ uwi biala na asiaku-nwu kama siin na adi nwuna litemi lɛlɔ ku ƒula kayi ku kasusu ƒui aani kalɛ na lɛ́bla. Ɔgyi ƒula lili kemmo kasusu ku kakali biala na ada aabla ala. Anwuɔsu si énwini ésie-nwu kudɔ ku kayi ƒui ni, ɔdubunu ƒula buvele. Nsu si énwini kama ákya-nwu ni, anwu lɛnɔ ɔdubuni-ɔ uwi ƒui.

Kɔgya 102:2

Tabɛla-mi ƒula anumi si líduo ɔgbankpi kemmo. Mmomu se atu na enu-mi bɔkpali. Na ababla na ebo ebebunku-mi.

Kɔgya 102:3

Ɔsika mina emeyi áasa áwɔlɔ aani kalɛ na uyɔ ɔɔyii taakya. Na mina ɔlɔna lɛnɔ ɔɔkywí aani lɛgyavonku.

Kɔgya 119:121

Lɛ́bla lɛla lɛni ndia na lɛdi ulu lɛlɔ lɛnɔ. Anwuɔsu tanyonu-mi ete mina bekisine.

Kɔgya 13:1

Unwoti Katɔti, uwi ɛlɛ na adubo-mi atu budie butálɛ? Bi ɔsu na ábɛla-mi ƒula lɛlɔ?

Kɔgya 143:7

Unwoti, nu-mi bɔkpali. Mina lɛnunsia lɛ́sa. Na téti lɛlɔ tabɛla-mi, si ɔɔɔdi lɛni ni, ndubo bukpi aani bamanvine bani ntɔ kalɛ.

Kɔgya 24:5

Unwoti ɔdubute-ma kusɛ kusɛ na ɔƒɔ-ma na ute-ma ubo ka likpidi lɛdi lɛɛɛma-ma lɛlɔ.

Kɔgya 44:24

Bi ɔsu na áda anumi édie-bu lɛlɔ lɛni na ƒula kasusu kálɛ bula lɛbibo ku budumo bɔni kemmo bɔkya lɛlɔ?

Kɔgya 51:11

Tabɔku-mi tatɔlɔku na ƒula anumi. Na taya na ƒula Kɔyu ɔyikun ɔlɛ-mi lɛlɔ kemmo.

Kɔgya 69:17

Teti ƒula lɛlɔ tabɛla ami ƒula kabla ɔblane, ɔsika nkya lɛbibo bonwu kemmo. Anwuɔsu yile-mi bubebunku.

Kɔgya 69:18

Ni de-mi, na aƒɔ ete-mi na lɛkɛ bɔnwuna lɛsiku mina bekisine enu kemmo!

Kɔgya 88:1

O Unwoti Katɔti ɔni mɔɔƒɔ́-mi ngba, ƒula anumi na muunye taakpali usien ku ɔƒɛ.

Yesaia 50:1

Ɔmmɔ kama ni, Unwoti úye nwuna kadi bekyuli ɔnini, “Bi mɔɔtina ka lɛ́nyonu-mii aani kalɛ na ɔnana ɔɔnyonu ulekudi? Munuu bɛɛkali ka buti na líti-mii líye aani kalɛ beeti bebi teeye banii beténwini ukyuli ɔdi kabla bablane na kayu kadi kenye? Oowo, mmomu bina likyulikpi ku alaekpidi ɔsu na béƒie-mii bátɔlɔku bésienku kaƒɔ.

Yesaia 59:2

Mmomu bina alaekpidi náda-mii ntɛ ɔsu na údie anumi bina lɛlɔ na ɔsɔ ulenu-mii bɔkpali.

Hebriƒuɔ 13:5

Anumi asɔ etegyie-mii na egulabi lɛlɔ. Mmomu bɛya na lɛla lɛni bibo limo-mii. Ɔsika Katɔti ɔ́su ɔnini, “Lɛɛɛdubo-mii bɔnyonu kudii, na neeedie-mii atu lɛnɔ kudii.”

Samuel 1 7:12

Ɔmmɔ kama ni, Samuel ɔ́lɛ likpose lɛtabi lɛdi na Mispa ku Sen lɛma ntɛ na ɔ́sia-ni lɛnyi ɔnii Eben-Eser, na nwuna kalɔ ndi bɔƒɔ lɛtabi. Na ɔ́su ɔnini, “Ɔmɛni mɔɔtina kesii kani na Unwoti úbunku-bu úbedu.”