Kɔgya 24:3 - Katɔti Ɔku Kedee

³ Ɔma mbo kuƒi kɔni na ɔdubɔkana na ɔkɔ usie Unwoti kɔbi lɛlɔ na uduo nwuna kakpakɔ mmɔ?

Kɔgya 24:3 ပူးပေါင်းရင်းမြစ်များ

Ala Alɛdi 1 15:1

Uwi ɔni na Dawid ɔ́tu lɛtɔ úte lɛlɔ ɔ́wɔlɔ na kesii baalɔ Dawid ɔma unengudi ni, ɔ́klibi kesii kadi lɛnɔ úte Katɔti Bunyimi Adaka. Na ɔ́tu Adi Kevo úte-nwu.

Kɔgya 15:1

Unwoti Katɔti, ɔma ndubɔkɛ kuƒi na ɔkɔ ubo ƒula Sion Kɔbi kedee lɛlɔ na uduo ƒula kakpakɔ?

Kɔgya 2:6

“Sion Kɔbi kedee lɛlɔ na líse mina Ɔga Ɔƒunadi líse.”

Kɔgya 65:4

Lɛlɔ lɛdubɔyɔ bekyuli bani na awɔ ɔlati áƒuna ka bebelie-ɔ kudɔ na ƒula kakpakɔ kedee kaduli. Na badubɔkɛ ebiti geen na ƒula kudɔ bulie kemmo na mmɔ.

Kɔgya 68:18

Uwi ɔni na ákɔ ésie katɔ ƒui ni, éti bekyuli bani na ékpo áƒɔ ƒui átɔlɔku. Na éte-ma etela. Na ƒula bekisine bani naaayɔ ka elie mmɔ muedi lɛnɔ béte-ɔ ala.

Esekiel 44:5

Unwoti ɔnini, “Esekiel, ɔyawine ubi, ndubo-ɔ ɔda bubo bɔni ndanku mina kakpakɔ bute. Anwuɔsu nu kaduɛ na ati bekyuli bani udu líte kuƒi ka beduo kakpakɔ kammɔ kemmo ku bani na ńtete kuƒi. Ami Unwoti Katɔti muubó-mii ɔda kpakplaa ka bɛda bina likyulikpi ngba bulie bɛya.

Esekiel 44:9

Anwuɔsu na ami Unwoti Katɔti mɔɔsu nnii naaawia ɔƒɔ biala na ulábu-mi na ɔdi mina ɔda bubo lɛlɔ ka uduo mina kakpakɔ. Na ɔmɛni ɔdanku baƒɔ bani nli Israel kalɔ lɛlɔ.”

Lewiƒuɔ Ɔda Bubo 10:3

Mmɔ na Mose ɔ́su Aaron ɔnini, “Lɛla lɛmɛni na Unwoti ɔ́su uwi ɔni na ɔ́su ɔnini, ‘Bekyuli bani muubo-mi kudɔ ƒui ɔlɛka babla-mi lɛla biala kedee aani kalɛ kani na nse kedee. Na kadi bekyuli ƒui beti ɔbu bete-mi.’ ” Na bunye kani na Aaron unye kpoo uunú na útebimi kenye.

Malakai 3:1

“Ami, Unwoti Ɔyikune Ƒui, ndubɔtala ɔtu ɔdi na ɔklibi ulu use ute-mi. Na kɔnakunwi Unwoti ɔni ulu na binye bɛɛnu ni, ɔdubɔda ɔlɛ na nwuna kakpakɔ kemmo. Ɔtu ɔni na bɛɛwia mmɔ ɔ́si ɔdubo ku mina linyese. Na ɔkɛ ulu ɔdubo ɔƒaani.”

Yohane 13:36

Mmɔ na Simon Petro úye-nwu ɔnini, “Blɔti, wɛ na ésela?” Amu na Yesu údie kenye ɔnini, “Kesii kani na lísela ni, alakana-mi bɔsiaku ɔƒaani. Nsu nwuna kama ni, adubɔsia-mi kama ebo mmɔ.”

Yohane 20:17

Mmɔ ni, Yesu ɔ́su-nwu ɔnini, “Tatu tada-mi, ɔsika ńtenwini tɔ ńtesie Katɔti kudɔ. Mmomu teesie mina banwani kudɔ na atásu-ma anii línwini lísela mina Ɔti ɔni ndi Katɔti kudɔ. Na anwu ndi amii lɛnɔ Ɔti ku bina Katɔti.”

Hebriƒuɔ 12:28

Anwuɔsu ka lɛga kadikɔ kani kemmo na bɔdubuduo kalákunku ɔsu ni, bɛya na bɔgya Katɔti enu na bumwi-nwu na ulu ɔni námanku lɛlɔ ku ɔbu ku bɔyia.