Kɔgya 2:5 - Katɔti Ɔku Kedee

⁵ Amu na livo líƒi Unwoti na ɔ́dɔnku-ma. Na ɔ́kya-ma liƒu geen. Na ɔ́su na nwuna kɔnyi kemmo ɔnini,

Kɔgya 2:5 ပူးပေါင်းရင်းမြစ်များ

Kɔgya 109:20

O Unwoti, ya na ala ani ƒui na mina bekisine baawia mɛni ebo-ma lɛlɔ lɛni kani ku bani ƒui mɔɔsu ala ammɔ bene udu na mina lɛlɔ.

Kɔgya 21:9

Si uwi ɔni na Unwoti ɔ́da ɔ́lɛ ku kɔnyi ni, ɔdubɔyila-ma udu aani kalɛ na lɛgyavonku lɛɛkyula ala.

Yesaia 11:4

Mmomu ɔdubɔtɛ litemi siin bute bawabane na ukulo litemi kemmo ulu geen ɔmmɔ lɛlɔ ute kalɔ kamɛni lɛlɔ bawabane. Nwuna kenye litemi na ɔdubuti ɔni bekyuli kɔtu aani lɛbuala na ɔyila-ma udu.

Yesaia 34:2

Unwoti úti kɔnyi kpakplaa ɔ́kya kadi bekyuli ƒui geen, na ɔ́ɔdu-ma kɔtɔ ka bakyula-ma na bayii udu.

Yesaia 66:6

Bise atu na binu kɔku ku kudu kɔni nda na ɔma unengudi ɔmmɔ kemmo ku kakpakɔ kammɔ kemmo. Unwoti ablala na adi. Anwu mɔɔƒɔ nwuna bekisine kayu kani ƒui námanku-ma.

Sakaria 1:15

Lɛ́kɛ kɔnyi lɛ́kya kadi bekyuli bani nlie lɛlɔyɔ kemmo na ala adianku-ma. Ɔsika uwi na líti kɔnyi lɛ́kya Yerusalem ni, bébile ala na mmɔ bétulo kalɛ na ɔ́manku na baaadaku-ma lɛda munu munu.

Mateo 22:7

Ɔga ɔmmɔ ɔ́kɛ kɔnyi geen, na ɔ́tala nwuna bekpone na bátádu bekyuli badune bammɔ ƒui na bákyula bana ɔma.

Luka 19:27

Na ɔƒɛni ni, mina bekisine bani na banii nka baláwia ka bese-mi lɛga ni, bɛkpanku-ma biboku mɛni na bɛdu-ma na mina anumi.’ ”

Budie Taatina 1:16

Ukyuli ɔmmɔ ɔda ayabi maatɛ na nwuna kɔdianu. Na litemi geen lɛni nse aani kewii kani na bádɔ-ka lɛvi inyɔ lɛɛlɛ́-nwu kenye. Na nwuna anumi eekeye aani kalɛ na ɔƒɛ ɔɔbi.

Budie Taatina 19:15

Na litemi geen lɛni nse aani kewii kani bádɔ-ka lɛvi inyɔ lɛɛlɛ́-nwu kenye kani na ɔdubuti ukpo kalɔ ƒui bekyuli, na uti nwuna ɔyikun utaadi-ma lɛlɔ. Na ɔdubɔni-ma kɔtu kpakplaa ku Katɔti Ɔyikune Ƒui kɔnyi geen aani kalɛ na baaka ntu teedie ebi kemmo kpakplaa na ntɛ kablakɔ.