Kɔgya 18:9 - Katɔti Ɔku Kedee

⁹ Na ɔ́lɛmi katɔ na ɔ́yu úbo kalɔ na liƒlukutu lɛ́ƒɔ-nwu lɛgba kalɔ ƒui na ɔ́bla suu.

Kɔgya 18:9 ပူးပေါင်းရင်းမြစ်များ

Samuel 2 22:10

Na ɔ́lɛmi katɔ na ɔ́yu úbo kalɔ na liƒlukutu lɛ́ƒɔ-nwu lɛgba kalɔ ƒui na ɔ́bla suu.

Kɔgya 50:3

Bula Katɔti ɔdubo ubabla lɛla lɛdi na ɔɔɔdubo buse buɛɛ. Ɔkɛ ku kudu ku ogya ku ɔƒɛƒɛɛ kpakplaa na ɔɔka taamana-nwu.

Kɔgya 68:4

Bidie lɛnu bite Katɔti, na bidie bumwi lɛnu bɛkɔliku-nwu lɛnyi katɔ. Bidie bumwi lɛnu momoomo bite anwu ɔni nli katɔ liƒlukutu lɛlɔ ɔɔví. Nwuna lɛnyi ndi Unwoti. Bɛkɛ lɛlɔyɔ na nwuna anumi!

Kɔgya 97:3

Ogya bonwu ɔdi ɔtɔ-nwu anumi na ɔɔkyula nwuna bekisine ƒui taamana-nwu.

Israelƒuɔ Bɔlɛ 19:18

Na sɔsɔ ni, uyɔ úyi Sinai kɔbi kɔmmɔ lɛlɔ ƒui. Ɔsika Unwoti ɔ́yu úbo kɔbi kɔmmɔ lɛlɔ ku ogya. Na uyɔ ɔmmɔ ɔɔkɔ́ katɔ aani si lɛgyavonku bonwu lɛdi na bákya ogya bálɛ, na kɔbi kɔmmɔ kɔɔkunku na lɛlɔ lɛɛtɔ́-ma kpakpaakpa na bɔyia ɔsu.

Yesaia 51:6

Bɛkɔliku anumi katɔ na bɛnu kayaa, na binwini bɛnu kalɔ lɛnɔ. Kayaa kammɔ kadubɔyii kakya aani kalɛ na uyɔ ɔɔyii taakya, na kalɔ lɛnɔ kayii udu aani kalɛ na kɔdi kɔɔtɔ taayii udu. Na ukyuli biala na kayawi kammɔ kemmo ɔdubukpi aani balɔlɔ. Nsu mina ngba bɔƒɔ bulebo kawɔlɔkɔ kudii na mina ala bɔbla siin lɛnɔ bulayii udu.

Yesaia 66:15

Bɛnu! Unwoti uli nwuna kɛɛkɛ kemmo ɔdubo ku ogya na use aani ɔƒɛƒɛɛ ɔni mɔɔkya ligede. Ɔkɛnku kɔnyi kati kati ɔdubo na ɔdubo bekyuli bɔbɔku ku ogya unyemi ɔni mɔɔda gaganga.

Yoel 3:16

Na Unwoti ɔɔkwanyi taasiku Sion Kɔbi lili ku lɛdi momoomo, na katɔ ku kalɔ ƒui kaakunku. Nsu Unwoti ɔmmɔ kani ndubɔbla katamikukɔ ku kagyumanakɔ kpakplaa ute nwuna kadi bekyuli Israelƒuɔ.

Mateo 24:29

“Na lɛbibo emeyi ammɔ kama ni, ɔƒɛ ɔdubɔbla suu, na kɔbuli kɔsɔ kulekeye lɛnɔ, na ayabi adubɔnu asi katɔ, na kayaa ɔyikun ƒui ɔdubɔkunku.

Marko 15:33

Ɔƒiiwi ni, kalɔ kammɔ ƒui kábla suu. Na ɔmɛni ɔ́bla lɛni laa útédu lɛdɔ ɛtɛ kemmo.

Yohane 13:7

Amu na Yesu údie kenye na ɔ́su-nwu ɔnini, “Elénu tɔ lɛla lɛni na mɔɔbla ɔƒɛni mɛni kalɔ. Nsu kama ni, adubunu-ni kalɔ.”

Lɛkpa Ulu 33:26

“Israelƒuɔ! Ɔti ɔdi uuutulo bula Katɔti. Na anwu muuti liƒlukutu taabla aani nwuna ɔpɔnkɔ kɛɛkɛ na ɔda ɔɔví na uubo teebebunku-mii.

Hebriƒuɔ 12:26

Uwi ɔmmɔ kemmo ni, nwuna lɛdi lɛkunku kayawi. Nsu ɔƒɛni ni, ɔ́su-bu úse ɔnini, “Nsɔ ndubo kayawi kammɔ bɔkunku kunwi. Na ɔɔɔdi aka lɛti, mmomu ku katɔ lɛnɔ.”

Petro 2 3:10

Nsu Blɔti limeyi likplodi lɛmmɔ ni, lɛdubo-bu buyu bɔtu. Na bɔdubunu kɔku bonwu kɔdi. Na kayaa kadubo bɔyii udu. Na ala ani ƒui nkya kayaa mmɔ ni, adubɔkywi kede kede! Na kalɔ ku kana ala ƒui adubo bɔyii.

Budie Taatina 20:11

Ɔmmɔ kama ni, lɛ́nu lɛgaboku bonwu ƒuala ƒuala lɛdi ka Katɔti ulie-ni lɛlɔ. Na ka ɔ́da ɔ́lɛ ni, kalɔ ku katɔ ƒui káyii na asɔ alánu-ka lɛla lɛdi na kesii kadi.