Kɔgya 18:3 - Katɔti Ɔku Kedee

³ Unwoti Katɔti, awɔ námanku bumwi. Lɛ́kpali-ɔ na édie-mi álɛku mina bekisine enu kemmo.

Kɔgya 18:3 ပူးပေါင်းရင်းမြစ်များ

Samuel 2 22:4

Unwoti Katɔti, awɔ námanku bumwi. Lɛ́kpali-ɔ na édie-mi álɛku mina bekisine enu kemmo.

Nehemia 9:5

Na Lewiƒuɔ ku Yesua ku Kadmiel ku Bani ku Hasabnia ku Serebia ku Hodia ku Sebnia ku Petahia básu Israelƒuɔ ƒui banii, “Bɛta binye na bimwi bina Unwoti Katɔti ɔni nli ngba ɔ́si ɔƒɛni úsela ƒui! “Na buute ƒula lɛnyi bonwu lɛmmɔ kusɛ kusɛ. Na ƒula lɛnyi lɛ́kɔ litulo lɛnyi biala.

Kɔgya 144:1

Muute Unwoti kusɛ kusɛ. Anwu ndi mina Lɛtakpɛ. Ɔsika anwu mɔɔtina-mi kalɛ na liti mina enu likpo kekpo. Na anwu mɔɔyá na mina animi aata na mina ekpola lɛlɔ.

Kɔgya 145:3

Unwoti Katɔti úbomo geen, na ɔ́manku bumwi. Na nwuna ɔyikun ni, ukyuli ɔdi ulénu-nwu kalɔ kudii.

Kɔgya 3:4

Mɔɔkpali awɔ Unwoti teevele nnii nu-mi bɔkpali na ebebunku-mi ɔ́si ƒula kɔbi kedee lɛlɔ mmɔ.

Kɔgya 31:4

Die-mi lɛku kakpagyuɛ kani na mina bekisine bákywɛ-mi kemmo. Ɔsika awɔ ndi mina kama kekpokɔ.

Kɔgya 48:1

Bula Unwoti Katɔti úbomo geen. Anwuɔsu ɔlɛka bɔkɔliku-nwu lɛnyi katɔ na nwuna ɔma unengudi kemmo na nwuna kɔbi kedee lɛlɔ.

Kɔgya 50:15

Na si bɛ́bla ɔmɛni na bɛ́kpali-mi na ɔgbankpi ɔdi uwi ni, ndubɔtuna bute-mii, na bɛya na mina lɛnyi lɛƒɔ kuye.

Kɔgya 55:16

Nsu ami amu ni, Unwoti Katɔti, mɔɔkpali-ɔ nnii ƒɔ-mi, na adubɔƒɔ-mi sɔsɔ!

Kɔgya 62:3

Kɔlɛ sɔɔn na amii mina bekisine bɛdubɔta bibekpoku-mi na bɛkya-mi ɔlɛ lɛlɔ, ɔsika nse aani ɔban ɔni nsɔ neeebo ɔkplu iye kowodu kɔni mɔɔnyonu lɛlɔ?

Kɔgya 62:8

Amii bekyuli ƒui, biti bina kayi ƒui bɛsia Katɔti lɛlɔ uwi biala. Na biteevele-nwu ala ani ƒui na bɛɛyaki. Ɔsika Katɔti ɔdi katamikukɔ.

Kɔgya 71:3

Nwini mina katamikukɔ lɛtakpɛ bonwu lɛni lɛlɔ na ndubukpo kama. Na aƒɔ-mi, ɔsika enye kpakplaa uwi ndi uwi ka aƒɔ-mi.

Kɔgya 76:4

O Katɔti, eekeye geen. Na ƒula ɔyikun ku bukeye butulo abi ani lɛlɔ na bebuo ku ala abuni áƒɔ mmɔ.

Kɔgya 91:15

Na si lɛla lɛdi liikpóku-nwu na ɔ́kpali-mi ni, ndubunu na lidie-nwu na lɛya na ɔƒɔ lɛnyi.

Kɔgya 91:2

anwu ndubɔsu Unwoti ɔnini, “Awɔ ndi mina kagyumanakɔ kpakplaa kesii kani na mɔɔbɛ́. Na adi-mi Katɔti ɔni lɛlɔ na mina anu asia.”

Kɔgya 96:4

Ɔsika bula Unwoti úbomo na nwuna lɛnyi lɛ́kɔ katɔ, anwuɔsu na ɔlɛka bumwi-nwu na bɔyia-nwu butulo baƒiɔ ƒui.

Yeremia 16:19

Lɛ́kpali Katɔti lívele nnini, “Bula Ɔti, awɔ ndi ukyuli ɔni muute-mi ɔyikun na aagyumana-mi kpakplaa si líduo lɛbibo kemmo. Bekyuli badubɔsi ɔlɔgyu bebo-ɔ kudɔ na babasu-ɔ banini, ‘Bula bati kuuku bákpa baƒiɔ bani neeebo kɔsia kɔdi na balásu litemi geen lɛdi lɛnɔ,

Luka 1:71

ɔdubudie-bu ɔlɛku ekpidi bablane ku ama bani na muukisi-bu ƒui enu kemmo.

Batalane Kabla 2:21

Na ukyuli biala ɔni mɔɔkpali Blɔti lɛnyi ni, ɔdubɔkɛ bɔƒɔ.”

Budie Taatina 4:11

“Blɔti ku bula Katɔti! Awɔ námanku éte bumwi ku ɔbu ku ɔyikun. Ɔsika awɔ nédie ala ani ƒui, na áya na ana ƒui eli ngba na ƒula lɛƒɔyɔ kenye.”