Kɔgya 148:8 - Katɔti Ɔku Kedee

⁸ Ogya ku etubankɛ ku ulɔyɔ ku ɔƒɛƒɛɛ kpakplaa ɔni muukpó na biinú-nwu lɛdi ƒui bimwi-nwu.

Kɔgya 148:8 ပူးပေါင်းရင်းမြစ်များ

Ala Kalɔ Buse 19:24

Uwi ɔmmɔ kemmo na Katɔti ɔ́ya na ɔgya atabi adi áyu ási Katɔti ɔlati kudɔ aani kalɛ na ɔnantu ɔɔna. Na ébewi Sodom ku Gomora lɛlɔ mmɔ.

Hiob 37:12

Katɔti ɔɔyá na liƒlukutu lɛmmɔ lɛɛkɛ taavi kayawi kemodi kammɔ lɛlɔ ƒui taabla lɛla lɛni na úbo-nwu ɔda ɔnii ɔbla.

Kɔgya 103:20

Amii Katɔti batu bayikune ƒui bani muunú-nwu litemi bibo na bibemwi Unwoti.

Kɔgya 18:12

Nwuna bɔda bɔlɛ ku bukeye bɔni nédie lɛlɔ na liƒlukutu lɛni ntɔ-nwu anumi mmɔ kemmo ɔ́ya na etubankɛ aana teebewi kalɔ na kayaa kaabwɛ ogya.

Israelƒuɔ Bɔlɛ 10:13

Anwuɔsu Mose únene kɔnu na úti nwuna ugyii ɔdadi ɔmmɔ ɔ́tina Egyipte kalɔ kammɔ lɛlɔ, na Unwoti ɔ́ya na ɔƒɛƒɛɛ ɔdi úkpo ɔ́si ɔƒɛ katukɔ ɔ́vi kalɔ kammɔ lɛlɔ limeyi lɛmmɔ ku usien umodi. Na kadi buteegye ni, baalɔlɔ bani muubile ala mmɔ báyu bébewi geen.

Israelƒuɔ Bɔlɛ 10:19

Amu na Unwoti ɔ́vumana ɔƒɛƒɛɛ ɔmmɔ bukpo na ɔbambadi úkpo kpakplaa ɔ́si ɔƒɛ kanukɔ. Na ɔƒɛƒɛɛ ɔmɛni úbo baalɔlɔ bamɛni ƒui útákya Ɛpugyie kemmo. Na baalɔlɔ bammɔ ɔdi biala ɔ́sɔ útebu na Egyipte kalɔ lɛlɔ.

Israelƒuɔ Bɔlɛ 14:21

Amu na Mose únene nwuna ugyii ɔdadi ɔmmɔ ɔ́tina Ɛpugyie ɔmmɔ, na Unwoti ɔ́ya na ɔƒɛƒɛɛ bonwu ɔdi úkpo ɔ́si ɔƒɛ katukɔ kakɛ na ɔƒɛƒɛɛ ɔmɛni údi ɛpu ntu bɔmɛni úsienku kama na ɔ́ya na kalɔ kakwiidi kálɛ. Ntu bɔmmɔ búle lɛlɔ kemmo inyɔ,

Yesaia 66:16

Ɔsika ogya ku kewii na Unwoti ɔda ɔdubo ubatɛku bekyuli litemi na Unwoti kewii kammɔ kadubo bekyuli pii bɔdu.

Yoel 2:30

Na ndubɔya akɔla budie taatina ataalɛ na kayaa ku kalɔ lɛlɔ ƒui. Bɛdubɔnu ubugya ku ogya ku uyɔ pii.

Lewiƒuɔ Ɔda Bubo 10:2

Ɔmmɔ ɔsu Unwoti ɔ́ya na ogya unyemi bonwu ɔdi úbo na úbakyula-ma na békpi kɔnakunwi na nwuna anumi mmɔ.

Amos 4:13

“Ami nédie abi ku ɔƒɛƒɛɛ. Na ami mɔɔyá na bekyuli baatí mina kasusu. Na ami mɔɔyá na ɔƒɛ kadi kaasá. Na mɔɔkɔ́ taayu abi ammɔ ƒui eli ku kesi kesii. Ami ndi Unwoti Katɔti Ɔyikune Ƒui ɔmmɔ!”

Amos 7:4

Unwoti Katɔti údie ɔ́tina-mi na kɔyu kemmo ka ɔdubɔya na ogya bonwu ɔdi ubo na ubakyula ɛpu ɔmmɔ na ɔkyula kalɔ kammɔ ƒui.

Yona 1:4

Amu na Unwoti ɔ́ya na ɔƒɛƒɛɛ ubendi ɔdi úkpo na ɛpu lɛlɔ. Na ɔƒɛƒɛɛ ɔmmɔ ɔ́yu ɔkplu geen ɔni na ɔkɔlɔ ɔmmɔ ɔ́ya bɔbwɛ muedi.

Yona 1:5

Na liƒu libendi lɛ́da bekyuli bani ƒui nkya ɔkɔlɔ ɔmmɔ kemmo na ɔdi biala ɔɔva momoomo taakpali nwuna unwoti. Na kalɛ na ɔkɔlɔ ɔmmɔ walɛ unu ɔsu ni, béƒwimi bana etila ani ƒui nkya ɔkɔlɔ ubendi ɔmmɔ kemmo bákya ɛpu kemmo. Nsu uwi ɔmmɔ kemmo ni, Yona ɔ́yu úsie ɔkɔlɔ ubendi ɔmmɔ kalɔ ɔtɔ unwi kemmo útátɛ ɔlɛɛ geen.

Bumomo Bɔka 16:35

Kɔnakunwi ni, ogya ɔ́si katɔ úbakyula nkyuli eti alɔ bani mɔɔkyula oloƒui mmɔ.

Yosua 10:11

Uwi ɔni Amoriƒuɔ badaku bukeli taatɔlɔ Israelƒuɔ bekpone kudɔ ni, Unwoti ɔ́ya na etubankɛ bonwu bonwu ánu ábayu-ma lɛlɔ úti útédu Aseka, na békpi ƒui kede kede. Na bani na etubankɛ áyu-ma lɛlɔ na békpi ni, bémomo bétulo bani na Israelƒuɔ bekpone bádu.

Budie Taatina 16:21

Etubankɛ bonwu adi aani atakpɛ áyu ási kayaa ábaƒiɛmi bekyuli, na béwida Katɔti ɔ́si ɔgbankpi ɔmɛni ɔsu.