Kɔgya 146:9 - Katɔti Ɔku Kedee

⁹ Ɔɔnu baƒɔ lɛlɔ, na uudie bekpinebi ku bekpinele. Nsu balalane ama ni, Unwoti Katɔti uubile bana ablala ku kɔkwɛ ƒui.

Kɔgya 146:9 ပူးပေါင်းရင်းမြစ်များ

Samuel 2 15:31

Na ɔƒɛni ni, bábasu Dawid banini, “Ahitoƒel lɛnɔ ɔkya Absalom badi bani nása lili likpidi ƒula lɛlɔ akɔ.” Mmɔ na Dawid ɔ́kpali katɔ ɔnini, “O Unwoti, nwini Ahitoƒel kasusu kani na ɔɔkya-ma bla adɔlɔla.”

Samuel 2 17:23

Ɔƒɛni ka Ahitoƒel ɔ́nu ka béteti nwuna kasusu kani na ɔ́kya-ma ni, ɔ́bala nwuna ebuo ala utine na ɔ́kɔ úlie-nwu lɛlɔ na ɔ́tɔlɔ úsie nwuna ɔma. Na ka ɔ́klibi ala úsie nwuna ɔtɔ ɔ́wɔlɔ ni, úsie útákya lɛlɔ ɔbuli na úkpi na báva-nwu bana ɔti kaƒiɔtɔ.

Ester 5:14

Haman ulekudi ku bakpana bákya-nwu kasusu banini, “Tu atabi akpa ku ɔta bonwu kangyaa ɔdi na ɔkuku lɛgba aavlanyɔ-inyɔ. Na kɔnaadi ɔtanta ni, na asu ɔga na bakya Mordekai ɔbuli limɔ baƒala mmɔ na ukpi. Nwuna kama asa na bisie kadikɔ kammɔ, na bitádi na bɛni na bɛkɛ ebiti.” Haman ɔ́ƒɔ litemi lɛmmɔ aani kasusu kabuni na béte-nwu. Anwuɔsu usi na ɔkɛ, na ɔ́ya na bátu akpa ku ɔta bonwu ɔmmɔ.

Ester 7:10

Mmɔ kani na ɔga ɔmmɔ údie lɛdi úte-ma ɔnini, “Bɛgyunku-nwu na bitákya-nwu ɔbuli limɔ bɛƒala mmɔ!” Anwuɔsu béti-nwu na bátaƒala-nwu na anwu ɔlati ugyii lɛlɔ. Na ɔga ɔmmɔ kɔnyi kɔ́yɔ-nwu na kaƒɔ lɛnɔ kába-nwu.

Ester 9:25

Nsu uwi ɔni na Yudaƒuɔ lɛlɔ kelisa kekpidi kamɛni litemi líbeduo Ɔga Ahasweros kɔtu kemmo ɔkɛnku Beleku Ɔga Ester lɛlɔ ni, ɔ́ya na bénweni ɔku bamba bébile Haman lɛla lɛni na únyimi kemmo, na likpidi lɛmmɔ línwini líbo Haman ku nwuna bebi lɛlɔ mmomu ɔni na bákya-ma ɔbuli limɔ anwu ku nwuna bebi na báƒala-ma.

Kɔgya 10:14

Nsu geen geen ni, awɔ Katɔti aanu na agyi kɔnyana ku abi ani na ƒula bekyuli beebó. Na agyi kalɛ na eekpó teete-ma. Na ka ɔwabane uuubo lɛla lɛdi na ɔɔbla ɔsu ni, uuti lɛlɔ teete-ɔ. Na eebunku-nwu aani kalɛ na eebunku bekpinebi.

Kɔgya 145:20

Na bani ƒui mɔɔyɔ́-nwu ni, ɔɔgyumana-ma. Nsu balalane ama ni, ɔdubɔyila-ma udu.

Kɔgya 147:6

Unwoti Katɔti ɔɔkɔliku bekyuli bani muubo-ku lɛlɔ kalɔ katɔ. Na bekyuli bani mɔɔkɔliku lɛlɔ katɔ ni, uuboku-ma kalɔ.

Kɔgya 18:26

Na bani mɔɔsia bana ablala anu ni, awɔ lɛnɔ aasia ala anu teete-ma. Na bani na balásia bana ablala anu ni, aaní-ma kɔtu na bana ablala kenye.

Kɔgya 68:5

Awɔ Katɔti, bekpinebi ɔti, awɔ mɔɔnu bekpinele lɛlɔ ɔ́si ƒula keliekɔ kedee kesii kani na elie.

Agba 15:25

Bekyuli bani mɔɔkɔli lɛlɔ katɔ ni, Unwoti ɔɔbwɛ-ma kɔduli na baayii udu. Nsu ɔɔgyumana bekpinele ala ani na bebo.

Agba 4:19

Nsu bekyuli bekpidi kavinkɔ aka kese aani ubu ɔni nse suu geen. Na balati lɛla lɛni mɔɔyá na beetulo taagbanta.

Yeremia 49:11

Nsu bɛƒɔ-mi bɛdi ka ndubɔnu bina bekpinebi ku bekpinele ƒui lɛlɔ.

Hosea 14:3

Asiria ulakana-bu bɔƒɔ, na kekpo bapɔnkɔ kɛɛkɛ lɛnɔ ulakana-bu bubunku. Anwuɔsu bɔsɔ bulákpa baƒiɔ bani na bɔ́vɔ, ɔsika awɔ Unwoti mɔɔnu bekpinebi kɔnyana.”

Malakai 3:5

Unwoti Ɔyikune Ƒui ɔnini, “Lɛ́ɛsi ndubo mbatɛku-mii litemi na lɛdu kɔtɔ kɔnakunwi. Ama ndi bani mɔɔdú kabɔ, na baalɛ́ bana bagya ku bele kama, iye baanyi ɔkɔ na litemi katɛkɔ, iye beeyú bana kabla bablane na baláƒɔ-ma kayu ulu lɛlɔ, na baabla bekpinebi ku bekpinele kalala, iye beeyú baƒɔ bani nkya-ma kudɔ ala, na béni banii balabu-mi ƒui.

Korintoƒuɔ 1 3:19

Ɔsika lɛla lɛni na bayawine baanu aani lɛnunda na kayawi ni, ani ndi kɔdɔlɔ na Katɔti anumi. Na lɛni na Bunweni Kedee Ɔku ɔ́su ɔnini, “Banundane kakwɛ na Katɔti uuti taakywɛ ama alati kakpagyuɛ.”

Lɛkpa Ulu 16:11

Na si bísela ni, biti bina bebi ku bina kabla bablane banana ku beleku ku baƒɔ bani nkya-mii akɔ ku Lewiƒuɔ ku bekpinebi ku bekpinele bani nkya bina lɛma kemmo ƒui bɛda. Na biti kubiti bɛdi limeyi lɛmmɔ na Katɔti anumi.

Yakobo 1:27

Bɔƒɔtaadi ulu ɔni na Katɔti ɔɔnu ka use sɛɛn na bɔƒiɔ bɔdi buuubo-nwu kemmo ndi ɔmɛni. Ɔlɛka ukyuli ubunku bekyuli bani muubó abi aani bekpinebi ku bekpinele kalɛ. Na ɔda lɛlɔ udie kayawi ekpidi biala kemmo.