Kɔgya 143:2 - Katɔti Ɔku Kedee

² Na tatɛku ami ƒula kabla ɔblane litemi. Ɔsika ukyuli ɔyawine biala na uli ngba na kalɔ kamɛni lɛlɔ uuuse siin na ƒula anumi.

Kɔgya 143:2 ပူးပေါင်းရင်းမြစ်များ

Baga 1 8:46

“Ukyuli biala uuubo na ulábla likpidi. Anwuɔsu si bábla likpidi lɛdi ni, ɔƒɛni kalɛ adubuti kɔnyi akya-ma, na anyonu-ma ete bana bekisine, na badubuƒie-ma batákya bana kɔlɔ kɔni na amadɔ iye ɔgyu kakaaka kemmo.

Hiob 14:3

Anwuɔsu na líye Katɔti si ami ɔmɛni udu na ɔlɛka uti anumi ɔlɛ na ɔtɛku-mi litemi kpakplaa lɛmɛni.

Hiob 15:14

“Bi na aabu anii ukyuli ɔdi na ɔdubɔkana na use kedee ɔwɔlɔ? Munuu aabu anii nwuna ablala adubɔbla siin bɔwɔlɔ?

Hiob 25:4

Ɔma ndubɔkana na ɔlɛ sɛɛn na Katɔti anumi, na likpidi lɛdi lilama-nwu lɛlɔ?

Hiob 4:17

‘Bɔbla na ukyuli ɔyawine ɔdubɔbla siin bɔwɔlɔ na Katɔti anumi? Munuu buse na ɔdubɔkana na use sɛɛn ɔwɔlɔ na nwuna Udiene ɔmmɔ anumi?

Kɔgya 130:3

Si ásia ukyuli alaekpidi kama ni, Unwoti, ɔma ndubɔkana ƒula litemi bɔtɛ kenye bunye?

Israelƒuɔ Bɔlɛ 34:7

Mɔɔdi mina kenye kani líse líte kaba bekyuli apim apim lɛlɔ na muuti bekyuli bani nénwini kama bákya bana ulikplu ala ku bani mɔɔta teenye-mi lɛlɔ ku ekpidi ƒui taakyiɛ. Nsu mɔɔní bekyuli bani mɔɔƒiɔ́-mi ƒui kɔtu. Naaayiƒala kudii ka lɛni bana bebi ku bawɔ kɔtu utédu kaba katɛdi ku kenedi lɛlɔ ɔ́si ekpidi ani na bana bawɔne bábla ɔsu.”

Etemila 7:20

Ukyuli ɔdi uuubo na banii anwu use siin na ɔɔbla lɛla biala kaduɛ ɔsu na ulábla likpidi lɛdi na kalɔ kamɛni lɛlɔ.

Romaƒuɔ 3:20

Anwuɔsu ni, ɔɔɔdi ɔda bubo bɔmmɔ kama bɔsiaku mɔɔyá na ukyuli ɔbla siin na Katɔti anumi. Mmomu ni, ɔda bubo bɔmɛni bɔɔyá na bekyuli baatí ka baabla likpidi.

Galatiƒuɔ 2:16

Nsu bɔgyi ka Katɔti ɔɔsɔku anwu ku ukyuli ntɛ taaklibi ɔkɛnku bɔƒɔtaadi bɔni na ukyuli ubo na Yesu Kristo lɛlɔ kani ɔsu. Na ɔɔɔdi ɔda bubo bɔkukudi bɔmmɔ lɛlɔ bɔdi ɔsu. Abu lɛnɔ bɔ́ƒɔ Kristo Yesu bɔ́di ɔsu na Katɔti ɔ́klibi abu ku-nwu ntɛ ɔkɛnku bula bɔƒɔtaadi na Kristo kemmo ɔsu. Na ɔɔɔdi ɔni na bɔɔdi ɔda bubo bɔkukudi bɔmmɔ lɛlɔ ɔsu. Ɔsika Katɔti útaklibi anwu ku ukyuli ɔdi ntɛ na ɔda bubo bɔkukudi bɔmmɔ lɛlɔ bɔdi ɔsu.

Yohane 1 1:10

Nsu si búni bɔnii bútabla likpidi lɛdi ni, buudie-nwu taatina aani ɔkɔ ɔnyine, na nwuna litemi lítáƒɔ-bu lɛlɔ kemmo.