Kɔgya 14:2 - Katɔti Ɔku Kedee

² Katɔti ɔ́sia bayawine ƒui anu ɔ́siku katɔ si ɔdi kasusu kálɛmi na ɔɔyɔ́ ka ɔsiaku-nwu kama.

Kɔgya 14:2 ပူးပေါင်းရင်းမြစ်များ

Ala Kalɔ Buse 11:5

Amu na Unwoti ɔ́yu úbo kalɔ na úbanu ɔma ku ɔtɔ ɔni na bekyuli bammɔ badaku bɔtu mmɔ.

Ala Kalɔ Buse 18:21

Anwuɔsu ndubɔyu lisie ntánu si sɔsɔ na baabla ala ani na muunú mmɔ. Na si uuuse lɛni ni, na lɛti.”

Ala Kalɔ Buse 6:12

Amu ka Katɔti ɔ́nu kalɛ na kayawi kammɔ kébie

Ala Alɛdi 2 19:3

Nsu ɔɔɔdi ala ƒui nébie na ƒula lɛlɔ. Awɔ náƒɛ Asera baƒiɔ lɛƒiɔgyii lɛni na bálɛ na baakpá-ma na lise-ma kedee ƒui na ɔmmɔ lɛti ɔɔtina ka aayɔ́ ka ataadi Unwoti litemi lɛlɔ.”

Hiob 15:14

“Bi na aabu anii ukyuli ɔdi na ɔdubɔkana na use kedee ɔwɔlɔ? Munuu aabu anii nwuna ablala adubɔbla siin bɔwɔlɔ?

Kɔgya 107:43

Ukyuli biala na ɔ́da anu ni, use atu na unu etemila amɛni. Na ɔnu ɔti kalɛ na Unwoti ɔɔyɔ́ bekyuli uwi biala.

Kɔgya 11:4

Nsu Unwoti uli lɛgaboku lɛlɔ na nwuna kakpakɔ kedee kemmo na Katɔ Ɔga Ɔma. Na nwuna anumi aanu ala ani ƒui na bekyuli baabla na kesi kesii.

Kɔgya 69:32

Na si bekyuli bani muubó abi na bekyuli enu kemmo bánu ɔmɛni ni, kubiti kɔdubɔda-ma.

Kɔgya 82:5

“Balalane bamɛni baaagyi lɛla lɛni na baabla na belenu lɛla lɛdi lɛnɔ kalɔ. Lɛdisa kemmo kani na bakɛ bésela. Na lɛlɔ lɛɛtɔ́ kalɔ kemodi kammɔ.

Kɔgya 92:6

Ususu ɔdi ulakana-ka bɔnu bɔti na ɔdɔlɔdi lɛnɔ ulénu-ka kalɔ.

Agba 2:9

Na adubunu lɛla lɛni ndia na lɛdi ulu lɛlɔ siin kalɔ na ulu buni biala lɛlɔ.

Agba 8:5

Bina kasusu kásɔ bibo na lite-mii lɛnunda. Bɛ́dɔlɔ bibo na lite-mii ala kalɔ bunu.

Agba 9:16

“Bo-mi kudɔ na abanu lɛla lɛdi na mina kaduli!” Na bani neeebo kasusu ni, ɔɔsu-ma ɔnini,

Agba 9:4

Mmɔ na ɔ́kpali ɔ́su bani na bana kasusu kásɔ na baaagyi bana kɔmii iye kɔdianu ɔnini,

Yesaia 27:11

Na si egyii ammɔ kɔgba kɔ́kwii ni, kɔɔƒɛ na beleku babayɔ-ku basala ogya. Ɔsika lɛni na Israel kadi bekyuli bamɛni bese na belenu na balanu ala taati. Anwuɔsu na bana udiene lɛnɔ ɔɔɔdubo-ma kɔnyana bɔnu.

Yesaia 55:6

Bɛwia Unwoti ɔƒɛni, ɔsika bɛdubɔkana na bɛnu-nwu. Na bɛkpali-nwu, ɔsika ude-mii na ɔdubunu-mii bɔkpali.

Yesaia 63:15

Unwoti, nwini anumi na anu-bu na kalɔ mɛni asiku ƒula keliekɔ kedee na katɔ kakaaka kesii kani muukeye mmɔ. Wɛ na ƒula bɔyɔ ku ɔyikun ala ani na aabla teete-bu mmɔ bɔ́vi? Éni na asɔ aaada-bu kɔkɔɔkɔ ku kɔnyana bɔnu.

Yesaia 64:1

O Unwoti, bɔɔyɔ́ ka aya na kayaa kabwɛ kemmo na ayu ebo kalɔ. Na abi ƒui ataakunku na ƒula anumi!

Yesaia 8:19

Si bekyuli baasu-mii banii bitébo like na biye bekpine ku ayu ani mɔɔtɛmi kabɛnsɛ na baatɛmi linwubwɛ ala binu ni, ɔɔɔdi Katɔti mmomu na biye ala kalɔ binu? Bi ɔsu na bekpine na biiye ala binu bɛsiku bayawine lɛlɔ?

Yeremia 4:22

Línu ka Unwoti ɔɔsu ɔnini, “Mina bekyuli béni-mi. Bebi badɔlɔdi na badi na baaagyi banii kɔtu bɔni bɔdubo-ma lɛlɔ. Lɛla lɛni kani na bagyi ndi ka belie bataabla ekpidi.”

Yeremia 5:1

Unwoti ɔ́su-mi ɔnini, “Sie na atáwia Yerusalem ƒui na anu si bekyuli badi bakya na baasu litemi geen na baawia ka basiaku-mi kama siin. Na si ákana na ákɛ ukyuli ina unwi ni, ndubuti kɔtu bɔni bɔmmɔ lɛkyiɛ ɔma umodi ɔmmɔ.

Kɔnyana Buwulo 3:50

uwi ɔni na Unwoti únwini ɔ́nu-bu ɔ́siku katɔ mmɔ na úbunku-bu.

Daniel 12:10

Bekyuli pii badubɔda bana ngba sɛɛn na babla bana kɔyi lɛnɔ kedee. Nsu bekyuli bekpidi ama ni, bana likyulikpi ala bɔbla lɛlɔ kani na badubo bunye, na baaadubo ɔmɛni kalɔ bunu kudii. Banundane kani ndubo kalɔ bunu.

Mateo 13:15

Ɔsika bekyuli bamɛni balábu lili kemmo taanu. Na bétile atu na bébile bana anumi. Si ɔɔɔdi lɛni ni, nka bana anumi adubɔnu nwaa. Na bana atu lɛnɔ adubunu na benu kalɔ na benwini bebo ami Katɔti kudɔ na lɛbwi-ma!’

Romaƒuɔ 3:11

Ukyuli ɔdi biala uuubo ɔni mɔɔnu lɛbuni taati. Na ɔdi lɛnɔ uláwia Katɔti kama ulu.

Hebriƒuɔ 11:6

Na ukyuli ɔdi lɛlɔ liláda Katɔti kubiti si uuubo bɔƒɔtaadi. Ɔsika ukyuli biala ɔni muubo Katɔti kudɔ ni, ɔdi ka ɔƒɔ ɔdi ka Katɔti ɔkya na ɔɔƒɔ kayu buni teete bekyuli bani mɔɔwia-nwu kama ulu kpakplaa.