Kɔgya 135:6 - Katɔti Ɔku Kedee

⁶ Lɛla lɛni mɔɔyɔ́-nwu kaƒɔ ni, ani na Unwoti Katɔti ɔɔbla na katɔ mmɔ ku kalɔ lɛlɔ ku ɛpu kemmo ku kalɔ kemmo ƒui.

Kɔgya 135:6 ပူးပေါင်းရင်းမြစ်များ

Hiob 42:2

“Ukyuli biala ulakana na wata wenye-ɔ lɛlɔ, ɔsika awɔ mbo ɔyikun na akana na abla lɛla biala na aayɔ́.

Kɔgya 115:3

Bula Katɔti ɔkya katɔ na ɔɔbla lɛla lɛni mɔɔyɔ́-nwu kaƒɔ.

Kɔgya 33:11

Nsu nwuna kasusu aka kalávumana na nwuna kayi lɛyɔla kani ndubunye ute kaba bekyuli ƒui.

Kɔgya 33:9

Ɔsika ka údie lɛdi ni, lɛla biala lɛ́da lɛ́lɛ. Na ɔkɛnku nwuna kenye butemi kemmo na lɛla biala linye nina kenyekɔ.

Yesaia 46:10

Lɛla biala kalɔ kesekɔ ƒui na lɛ́su líse ala ani ndubo abálɛ asa na aalɛ́ ɔmwi na bɛɛnu. Na ɔɔtina ka lɛ́di mina litemi lɛlɔ.

Daniel 4:32

Badubo-ɔ bɔbɔku na eteesie atákya alakpi akɔ ku bebuo bammɔ na alɛ bekyuli akɔ. Na livo na adubo bɔkun akwa maatɛ aani ɔmantɛ akɔ úti útédu uwi ɔni na adubɔnu ati ka Katɔti Ɔni Ntulo Ƒui mɔɔdi kayawi lɛga kadikɔ biala lɛlɔ, na anwu mɔɔƒuna bana lɛlɔ ɔdine lɛnɔ.”

Daniel 4:35

Kalɔ lɛlɔ kadi bekyuli ƒui baaadi lɛla lɛdi na nwuna anumi. Lɛla lɛni mɔɔyɔ́-nwu kaƒɔ na ɔɔbla Ɔɔdi ayabi ku kayaa kammɔ ƒui lɛlɔ. Na ɔɔdi ukyuli biala lɛlɔ na kalɔ lɛlɔ. Na si Katɔti ɔ́bla lɛla lɛdi ni, bulakana-nwu bɔbala iye buye bɔnii, “Bi ndi lɛla lɛni na ábla mɛni?”

Amos 4:13

“Ami nédie abi ku ɔƒɛƒɛɛ. Na ami mɔɔyá na bekyuli baatí mina kasusu. Na ami mɔɔyá na ɔƒɛ kadi kaasá. Na mɔɔkɔ́ taayu abi ammɔ ƒui eli ku kesi kesii. Ami ndi Unwoti Katɔti Ɔyikune Ƒui ɔmmɔ!”

Amos 9:6

Unwoti ɔmmɔ nátu nwuna lɛgadi kesii ɔ́kya katɔ kakaaka ƒui, na kana ɔka ndi kalɔ kamɛni lɛlɔ. Na ɔɔyá na ntu bɔɔsí ɛpu kemmo teebewi kalɔ lɛlɔ. Anwu ndi Unwoti.

Mateo 14:25

Na lɛdigye aani lɛdɔ ɛtɛ ku lɛdɔ ɛku ntɛ ni, Yesu úsie ntu anumi na úbo nwuna batɛyane bammɔ kudɔ.

Mateo 28:18

Amu na Yesu ɔ́kpɛ úde-ma na ɔ́su-ma ɔnini, “Katɔti úti katɔ ku kalɔ ɔyikun ƒui úte-mi.