Kɔgya 132:9 - Katɔti Ɔku Kedee

⁹ Ya na ƒula bakpane bataabla ala ani nse siin uwi biala. Na aya na ƒula bekyuli kedee bebo kudu ku lɛlɔyɔ.

Kɔgya 132:9 ပူးပေါင်းရင်းမြစ်များ

Ala Alɛdi 2 6:41

“O Unwoti Katɔti, ta ku ƒula Bunyimi Adaka na atina ƒula ɔyikun. Na esie etélie ƒula keliekɔ. Unwoti Katɔti, ya na ƒula bakpane bataabla ala ani nse siin uwi biala. Na aya na ƒula bekyuli kedee lɛlɔ lɛyɔ na lɛla lɛni na ábla éte-ma lɛlɔ.

Hiob 29:14

“Kɔnyana bɔnu ku ala bɔbla ulu lɛlɔ siin teete bekyuli ndi mina ngba bɔni na lílie.

Kɔgya 104:1

O Katɔti, ndubumwi-ɔ ku mina kayi ƒui, ɔsika ébomo geen na eekeye ku ɔbu. Na bukeye bɔmmɔ bɔ́ka bɔ́mana-a aani kɔdi kalɛ.

Kɔgya 132:16

Na ndubɔya nwuna bakpane bataabla ala ani nse siin uwi biala, na lɛya nwuna bekyuli kedee bebo kudu ku lɛlɔyɔ.

Kɔgya 149:5

Bɛya na bekyuli kedee ƒui bakɛ lɛlɔyɔ na bekeye na bana kɔtɛnkɔ. Na bedie lɛnu momoomo!

Kɔgya 47:1

Amii kadi bekyuli ƒui, bɛgya enukpɛ ku lɛlɔyɔ. Na bɛva ku adi momoomo biti bimwi Katɔti.

Kɔgya 68:3

Nsu bekyuli bani nse siin ama ni, lɛlɔ lɛyɔ-ma. Na aya na balɛ lili na awɔ Katɔti anumi na ebiti aƒɔ-ma lɛlɔ kemmo ƒui.

Kɔgya 70:4

Na bekyuli bani mɔɔwia-a kama ulu ni, lɛlɔ lɛdubɔyɔ-ma si bánu-ɔ na ebiti ada-ma. Na bani mɔɔyɔ́ ƒula ngba bɔƒɔ basu uwi ndi uwi banini, “Bemwi Katɔti Lɛnyi.”

Kɔgya 93:1

Unwoti Katɔti ndi ɔga ɔni mɔɔdi kayawi ƒui lɛlɔ. Na ɔda ala aani ɔga na ubo ɔyikun na ɔ́ƒɔ lɛnyi geen. Na lɛla lɛdi lilakana ka bɔkunku.

Yesaia 61:10

Lɛlɔ lɛɛyɔ́-mi na Unwoti lɛlɔ na ebiti aada mina kɔyu na lɛla lɛni na mina Katɔti ɔ́bla úte-mi ɔsu. Kalɛ na ɔ́ƒɔ-mi ngba use aani kalɛ na baaklibi uleku teesienku kawɛɛkɔ. Na lɛduni lɛni mɔɔtina ka ɔ́bla-mi siin lɛma-mi lili aani ɔkpane lɛduni lɛni na uubi lili.

Yesaia 65:14

Mina kabla bablane badubo lɛnu budie ku kubiti bɔsiku bana kayi kemmo nsu amii bɛdubo kɔnyana buwulo na kayi kakpulu-mii na bɛyila lɛnunsia biala.

Seƒania 3:14

Ukyuli biala na Yerusalem ku Yuda bɛtu lɛnu na bɛva momoomo ku bina kɔyi ƒui na bɛdi limeyi!

Sakaria 9:9

Ukyuli biala ɔni nkya Sion ɔdi limeyi na ɔva momoomo ku ebiti banini, “Bɛnu! Bina ɔga ɔdubo-mii kudɔ. Use siin na ɔdanku bɔƒɔ. Uboku lɛlɔ kalɔ na ulie ebuo ala utine ubi lɛlɔ ɔdubo.

Romaƒuɔ 13:14

Mmomu biti Blɔti Yesu Kristo bɛkya aani awu, na bɛda kasusu bidie ɔlɔna ala keeke ani mɔɔda-mii ɔkwɛ lɛlɔ.

Petro 1 5:5

Lɛni kani na ɔlɛka amii bani ndi baƒɔtaadine bawɔdi lɛnɔ biboku lɛlɔ kalɔ bite baƒɔtaadine benengu bammɔ. Na bina ƒui bɛda lɛlɔ na biboku lɛlɔ kalɔ na biteebunku lɛlɔ. Ɔsika Bunweni Kedee Ɔku ɔɔsu ɔnini, “Katɔti uléte bekyuli bani mɔɔtalaku lɛlɔ katɔ kuƒi. Mmomu uubunku bani muuboku lɛlɔ kalɔ.”

Budie Taatina 19:8

Blɔti úte-ma kɔdi kɔbuni kɔni muukeye sɛɛn ka beti benyimi.” Na kɔdi kɔbuni kɔmmɔ ndi ala siin ani na Katɔti bekyuli bammɔ bábla.

Litemi Batɛne 5:31

“Anwuɔsu, O Unwoti, ƒula bekisine ƒui bayii udu! Nsu bani mɔɔyɔ-ɔ litemi ama ni, bekeye aani ɔƒɛ ɔtu ɔdubo.” Amu na kalɔ kammɔ kakɛ bɔnwuna akwa aavlene sɔɔn.