Kɔgya 132:5 - Katɔti Ɔku Kedee

⁵ úti útédu ka lɛ́ka kesii kadi bɔwia bute mina Unwoti ɔni ndi Yakob Katɔti Ɔyikune Ƒui.”

Kɔgya 132:5 ပူးပေါင်းရင်းမြစ်များ

Samuel 2 6:17

Béti Unwoti Bunyimi Adaka ɔmmɔ bébeduoku ɔma na béti-nwu bétése Adi Kevo kani kemmo na Dawid ɔ́ya na bátu bése béte adaka ɔmmɔ kemmo. Ɔmmɔ kama Dawid ɔ́kyula akpala úte Unwoti na ɔ́bla unwi bɔbla akpala lɛnɔ.

Samuel 2 7:1

Unwoti ɔ́ya na Dawid ɔ́kɛ bɔnwuna ɔ́siku nwuna bekisine bani náka bámana-nwu enu kemmo na úbo úbelie nwuna ɔga kaduli.

Baga 1 8:17

“Mina ɔti Dawid ɔ́bla kasusu ka ɔ́tu kakpakɔ na bataakpa Israel Katɔti.

Baga 1 8:27

“Nsu ni, bulie na Katɔti ɔdubulie kayawi kamɛni kemmo geen geen? Ɔ́si katɔ útédu katɔ kakaaka ƒui muedi kalakana-a bɔda. Amu bátaka kakpakɔ kani na lɛ́tu líte-ɔ na kétedu lɛla lɛdi mɛni kemmo?

Ala Alɛdi 1 15:12

na ɔ́su-ma ɔnini, “Amii ndi Lewiƒuɔ atɔƒi amɛni benengu anwuɔsu amii Lewiƒuɔ banwa bakladi ni, ɔlɛka bikisi lɛlɔ na bɛbla lɛlɔ bɔbla sɛɛn ɔdi ɔmmɔ na bitéti Unwoti Bunyimi Adaka ɔni ndi Israelƒuɔ Katɔti mmɔ biboku na biti bibese kesii kani na lɛ́klibi líte-nwu mɛni.

Ala Alɛdi 1 15:3

Amu na Dawid ɔ́lɔ Israelƒuɔ ƒui ɔ́sala na Yerusalem na ɔ́su-ma ka betéti Katɔti Bunyimi Adaka ɔmmɔ beboku. Na uti use kesii kani ɔ́klibi úse úte-nwu.

Ala Alɛdi 1 22:7

Ɔ́su-nwu ɔnini, “Mina ubi, lɛ́yɔ ka nka lɛtu kakpakɔ lite Unwoti mina Katɔti kesii kani na badubutaakpa-nwu.

Ala Alɛdi 1 28:2

Amu Dawid ɔ́ta únye na ɔ́su ɔnini, “Mina kadi bekyuli, bise atu na binu, lɛ́wia ka lɛtu kesii kani na bɔdubuti Bunyimi Adaka ɔmmɔ buse na buteesie mmɔ lɛnɔ taatákpa Unwoti bula Katɔti. Na lɛ́ɛklibi ala ani na nka ndubuti lɛtu kakpakɔ kammɔ líse.

Ala Alɛdi 2 2:6

Ukyuli ɔdi ɔɔɔdubo bɔkana na ɔtu ɔtɔ bonwu ɔmmɔ udu ute Katɔti na ulie-nwu kemmo. Ɔ́si katɔ útédu katɔ kakaaka ƒui muedi kalakana-a bɔda. Na lɛla lɛni kani na mɔɔwia ka lɛbla ndi ka lɛtu kesii kani na buteeti bula akpala teete-nwu.

Yesaia 66:1

Unwoti ɔnini, “Katɔ na líse mina lɛgaboku. Na kalɔ lɛlɔ mina lɛgba lɛnya. Na ɔtɔ ɔmani udu na bɛdubɔtu bite-mi? Na wɛ na ndubulie lɛnwuna?

Eƒesoƒuɔ 2:22

Na Kristo ɔmmɔ kemmo na baatú abu lɛnɔ aani ɔtɔ kalɛ na bunwini keliekɔ bute Katɔti na kɔyu kemmo.