Nsu ƒula kataminta kalatu kaláƒiɔ. Na ƒula enu ani mbo ɔkplu geen alayuɛ. Ɔsika Yakob Unwoti Ɔyikune kɔnu kɔɔgyumana-a. Na Katɔti ndi Israel ɔdane aani baƒonu ɔdane kalɛ, na use aani lɛtakpɛ ute-nwu.
Amu Dawid ɔ́ta únye na ɔ́su ɔnini, “Mina kadi bekyuli, bise atu na binu, lɛ́wia ka lɛtu kesii kani na bɔdubuti Bunyimi Adaka ɔmmɔ buse na buteesie mmɔ lɛnɔ taatákpa Unwoti bula Katɔti. Na lɛ́ɛklibi ala ani na nka ndubuti lɛtu kakpakɔ kammɔ líse.
Na ɔdubɔya na bekyuli bekpidi bammɔ bakun ama alati bana ɔlɔna aani lɛna na bani bana ubugya bekpi aani kalɛ na baaní ntɛ teekpi. “Na ukyuli biala ɔdubɔnu ɔti ka ami ndi Unwoti Israel Katɔti Ɔyikune Ƒui ɔni mɔɔƒɔ́-mii ngba na ɔɔyá na bɛɛkɛ́ bɔnwuna.”