Kɔgya 131:2 - Katɔti Ɔku Kedee

² Sɔsɔ ni, nda lɛlɔ aani ubi ɔni na uni ɔ́nyuɛ-nwu na nwuna lɛgba lɛlɔ. Na mina kayi kese buɛɛ na mɔɔsia ala ammɔ anu.

Kɔgya 131:2 ပူးပေါင်းရင်းမြစ်များ

Kɔgya 42:11

Bi ɔsu na naaakɛ́ bɔnwuna na mina lɛlɔ ƒui kemmo na enu-mi lɛni? Ndubuti mina anu lɛsia Katɔti lɛlɔ na lɛsɔ limwi-nwu, ɔsika anwu ndi mina Ɔƒɔne ku mina Katɔti.

Kɔgya 42:5

Bi ɔsu na naaakɛ́ bɔnwuna na mina lɛlɔ ƒui kemmo na enu áƒɛ-mi lɛni? Líti mina anu lɛ́sia-a lɛlɔ. Na ngyi ka nsɔ ndubo awɔ mina Ɔƒɔne ku mina Katɔti bumwi lɛnɔ, ɔsika awɔ muubunku-mi.

Kɔgya 43:5

Bi ɔsu na naaakɛ́ bɔnwuna na mina lɛlɔ ƒui kemmo na enu áƒɛ-mi lɛni? Ndubuti mina anu lɛsia Katɔti lɛlɔ, ɔsika ɔdubɔya na lɛsɔ limwi-nwu aani mina Katɔti ku mina Ɔƒɔne kalɛ.

Kɔgya 62:1

Katɔti ƒula anumi kani na nnye mɔɔnu kpoo ka linu lɛla lɛdi. Na mɔɔnu ulu ka aƒɔ-mi.

Yesaia 30:15

Israel Unwoti Kedee Ɔyikune Ƒui ɔnini, “Ndubudie-mii na bina ɔgbankpi biala kemmo si bíti bina anu ku kayi ƒui bɛ́sia-mii lɛlɔ na bínwini bíbo-mi kudɔ na bíboku lɛlɔ kalɔ kpoo.

Kɔnyana Buwulo 3:26

Ɔdia geen ka bɔkɛ kayi na bunye butaanu Unwoti anumi na udie-bu.

Marko 10:15

Mɔɔsu-mii geen ka ukyuli ɔni naaadubo Katɔti lɛga bɔdi bɔƒɔ aani kalɛ na ɔnamu blii suɛ uuboku lɛlɔ kalɔ ni, uleduo Katɔti lɛga kadikɔ kudii.”

Luka 21:19

Binye kpakplaa, na bɛdubɔkɛ ngba bɔni nsɔ naaadubo bɔsa kudii.

Korintoƒuɔ 1 14:20

Banwa, bitabla lɛlɔ aani banamu na bina kasusu kemmo. Mmomu bɛbla lɛlɔ aani benengu si biiti kasusu. Nsu na likpidi lilu lɛlɔ ni, bɛbla lɛlɔ aani banamu.

Samuel 1 24:10

Ɔmwi limeyi lɛmɛni lɛlɔ ni, awɔ ɔlati ánu ku ƒula anumi nwaa ka nka Unwoti úti-ɔ ɔ́kya-mi enu kemmo na lɛtabi ubu ɔmmɔ kemmo. Na mina bekpone badi bénye-mi lɛlɔ banii ndu-ɔ, nsu líni na lɛ́su-ma nnii lɛɛɛdubo mina kɔnu bɔtala bɔbla awɔ mina ati lɛla lɛdi, ɔsika Unwoti ukyuli ɔni na úse likpo na adi.

Samuel 1 30:6

Na kayi kébo kaakpulu Dawid geen, ɔsika nwuna bekpone bammɔ baasu ka badububo-nwu atabi na livoƒi ku ɔƒɛ ɔni mɔɔdá-ma na bana bebi bananabi ku belekubi ɔsu. Nsu ɔ́kɛ ɔyikun ɔ́siku Unwoti, nwuna Katɔti kudɔ.