Kɔgya 131:1 - Katɔti Ɔku Kedee

¹ Unwoti Katɔti, likyulikpi ala bɔbla buuubo-mi kayi kemmo. Na mina anumi lɛnɔ alánu ala teetuloku lɛlɔ. Na lɛɛɛsiaku ala enengudi iye ala ani na etulo-mi kama.

Kɔgya 131:1 ပူးပေါင်းရင်းမြစ်များ

Samuel 2 6:22

Ɔmmɔ ɔsu si ina ánu mina katɔ aani lɛla lɛni muukpó kɔƒa ni, ami mɔɔyɔ́-nwu lɛni na ɔ́manku-mi lɛnɔ ka mina katɔ keteekpo kɔƒa. Na lɛni kani na ɔlɛ ka use. Nsu belekubi bani lɛlɔ litemi na aasu ni, badubuti ɔbu biala bete-mi.”

Hiob 42:3

Éye-mi anini, ‘Ɔma mɔɔtɛmi taasiku ala ani na lɛ́lɛ ugyii lɛlɔ lɛni na lɛla tati kemmo?’ Na sɔsɔ ni, lɛ́tɛmi lɛ́siku ala ani na mina kasusu kétenu kalɔ lɛlɔ. Na ana lɛlɔ ala ku kalɔ bunu ese-mi kalɛ kadi.

Kɔgya 101:5

Ukyuli ɔni mɔɔbɛla lɛlɔ taalɔ bekyuli anyikpi ni, ndubɔyila-nwu udu. Na ukyuli ɔni mɔɔtina lɛlɔ na ɔɔkun lɛmɛnɛ ni, lɛɛɛdubo bɔtunaku-nwu.

Kɔgya 122:1

Lɛlɔ lɛ́yɔ-mi ka básu-mi banii, “Ya na buteesie Unwoti kaduli.”

Kɔgya 124:1

Unwoti, si ɔɔɔdi awɔ nnye éte-bu ni, nka dɛ na ɔdubo buse? Israelƒuɔ, bɛsu bɛnini,

Kɔgya 133:1

Bɛnu kalɛ na ɔɔdia bɔnu si banwani bábla unwi na bása beli liku linwi.

Kɔgya 139:6

Kalɛ na éti agyi-mi kemmo kágyu geen ɔni utulo ami ɔlati kalɔ bunu.

Agba 21:4

Anumi ani mɔɔnu ɔnusɛ ku kayi kani mɔɔtalaku lɛlɔ katɔ ku likyulikpi ala bɔbla ƒui adi likpidi.

Yeremia 17:16

Unwoti, awɔ náƒuna-mi anii ntaanu ƒula bekyuli lɛlɔ na ɔmmɔ na nnye mɔɔbla. Na lɛla biala na lɛ́su ni, agyi-ni. Na ńtasu-ɔ ina limeyi lɛdi nnii ni-ma kɔtu kɔdi dii.

Yeremia 45:5

Ndubo bɔya na ɔgbankpi utaalɛ kesii biala. Anwuɔsu tabla kasusu na ala ebendi adi bɔbla lɛlɔ ete lɛlɔ. Nsu muusé kenye ka ndubo-ɔ bɔgyumana na elekpi na ɔmɛni kemmo. Ami Unwoti násu.”

Bumomo Bɔka 12:3

Na Mose ɔdi ukyuli ɔni use buɛɛ, na úboku lɛlɔ kalɔ útulo ukyuli biala na kalɔ kamɛni lɛlɔ.

Mateo 11:29

Bibo bɔda kɔda, na bɛtɛya bɛsiku-mi kudɔ. Nse buɛɛ na muuboku lɛlɔ kalɔ, na bɛdubɔkɛ bɔnwuna.

Batalane Kabla 20:19

Bɛ́nu kalɛ na lɛ́siaku Blɔti na lɛlɔ kalɔ buboku kemmo, ina ka líbo abi ku keku ɔ́si ɔni na Yudaƒuɔ báwia ka badu-mi ɔsu.

Romaƒuɔ 11:33

Katɔti úbomo geen na ala abuni ƒui ási-nwu kudɔ. Na geen ni, ɔ́da anu na ɔgyi ala ƒui kemmo kaduɛ. Ukyuli ɔdi ulénu ulu ɔni lɛlɔ na ɔɔsia taatɛ litemi kalɔ. Na ukyuli ɔdi ulénu lilu lɛni lɛlɔ na ɔɔsia taabla nwuna ala kalɔ.

Romaƒuɔ 12:16

Bɛbla unwi ku bina bakpana na bina ngba bulie kemmo. Bitatalaku lɛlɔ katɔ, mmomu bɛtuna na bɛsala ku bani neeebo kenyekɔ kadi na bekyuli anumi. Na bitanu lɛlɔ bitetulo bakladi.

Lɛkpa Ulu 17:20

Na ɔmɛni ndubɔya na ulátaakɔliku lɛlɔ katɔ teetulo nwuna banwa Israelƒuɔ bakladi. Na ɔdububunku-nwu lɛnɔ na ulénwini kama ulakya Katɔti ɔda bubo. Na si ɔ́bla lɛni ni, ɔdubɔya na anwu ku nwuna kaba bekyuli belie liboku lɛmmɔ lɛlɔ badi lɛga na Israel kalɔ lɛlɔ bétu uwi.

Tesalonikaƒuɔ 1 2:10

Amii alati ku Katɔti ndubunye-bu litemi lɛmɛni kama ka bɔ́da bula lɛlɔ kedee na bina akɔ. Bɔ́bla ala abuni. Na ukyuli ɔdi útanu bɔƒiɔ bɔdi na bula lɛlɔ.

Samuel 1 16:13

Amu na Samuel úwilimi nnɔmii bɔmmɔ úwi Dawid lili na nwuna banwani anumi. Na uwi ɔmmɔ kemmo kani na Katɔti Kɔyu kúbo na kɔ́ƒɔ Dawid lɛlɔ kemmo ƒui ku ɔyikun. Na Samuel lɛnɔ únwini úsie Rama.

Samuel 1 16:18

Mmɔ na benengu bammɔ akɔ unwi ɔ́su ɔnini, “Ɔnana ɔdi ɔ́si Betlehem na baalɔ-nwu Yisai. Ubo ubi ɔnanabi ɔni ngyi ɔbentaa bɔgya geen, na ɔdi ukpone ɔni mbo kayi, na ɔgyi bɔtɛmi na ɔɔdia bɔnu, na Unwoti lɛnɔ ɔsiaku-nwu geen.”

Samuel 1 16:22

Uwi útetu asa na Ɔga Saul ɔ́sɔ ɔ́tala ukyuli ɔ́kya Yisai ɔnini, “Mɔɔyɔ́ ƒ'ubidi Dawid geen, anwuɔsu muuvele-ɔ ya na ɔsɔ ɔkya-mi kudɔ mɛni utaabla-mi kabla.”

Samuel 1 17:15

Anwu muusié Saul kudɔ teesie taasɔ taatánu ɔti bebuo lɛlɔ na Betlehem.

Samuel 1 18:23

Amu na béti kenye kamɛni bésienku-nwu sɔsɔ. Nsu ka Dawid únu kenye kamɛni ni, ɔ́su ɔnini, “Ɔwabane na ndi na ńtaƒɔ lɛnyi. Na ɔƒɛni ni, uuuse kpɛtɛ kpɛtɛ ka linwini ɔga ubi ɔgya.”