Kɔgya 13:2 - Katɔti Ɔku Kedee

² Úti útédu uwi ɔmani lɛlɔ asa na mina kasusu kadubɔbla-mi nwaa? Mina kayi keenú ɔlɛ limeyi ndi limeyi. Na mina bekisine baanya-mi taakya.

Kɔgya 13:2 ပူးပေါင်းရင်းမြစ်များ

Nehemia 2:2

Anwuɔsu úye-mi ɔnini, “Bi ɔsu na ábla anumi kɔnyana kɔnyana lɛni ɔni na ɔɔɔdi ɔlɛ ɔdi nda-a? Ɔmɛni ɔɔɔdanku lɛla lɛdi, mmomu kayi kemmo kɔnyana bɔdu muukpóku-ɔ kayi kemmo.” Liƒu pii lɛɛda-mi.

Ester 7:6

Amu na Ester údie kenye ɔnini, “Ukisine ukpidi kati kati ɔmmɔ ndi Haman ɔni nli-ɔ kudɔ mɛni.” Mmɔ kani na liƒu bonwu líƒie Haman na Ɔga Ahasweros ku Beleku Ɔga Ester anumi mmɔ.

Hiob 10:15

Si lɛ́ƒiɔ-ɔ ni, bɔbuɛ na beete-mi. Na ina ńtaƒiɔ-ɔ muedi ni, uládia na lɛkɔliku mina lili katɔ na ala ani mɔɔlɛ́ku-mi kɔƒa ɔsu. Na ɔlɛ bunu bɔ́ƒɔ-mi lɛlɔ kemmo ƒui.

Kɔgya 10:18

Na bekpinebi ku bani na baanya taakya ni, adubɔtɛ bana litemi ete-ma na badi ubo kalɛ na likpidi bablane basɔ balákɛ ɔyikun ɔdi na bataabla-ma kalala na bataayila-ma lɛnɔ.

Kɔgya 116:3

Kukpi ɔgbankpi abuli ényimi-mi. Na kekpine kénwini aani liƒu kakpagyuɛ kani ndubo-mi budie.

Kɔgya 17:9

Die-mi lɛku mina bekisine bani náka-mi bákya ka bayila-mi ngba enu kemmo.

Kɔgya 31:18

Bala ɔkɔ banyine bammɔ ƒui kenye, ɔsika baakun lɛmɛnɛ na baatalaku lɛlɔ katɔ. Na baalɔ bekyuli bani nsiaku-ɔ kama siin anyikpi.

Kɔgya 38:17

Ɔsika ɔlɛ bunu bɔmmɔ bútulo-mi na buláƒana na mɔɔyɔ́ libuli.

Kɔgya 42:4

Si muunyimo ala adi bene ni, kayi kaakpulu-mi geen. Muunyimo uwi ɔni na ntaatɔnku ƒula bekyuli lisu na bútaasala teesie ƒula kakpakɔ taatátu lɛnu teemwi-ɔ ku lɛlɔyɔ.

Kɔgya 6:4

Unwoti, bo na ebedie-mi! Na ƒula lɛƒɔndia ɔsu ni, nu-mi kɔnyana na edie-mi na kukpi kemmo!

Kɔgya 7:2

Si ɔɔɔdi lɛni ni, badubo-mi buƒie bɔtɔlɔku aani gyata kalɛ na baduli-mi kɔkɛ kɔkɛ.

Kɔgya 74:10

Katɔti, adubunye ataanu na bula bekisine bataama-a na beteebile-ɔ lɛnyi uwi ƒui?

Kɔgya 74:18

O Unwoti, kali nu kalɛ na bekisine badɔlɔdi bamɛni baama-a na baalɔ-ɔ lɛnyikpi.

Kɔgya 8:2

Ábla banamu ku bebiwɔ anii beti bumwi bɔni náƒɔ kuye geen bete-ɔ. Elie kalɔ kpi ɔni na ƒula ukisine ɔdi ulakana-a bɔni bude kudii. Na bekyuli bani mɔɔta teenye-ɔ lɛlɔ ƒui aayila-ma udu.

Kɔgya 9:6

Bekisine bammɔ béduo ɔgbankpi ɔni kemmo na basɔ balakana bɔlɛ kudii. Na ábwɛ-ma kuliekɔ ƒui. Na ukyuli ɔdi ɔsɔ ulakali ɔnii bákya mmɔ dii muedi.

Agba 15:13

Kayi kani kemmo na lɛlɔyɔ lɛkya ni, kana anumi muukeye ku lɛma. Nsu ukyuli ɔni náyila lɛnunsia ni, enu aaƒɛ-nwu.

Etemila 5:17

Na nwuna ngba emeyi ƒui ni, ulátuna bulie taadi nwaa ku ebiti mmomu úmii na nwuna kayi ku kasusu kemmo ku ɔdu kati kati.

Yeremia 15:18

Úbile ala mina lɛlɔ na ɔ́ya na kayi kaakpulu-mi uwi biala. Adubo bɔya na mina lɛnunsia lɛyii aani ketu kani mɔɔkwii si kaƒɛndi kédu na liwulu sɔɔn nkya?

Yeremia 45:3

“Enye eewulo kɔnyana na aadú ami Unwoti kɔtɔ na ƒula lɛbibo ku kɔnyana kɔni kemmo na akya ɔsu, ku kalɛ na lɛlɔ lítu-ɔ na alakɛ bɔnwuna bɔdi.

Yeremia 8:18

Kayi kaakpulu-mi geen aani ala na nti mɔɔnɔ na mɔɔyɔ́ lite lili.

Kɔnyana Buwulo 1:5

Nwuna bekisine nénwini ɔma ɔmmɔ lɛlɔ badine, na bekisine bammɔ belie-nwu ƒaa. Ekpidi bonwu ani na ɔɔbla ɔsu na Unwoti ɔ́ya na lɛbibo lɛmmɔ udu líbo-nwu lɛlɔ, na ɔ́ya na bekisine béƒie nwuna bebi bátɔlɔku na béténwini bana bekisine kalɔ bakyane.

Kɔnyana Buwulo 1:9

Nwuna ekpidi énwini ala éduo-nwu adala na uleti kasusu lɛla lɛni ndubo-nwu bɔlɛku na uwi ɔni ntɔ-nwu anumi adubo lɛlɔ. Anwuɔsu Yerusalem kalɔ bubo bɔdi kɔnyana litemi bonwu, na ukyuli ɔdi uuubo na ɔsia-nwu kɔnu uwi ɔni na ɔ́su ɔnini, “Unwoti, nu kalɛ na mina bekisine bádi-mi lɛlɔ na muubó abi na anu-mi kɔnyana.”

Kɔnyana Buwulo 5:20

Bi ɔsu na áyiƒala-bu uwi gyɔlɔɔ lɛni?

Mateo 26:38

Na ɔ́su-ma ɔnini, “Muunú ɔlɛ na mina kɔyu kemmo geen aani si bukpi nda. Bɛsɔ binye mɛni na bitaagyumanaku-mi.”

Luka 22:53

Lɛ́kya-mii kudɔ na Yudaƒuɔ kakpakɔ limeyi ndi limeyi na bítakya ɔkplu bɛnii biiƒie-mi. Nsu ni, Katɔti néte-mii kuƒi kɔmɛni. Na Satan ɔyikun ɔdi lɛlɔ ɔƒaani.”

Yohane 16:6

Na ka lɛ́ɛya na bɛ́ti ɔmɛni ɔsu ni, bina lɛlɔ lɛ́bla-mii kɔnyana.

Romaƒuɔ 9:2

Mɔɔyá na bɛti ka kayi kaakpulu-mi na muunú ɔlɛ geen na mina lɛlɔ kemmo.

Ƒilipiƒuɔ 2:27

Sɔsɔ úbeƒi geen na úbu blii suɛ nka úkpi. Nsu Katɔti ɔ́nu-nwu kɔnyana. Na ɔɔɔdi anwu lɛti na ɔ́nu kɔnyana, mmomu ami lɛnɔ. Si ɔɔɔdi lɛni ni, nka mina lɛlɔ lɛdubɔkywi kaƒɔ geen.

Samuel 1 18:29

Dawid lɛlɔ lɛ́sɔ lɛ́da Saul liƒu líbu. Na ɔ́si uwi ɔmmɔ lɛlɔ ni, Saul úkisi Dawid nwuna ngba emeyi kemmo ƒui.

Samuel 1 24:19

Ɔsika ńtenu dii ka ukyuli ɔkɛ nwuna ukisine na ulu ɔmɛni lɛlɔ na ɔnyonu-nwu na ɔtɔlɔ kudii. Unwoti ute-ɔ kusɛ kusɛ na lɛla lɛni na ábla éte-mi ɔmwi mɛni ɔsu.